ഇടതുപക്ഷ യുവജന സംഘടനകള്‍ തിരുവനന്തപുരത്ത് സെക്രട്ടേറിയേറ്റിന് മുമ്പില്‍ നടത്തിയിരുന്ന അനിശ്ചിതകാല നിരാഹാരം അവസാനിപ്പിച്ചത് ഉമ്മന്‍ചാണ്ടിയുടെ കാലു പിടിച്ചാണ്. നിയമനനിരോധനത്തിനെതിരെ സമരം ചെയ്ത ഇടതു യുവതുര്‍ക്കികളുമായി ചര്‍ച്ചയ്ക്ക് മുഖ്യമന്ത്രി തയ്യാറായിരുന്നില്ല. സമരം ചെയ്യാന്‍ എല്ലാപേര്‍ക്കും അവകാശമുണ്ടെന്ന സമീപനമാണ് മുഖ്യമന്ത്രി സ്വീകരിച്ചത്. എന്നാല്‍ സമരം പൊളിയുമെന്ന സാഹചര്യം ഇടതുമുന്നണി ഉപനേതാവ് കോടിയേരി ബാലകൃഷ്ണന്‍ മുന്നില്‍ കണ്ടു. മുഖ്യമന്ത്രിയുമായി ചര്‍ച്ച നടത്താന്‍ കൊടിയേരിയെ നിയോഗിച്ചത് പിണറായി വിജയനാണ്.
അതേസമയം തനിക്ക് പുതുതായി ഒരുറപ്പും നല്‍കാനില്ലെന്ന് ഉമ്മന്‍ചാണ്ടി കോടയേരിയെ അറിയിച്ചു. പെന്‍ഷന്‍ പ്രായം കൂട്ടില്ലെന്ന് നേരത്തെ തീരുമാനിച്ചിരുന്നു. നിയമനനിരോധനം എന്ന കാര്യം സര്‍ക്കാര്‍ ആലോചിച്ചിട്ടില്ല. നിയമനനിരോധനം ഉണ്ടെന്ന കാര്യം പ്രചരണം മാത്രമാണ്. കെ.എസ്.ആര്‍.ടി.സി കണ്ടക്ടര്‍ തസ്തികയിലേക്ക് മെമ്മോ നല്‍കിയവര്‍ക്കെല്ലാം ഒരുവര്‍ഷത്തിനകം നിയമനം നല്‍കാമെന്ന് ഗതാഗതമന്ത്രി തിരുവഞ്ചൂര്‍ രാധാകൃഷ്ണന്‍ ഉറപ്പുനല്‍കിയിരുന്നു. ഇതാണ് വാസ്തവമെന്നിരിക്കെ ഇടതുയുവജന സംഘടനകള്‍ സമരം നടത്തുന്നത് എന്തിനാണെന്ന് മനസിലാവുന്നില്ലെന്നും മുഖ്യമന്ത്രി പറഞ്ഞിരുന്നു. മന്ത്രിസഭായോഗങ്ങള്‍ക്ക് ശേഷം വരുന്ന വാര്‍ത്താ സമ്മേളനങ്ങളില്‍ ഇക്കാര്യം ചോദിക്കുമ്പോള്‍ മുഖ്യമന്ത്രി ഒഴിഞ്ഞുമാറുന്നു. ആവശ്യമില്ലാത്ത സമരങ്ങളോട് താന്‍ എങ്ങനെയാണ് പ്രതികരിക്കുകയെന്നും ഉമ്മന്‍ചാണ്ടി ആരാഞ്ഞിരുന്നു.
ഇതിനിടയില്‍ സിപിഎമ്മിന്റെ പി ആര്‍ ഒ എന്നറിയപ്പെടുന്ന കോടിയേരി ബാലകൃഷ്ണന്‍ മുഖ്യമന്ത്രിയെ കണ്ടു. അദ്ദേഹത്തോടും തന്റെ പഴയ പല്ലവി ഉമ്മന്‍ചാണ്ടി ആവര്‍ത്തിച്ചു. ഒടുവില്‍ കോടിയേരി മുഖ്യമന്ത്രിയുടെ സഹായമഭ്യര്‍ത്ഥിച്ചു. ഇതു തന്നെയാണ് സോളാര്‍ സമരത്തിലും സംഭവിച്ചത്. അന്നും സമരം പൊളിയുമെന്നായപ്പോള്‍ കോടിയേരിയാണ് ഉമ്മന്‍ചാണ്ടിയെ കണ്ടത്.

ഏതായാലും ഇനിയുമൊരു സമരത്തിന് ബാല്യമില്ലെന്ന മട്ടിലാണ് സി.പി.എം നീങ്ങുന്നത്. താന്‍ ഇനിയാരോടും സംസാരിക്കില്ലെന്നും കോടിയേരി നേതൃത്വത്തെ അറിയിച്ചു. ചുരുക്കത്തില്‍ സെക്രട്ടേറിയേറ്റിന് ആശ്വസിക്കാനുളള വകയാണ് കാണുന്നത്. ഒന്നരക്കൊല്ലത്തേയ്ക്ക് ഒരു സമരവും പ്രതീക്ഷിക്കേണ്ടതില്ല.
കോടിയേരിയുടെ അഭ്യര്‍ത്ഥന പിണറായി ഗൗരവമായെടുത്തെന്നാണ് സൂചന. സമരം നടക്കും മുമ്പ് നേതൃത്വത്തോട് ആലോചിക്കണമെന്നാണ് പിണറായി ബഹുജനനേതാക്കള്‍ക്ക് നല്‍കിയിരിക്കുന്ന നിര്‍ദേശം. സമരങ്ങളുടെ കാലം കഴിഞ്ഞു എന്നാണ് ഇതു സംബന്ധിച്ചുളള ചോദ്യങ്ങള്‍ക്ക് പിണറായിയും കോടിയേരിയും രഹസ്യമായി പ്രതികരിക്കുന്നത്. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha