എസ്.എസ്.എം തര്‍ബിയ്യ കോട്ടയ്ക്കലില്‍ പെണ്‍കുട്ടികള്‍ക്ക് നടത്തുന്ന സ്പിരിച്വല്‍ ട്രെയിനിംഗ് ക്യാമ്പില്‍ ശിശുക്ഷേമ വിഭാഗം ഉദ്യോഗസ്ഥര്‍ ഇടപെടണമെന്ന് ആവശ്യം. ക്യാമ്പ് നടക്കുന്ന അടുത്തമാസം 12ന് മലപ്പുറം കോട്ടയ്ക്കലില്‍ ആരോഗ്യവകുപ്പും മാധ്യമപ്രവര്‍ത്തകരും ആധുനിക വൈദ്യശാസ്ത്ര-മാനസികാരോഗ്യ ശാസ്ത്രവിദഗ്ധന്‍മാരും ഉള്‍പ്പെടുന്ന ഒരു ക്യാമ്പ് അടിയന്തരമായി നടത്തണം. ഇത്തരം ഗൗരവമായ വിഷയത്തില്‍ കൗണ്‍സിലിംഗ് അടക്കം നടത്തുന്നവര്‍ക്ക് എന്ത് യോഗ്യതയുണ്ടെന്ന് അറിയണമെന്നും ഒരു കൂട്ടം ആരോഗ്യപ്രവര്‍ത്തകര്‍ ഫെയിസ്ബുക്കിലൂടെ ആവശ്യപ്പെടുന്നു. ഇത്തരം പരിപാടികള്‍ക്കെതിരെ പൊതുജനവികാരം ഉയരണമെന്നും പറയുന്നു.

പെണ്‍കുട്ടികളില്‍ വര്‍ദ്ധിച്ചുവരുന്ന പ്രണയരോഗം, അനുസരണക്കേട്, ലക്ഷ്യബോധമില്ലായ്മ, പിടിവാശി, പഠനത്തില്‍ താല്‍പര്യക്കുറവ്, എത്രപഠിച്ചാലും മറന്ന് പോകാന്‍ എന്നിവയ്ക്കാണ് സ്പിരിച്വല്‍ ട്രെയിനിംഗ് ക്യാമ്പ് നടത്തുന്നത്. മൂന്നൂറ് രൂപയ്ക്ക് ഭക്ഷണം ഉള്‍പ്പെടെയുള്ള ഏകദിന ക്യാമ്പാണ് സംഘടിപ്പിച്ചിരിക്കുന്നത്. എട്ടാംക്ലാസ് മുതല്‍ വിവാഹത്തിന് തയ്യാറെടുക്കുന്ന പെണ്‍കുട്ടികള്‍ക്കും പങ്കെടുക്കാമെന്നാണ് സംഘാടകര്‍ അവകാശപ്പെടുന്നു. ഇതിനെതിരെ സമൂഹമാധ്യമങ്ങളില്‍ വ്യാപകപ്രതിഷേധവും ഉയര്‍ന്നിട്ടുണ്ട്. പലരും ഇതിലെ കണക്കിന് ട്രോളിയിട്ടുമുണ്ട്. അതിലൊന്ന് ചുവടേ ചേര്‍ക്കുന്നു.... 

1.പെണ്‍കുട്ടികളെ മാത്രം ബാധിക്കുന്ന രോഗമായതിനാല്‍ ത ക്രോമസോമിന്റെ തകരാറാവാനാണ് സാധ്യത. ഇത്തരം രോഗമുണ്ടായിരുന്ന അഛനമ്മമാരില്‍ നിന്നായിരിക്കണം കുട്ടികള്‍ക്കിത് പകര്‍ന്നത്. എങ്കിലാ രോഗമുള്ളവര്‍ക്കുണ്ടാകുന്ന കുട്ടികളിലേക്കും ഇത് പകരുമെന്നത് ശാസ്ത്രസത്യം. കല്യാണം കഴിപ്പിക്കുന്നതിന് മുമ്പ് ജീന്‍തെറാപ്പി പോലുള്ള ചികിത്സകളിലൂടെ ഒരു പരിധി വരെ തടയാന്‍ കഴിഞ്ഞേക്കും.

