റിപ്പോ നിരക്കിൽ വർദ്ധനവ്.... നാലു വർഷത്തെ ഇടവേളക്കുശേഷം അടിസ്ഥാന വായ്പ പലിശ നിരക്ക് വർദ്ധിപ്പിച്ച് റിസർവ് ബാങ്ക്. റിപ്പോ നിരക്ക് കാൽ ശതമാനം (0.25 %) ഉയർത്തി 5.50 ശതമാനമാക്കി. ഇതോടെ ബാങ്ക് വായ്പയുടെ പലിശ നിരക്ക് വർദ്ധിക്കും.

ആർ.ബി.ഐ ഗവർണർ സഞ്ജയ് മൽഹോത്ര വാർത്താസമ്മേളനത്തിലാണ് നിരക്കു വർദ്ധന അറിയിച്ചത്. പണപ്പെരുപ്പം നിയന്ത്രിക്കുന്നതിൻറെ ഭാഗമായാണ് അടിസ്ഥാന പലിശ നിരക്ക് ഉയർത്തുന്നതെന്നാണ് ഔദ്യോഗിക വിശദീകരണമുള്ളത്. 2023 ഫെബ്രുവരിയിലാണ് ഇതിനു മുമ്പ് റിപ്പോ നിരക്ക് വർദ്ധിപ്പിച്ചത്. അന്ന് ആർ.ബി.ഐ നിരക്ക് 25 അടിസ്ഥാന പോയന്റ് ഉയർത്തി 6.50 ശതമാനമാക്കിയിരുന്നു.

നടപ്പ് സാമ്പത്തികവർഷത്തിലെ വളർച്ചാ അനുമാനം 7.1 ശതമാനമായിരിക്കുമെന്ന് സഞ്ജയ് മൽഹോത്ര . സാമ്പത്തിക വർഷത്തിന്റെ രണ്ടാംപാദത്തിൽ 7.2 ശതമാനം നിരക്കിലും മൂന്നാംപാദത്തിൽ 6.9 ശതമാനം നിരക്കിലും നാലാംപാദത്തിൽ 6.8 ശതമാനം നിരക്കിലുമാവും സമ്പദ്‌വ്യവസ്ഥ വളരുക.

ഉപഭോക്തൃ വില സൂചികയെ അടിസ്ഥാനമാക്കിയുള്ള പണപ്പെരുപ്പം ആഗസ്റ്റിൽ ഉയർന്നിട്ടുണ്ടെന്നും ആർബിഐ ഗവർണർ വ്യക്തമാക്കുകയും ചെയ്തു. ഭക്ഷ്യവസ്തുക്കളുടെ വില വർധിച്ചതാണ് പണപ്പെരുപ്പം ഉയരാനായി കാരണം. പഞ്ചസാരയും ഉള്ളിയും പോലുള്ള ചില ഭക്ഷ്യവസ്തുക്കളുടെ വിലയും ഉയരും.

രാജ്യത്തെ കേന്ദ്ര ബാങ്കായ റിസർവ് ബാങ്ക് ഓഫ് ഇന്ത്യ (RBI) വാണിജ്യ ബാങ്കുകൾക്ക് ഹ്രസ്വകാലത്തേക്ക് നൽകുന്ന വായ്പകൾക്ക് ഈടാക്കുന്ന പലിശ നിരക്കാണ്. ഇതിന് ആനുപാതികമായി ബാങ്കുകൾ വായ്പകളുടെ പലിശനിരക്കും ഉയർത്തും. സാധാരണക്കാർക്കും വ്യാപാരികൾക്കും ഇത് തിരിച്ചടിയാകുകയും ചെയ്യും.
എന്നാൽ, എല്ലാത്തരം വായ്പകളുടെയും പലിശനിരക്ക് വർദ്ധിപ്പിക്കില്ല. റീപ്പോ അധിഷ്ഠിത വായ്പകൾ, ഫ്ലോട്ടിങ് വായ്പകൾ, പുതിയ വായ്പകൾ എന്നിവക്കാണ് പലിശയിൽ വർദ്ധനയുണ്ടാവുക. ഫിക്സഡ് പലിശനിരക്കിൽ വായ്പകളുള്ളവരുടെ പലിശ നിരക്ക് മാറുകയില്ല.