ഇന്‍ഫോസിസ് തിരുവനന്തപുരത്ത് മോംസ് നെറ്റ് ആരംഭിച്ചു, മെറ്റേണിറ്റി ബെനഫിറ്റ് നിയമത്തിന് അനുസൃതമായി ആരംഭിക്കുന്ന മോംസ് നെറ്റ് പുതിയ അമ്മമാര്‍ക്കും അമ്മയാകാന്‍ കാത്തിരിക്കുന്നവര്‍ക്കും ആശ്വാസം
ഇന്‍ഫോസിസ് തിരുവനന്തപുരം ഡെവലപ്പ്‌മെന്റ് സെന്ററില്‍ പുതിയ അമ്മമാര്‍ക്കും അമ്മയാകാന്‍ കാത്തിരിക്കുന്നവര്‍ക്കും സൗകര്യം ഒരുക്കുന്ന മോംസ് നെറ്റ് ഉദ്ഘാടനം ചെയ്യ്തു. മെറ്റേണിറ്റി ബെനഫിറ്റ് നിയമത്തിന് അനുസൃതമായി ആരംഭിക്കുന്ന മോംസ് നെറ്റ് പുതിയ അമ്മമാര്‍ക്കും അമ്മയാകാന്‍ കാത്തിരിക്കുന്നവര്‍ക്കുമുള്ള നിലവിലുള്ള ഡോര്‍മിറ്ററിയുടെ ആധുനിക സൗകര്യങ്ങളോട് കൂടിയ വിപുലീകരണമാണ്. പുതിയ അമ്മമാരെയും അമ്മയാകാന്‍ കാത്തിരിക്കുന്നവരെയും ജോലിക്ക് തിരികെ വരാന്‍ പ്രേരിപ്പിക്കുക എന്ന ലക്ഷ്യത്തോടെയാണ് മോംസ് നെറ്റ് ഇന്‍ഫോസിസിന്റെ എല്ലാ കേന്ദ്രങ്ങളിലും ആരംഭിക്കുന്നത്.
ഇവിടെ ആധുനിക സാങ്കേതിക വിദ്യ അറിയാനും പുതിയ പ്രൊജക്റ്റുകള്‍ക്കു ആവശ്യമായ വൈദഗ്ദ്യം നേടാനും മുതിര്‍ന്ന നേതൃത്വവുമായും ട്രെയിനിങ്ങ് ആന്റ് ടാലന്റ് ടീമുകളുമായും പുതിയ അമ്മമാര്‍ക്കു സ്ഥിരം സെഷനുകള്‍ ഒരുക്കും. ഇതിന് പുറമെ, നിരന്തര സമ്പര്‍ക്കത്തിനായി ഇന്‍ഫോസിസ് മൊബൈല്‍ ആപല്‍ക്കേഷനായ സഫയര്‍ ആക്‌സസ് ചെയ്യാനും കമ്പനിയുടെ ഓണ്‍ലൈന്‍ ട്രെയിനിങ്ങ് പ്ലാറ്റ്‌ഫോമായ ലെക്‌സ് വഴി ഇന്‍ഫോസിസ് കോഴ്‌സുകള്‍ക്ക് ഏത് സമയത്തും എവിടെ വച്ചും ഏത് ഡിവൈസ് വഴിയും ആക്‌സസ് ചെയ്യാനുമാകും.
https://www.facebook.com/Malayalivartha