2. രോഗം പകരുന്നത് തടയുന്നതിനായി 'റോമിയോ പ്രതിരോധ ഗുളികകള്‍' കവലകള്‍ തോറും ബാനര്‍ കെട്ടി വിതരണം ചെയ്യുന്നത് ഗുണകരമാകും. ഗുളികകള്‍ ഇന്നുതന്നെ ഗവേഷണം നടത്തി വികസിപ്പിക്കുമെന്ന് വിചാരിക്കുന്നു.

3. കല്യാണം കഴിഞ്ഞവരെയും ഏഴാം ക്ലാസില്‍ പഠിക്കുന്ന കുട്ടികളെയും ബാധിക്കാത്തതിനാല്‍ പെണ്‍കുട്ടികളെ ഏഴാം ക്ലാസില്‍ പഠിപ്പു നിര്‍ത്തിക്കുകയോ കല്യാണം കഴിപ്പിക്കുകയോ ചെയ്താല്‍ രോഗം പകരുന്നതിന് ശാശ്വതപരിഹാരമാകുമെന്നാണ് തോന്നുന്നത്. അതില്‍ കൂടുതല്‍ പഠനങ്ങള്‍ വേണ്ടതാണ്.

4. ആണ്‍കുട്ടികള്‍ എങ്ങനെയാണ് ഈ രോഗം വരാതെ പ്രതിരോധിക്കുന്നതെന്ന് പഠിക്കാന്‍ ചഅടഅ യെ ചുമതലപ്പെടുത്താന്‍ സര്‍ക്കാരിനോട് നമുക്കൊരുമിച്ചാവശ്യപ്പെടാം.

5. മറ്റൊന്ന്, ഇതൊരു വൈല്‍ഡ് ഗസാണ്. ശരിയാവണമെന്നില്ലാ. ഈ പ്രണയരോഗം മുമ്പെങ്ങും കേട്ടുകേള്‍വിയില്ലാത്ത ഒരു രോഗമായതിനാല്‍ ആരോഗ്യവകുപ്പിന്റെ ഗൂഢാലോചന ആയിരിക്കാനും സാധ്യതയില്ലാതില്ല. അങ്ങനെയെങ്കില്‍ മുഖ്യമന്ത്രി രാജിവയ്ക്കുക മാത്രമേയുള്ളു പ്രതിവിധി.

6. രോഗമിത്രയും ഗുരുതരമായി പടര്‍ന്നുപിടിച്ചിട്ടും ഇന്‍ഫോ ക്ലിനിക്കോ കങഅ യോ പോലുള്ള ഡോക്ടര്‍മാരുടെ സംഘടനകള്‍ ഒരക്ഷരം മിണ്ടിയിട്ടില്ല എന്നത് സംശയാസ്പദമാണ്. ഇനിയുമവര്‍ മൗനം പാലിക്കുന്നെങ്കില്‍ ഇതിനു പിന്നില്‍ മരുന്നുമാഫിയ തന്നെയെന്ന് നമുക്കുറപ്പിക്കാം.

7. വെറും 300 രൂപയ്ക്ക് ഭക്ഷണത്തോടുകൂടി ഇതുപോലൊരു 'പ്രണയരോഗനിവാരണയജ്ഞം' സംഘടിപ്പിക്കുന്നവരെ അഭിനന്ദിക്കാതെ തരമില്ല. അടുത്ത വര്‍ഷത്തെ നോബല്‍ സമ്മാനത്തിന് ഈ ജീവകാരുണ്യപ്രവൃത്തിയെ നോമിനേറ്റ് ചെയ്യാന്‍ ബഹുമാനപ്പെട്ട കേരള സര്‍ക്കാരിനോട് അഭ്യര്‍ത്ഥിക്കുകയാണ്.. അപേക്ഷിക്കുകയാണ്.