തലസ്ഥാന നഗരിയിലെ ലേഡീസ് ഹോസ്റ്റലുകള്‍ ഇപ്പോള്‍ ഭീതിയിലാണ്. തിരുവനന്തപുരത്തെ പൂജപ്പുരയിലും പരിസരത്തുമുള്ള ലേഡീസ് ഹോസ്റ്റലുകളില്‍ നിന്നുമാണ് രാത്രികാലങ്ങളില്‍ നിലവിളികളുയരുന്നത്. ഹോസ്റ്റലുകളില്‍ നിന്നുള്ള നിലവിളി കേട്ട് സമീപവാസികളും പേടിച്ചിരിക്കുകയാണ്.

കഴിഞ്ഞ ദിവസങ്ങളില്‍ പൂജപ്പുരയിലെ പേരുകേട്ട ലേഡീസ് ഹോസ്റ്റലെ വനിതകള്‍ക്കാണ് തുടര്‍ച്ചയായ അനുഭവമുണ്ടാകുന്നത്. രാത്രികാലങ്ങളില്‍ കോമണ്‍ ടോയ്‌ലറ്റില്‍ കയറിയ പെണ്‍കുട്ടിയാണ് ഗ്ലാസ് ജനലിന്റെ വെളിയില്‍ ഒരാളുടെ നിഴല്‍ കണ്ടത്. രാത്രിയില്‍ പേടിച്ചു പോയ പെണ്‍കുട്ടി നിലവിളിച്ചു. തുടര്‍ന്ന് പേടിച്ചു പോയ മറ്റ് പെണ്‍കുട്ടികളും യുവതികളും നിലവിളിയോടെ ഒത്തു കൂടി. അപ്പോഴേക്കും അയാള്‍ സണ്‍ഷെയ്ഡില്‍ കൂടി ചാടി ഓടുകയായിരുന്നു. 

ഇതോടെ പെണ്‍കുട്ടികള്‍ വളരെ ജാഗരൂഗരായി. അവര്‍ ഹോസ്‌ററല്‍ നടത്തുന്ന ആള്‍ക്കാരോട് പരാതിപ്പെട്ടെങ്കിലും ഇത് തോന്നിയതാകാമെന്ന് പറഞ്ഞ് ആശ്വസിപ്പിച്ചു. തുടര്‍ന്ന് തൊട്ടടുത്ത ദിവസം മറ്റൊരു പെണ്‍കുട്ടി ജനലിന്റെ വശത്തുകൂടെ നടന്നപ്പോള്‍ ജനലില്‍ കൂടി ഒരു കൈ അകത്തേക്ക് വന്നു. പെണ്‍കുട്ടിയെ പിടിക്കാനായി ആ കൈവന്നു. പെണ്‍കുട്ടി നിലവിളിച്ച് കൈതട്ടിമാറ്റി ഓടി. ഇതോടെ വീണ്ടും നിലവിളിയായി. അങ്ങനെ ആ ഹോസ്റ്റലിലുണ്ടായിരുന്ന പെണ്‍കുട്ടികളും യുവതികളും ഒത്തുകൂടി പോലീസിനെ വിവരം അറിയിച്ചു.

തുടര്‍ന്ന് പൂജപ്പുര പോലീസെത്തി ഹോസ്റ്റലിന്റെ വെളിഭാഗം അരിച്ചുപെറുക്കി. അപ്പോഴേക്കും ഒരാള്‍ ചാടി ഓടുന്നതും പോലീസ് കണ്ടു. ഇതോടെ പൂജപ്പുരയിലെ ലേഡീസ് ഹോസ്റ്റലുകളെ ലക്ഷ്യമാക്കി പോലീസ് പെട്രേളിംഗ് നടത്തുന്നുണ്ട്.
ഇവിടത്തെ ഹോസ്റ്റലിലെ പെണ്‍കുട്ടികള്‍ ആകെ പേടിയിലാണ്. ഈ വരുന്നരുടെ ലക്ഷ്യം ഒളിഞ്ഞു നോട്ടമാണെന്നാണ് പെണ്‍കുട്ടികള്‍ പറയുന്നത്. എല്ലാവരുടേയും കൈയ്യില്‍ മൊബൈല്‍ ക്യാമറ ഉള്ളതിനാല്‍ അവര്‍ അതിനേയും ഭയക്കുന്നുണ്ട്. ബാത്ത് റൂമിലോ മറ്റോ രഹസ്യ ക്യാമറ വക്കാനാണോ ഇവര്‍ വരുന്നതെന്നും പെണ്‍കുട്ടികള്‍ സംശയിക്കുന്നുണ്ട്. ഇവിടെയുള്ള ഹോസ്റ്റലുകളിലെ താമസക്കാര്‍ ഇപ്പോള്‍ വളരെ പേടിയോടെയാണ് കഴിയുന്നത്. മനസമാധാനത്തോടെ ബാത്ത് റൂമില്‍ പോലും പോകാന്‍ ഇവര്‍ക്ക് കഴിയുന്നില്ല. 
മിക്ക ലേഡീസ് ഹോസ്റ്റലുകളിലും വാച്ചര്‍മാരു പോലുമില്ല. ലേഡീസ് ഹോസ്റ്റലില്‍ വാച്ചര്‍മാരെ വച്ചാലും പ്രശ്‌നം തന്നെയെന്നാണ് ഈ ഹോസ്റ്റലുടമ പറയുന്നത്. പണ്ടൊരിക്കല്‍ ഒരു വാച്ചറിനെ ഒളിഞ്ഞ് നോട്ടത്തിനിടയില്‍ കൈകാര്യം ചെയ്തിരുന്നു. 

നാട്ടില്‍ നിന്നും വളരെയകലെ പഠിത്തത്തിനും ജോലിക്കുമായി തിരുവനന്തപുരത്തെത്തിയവരാണ് ഇവരെല്ലാം. ഇവര്‍ക്ക് ഈ നാട്ടില്‍ സഹായത്തിനാരുമില്ല. ഈ ഒളിഞ്ഞു നോട്ടക്കാരുടെ ഭിഷണിയില്‍ ഹോസ്റ്റല്‍ താമസക്കാര്‍ ഭീതിയിലാണ്. പോലീസിന്റെ അടിയന്തിര ഇടപെടല്‍ ഉണ്ടായില്ലെങ്കില്‍ ഇനിയും നിലവിളികള്‍ ഉണ്ടാകുമെന്നാണ് ഇവര്‍ കരുതുന്നത്. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha