വെസ്റ്റ് ഇന്ഡീസ് താരങ്ങള്ക്ക് പണം, ആദായ വകുപ്പ് അന്വേഷണം ആരംഭിച്ചു
കൊച്ചി ഏകദിനം കളിക്കാന് വെസ്റ്റ് ഇന്ഡീസ് താരങ്ങള്ക്ക് ബി.സി.സി.ഐ പണം നല്കിയെന്ന റിപ്പോര്ട്ടില് ആദായ നികുതി വകുപ്പ് അന്വേഷണം ആരംഭിച്ചു. ആദായ നികുതി വകുപ്പ് കൊച്ചി അന്വേഷണ വിഭാഗം ഡയക്ടര് ജനറലിന്റെ നിര്ദേശത്തെ തുടര്ന്നാണ് അന്വേഷണം. കെ.സി.എ ഭാരവാഹികളില് നിന്ന് ആദായ നികുതി വകുപ്പ് അധികൃതര് വിശദീകരണം തേടി. എന്നാല് പണം നല്കിയിട്ടില്ലെന്നാണ് കെസിഎയുടെ നിലപാട്. പണം നല്കുന്നത് സംബന്ധിച്ച് ബിസിസിഐ ധാരണയുണ്ടാക്കിയതായി സൂചനയുണ്ടന്നും കെസിഎ വ്യക്തമാക്കി.
പ്രതിഫല തര്ക്കത്തെ തുടര്ന്ന് ഇന്ത്യയുമായുള്ള മത്സരത്തില് നിന്ന് പിന്മാറുമെന്ന് ഭീഷണി മുഴക്കിയ വെസ്റ്റ് ഇന്ഡീസ് താരങ്ങള്ക്ക് ബിസിസിഐ നാലു കോടി രുപ നല്കിയെന്നാണ് ആരോപണം. വെസ്റ്റ് ഇന്ഡീസുമായുള്ള ബിസിസിഐയുടെ ചര്ച്ചകള്ക്ക് കെസിഎ ഇടനില നിന്നുവെന്ന സൂചനയെ തുടര്ന്നാണ് കെസിഎയോട് വിശദീകരണം തേടിയത്. വിന്ഡീസിന് പണം നല്കിയിട്ടുണ്ടെങ്കില് എത്ര തുക നല്കി, ഇത്ര പെട്ടെന്ന് പണം എങ്ങനെ സമാഹരിക്കാനായി, പണത്തിന്റെ ഉറവിടം എന്നിവയാണ് ആദായ നികുതി വകുപ്പ് അന്വേഷിക്കുന്നത്.
ബി.സി.സിഐയുടെ മുംബൈ ഓഫീസിലും ആദായ നികുതി വകുപ്പ് അന്വേഷണം നടത്തും. കൂടുതല് അന്വേഷണത്തിന് കേസ് മുംബൈ വിഭാഗത്തിന് കൈമാറിയിട്ടുണ്ട്. ബിസിസിഐ സെക്രട്ടറി സഞ്ജയ് പട്ടേല് കൊച്ചിയില് എത്തിയാണ് വിന്ഡീസ് താരങ്ങളെ വരുതിയിലാക്കിയത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
