എഴുപതുവയസ്സുളള ഒരമ്മയുടെ കഥയാണ് ഇത്. രമേശ് ചെന്നിത്തലയുടെ പോലീസ് കൊന്നുകളഞ്ഞ ഒരമ്മയുടെ കഥ.

മദ്യപിച്ച് ബഹളമുണ്ടാക്കിയതിന് അമ്മയുടെ മകന്‍ രാധാകൃഷ്ണന്റെ പേരില്‍ ഒരു പെറ്റികേസ് ഉണ്ടായിരുന്നു. ഇതേ കുറ്റത്തിന് ഒരു വാറണ്ടും നിലവിലുണ്ടായിരുന്നു. സ്റ്റേഷനില്‍ ഹാജരാകാന്‍ മൂന്ന് തവണ നിര്‍ദേശിച്ചെങ്കിലും രാധാകൃഷ്ണന്‍ ഹാജരായില്ലെന്നാണ് പോലീസ് പറയുന്നത്. കോഴിക്കോട്ടെ പെരുവണ്ണാമൂഴിയിലാണ് സംഭവം. നാലൂമാസം മുമ്പ് രജിസ്റ്റര്‍ ചെയ്ത കേസായിരുന്നു. കുറ്റം കോടതിയില്‍ തെളിയിക്കുകയാണെങ്കില്‍ 1000 രൂപ പിഴ ഈടാക്കും. ആത്രയേയുളളു. എന്നാല്‍ പൗരബോധം പ്രകടിപ്പിക്കാന്‍ പ്രതിജ്ഞബദ്ധരായ പോലീസ് അര്‍ദ്ധരാത്രി ഒന്നരയോടെ രാധാകൃഷ്ണന്റെ വീട്ടിലെത്തി. ബെല്ലടിക്കുക മാത്രമല്ല, ആരുമില്ലേ എന്ന് ആക്രോശിക്കുകയും ചെയ്തു. വീടുതുറന്ന് പുറത്തിറങ്ങിയ രാധാകൃഷ്ണന്റെ അമ്മ, നാരായണി അമ്മ പോലീസിനെ കണ്ടതും മോഹാലസ്യപ്പെട്ടു വീണു. പോലീസുകാര്‍ മര്യാദരാമന്‍മാര്‍ അയിരുന്നുവെന്നാണ് ഉയര്‍ന്ന ഉദ്ദ്യോഗസ്ഥന്‍മാര്‍ പിന്നീട് പറഞ്ഞത്. എന്നാല്‍ മര്യദയോടെ വീട്ടിലെത്തുന്നവരെ കണ്ട് എന്തിന് ഒരു സ്ത്രീ മോഹാലസ്യപ്പെടണം?
ബോധരഹിതയായി വീണ നാരായണിയെയും മകന്‍ രാധാകൃഷ്ണനേയും കൊണ്ടു തങ്ങള്‍ ആശുപത്രിയില്‍ പോയെന്നും എന്നാല്‍ ആശുപത്രിയിലെത്തുന്നതിനു മുന്‍പ് നാരായണി മരിച്ചു കഴിഞ്ഞതായും പോലീസ് പറയുന്നു. സംഭവ സമയത്ത് നാരായണിയുടെ ഭര്‍ത്താവ് 78 വയസ്സുളള കേളപ്പന്‍നായര്‍ വീട്ടിലുണ്ടായിരുന്നു. സൂര്യസ്തമനത്തിനു ശേഷം പ്രതികളെ അറസ്റ്റ് ചെയ്യരുതെന്ന നിബന്ധന നിലവിലിരിക്കുമ്പോഴാണ് അര്‍ദ്ധരാത്രി വീട്ടില്‍ കയറി പ്രിതിയെ പിടികൂടാന്‍ പെരുവണ്ണാമൂഴി പോലീസ് ശ്രമിച്ചത്. ഇതിനിടയില്‍ പ്രതി രാധാകൃഷണനും രണ്ടുമാസം ആശുപത്രിയിലായിരുന്നതായി നാട്ടുകാര്‍ പറയുന്നു.
ഏതായാലും അന്വേഷണം പ്രഖ്യാപിക്കുമെന്ന് ആഭ്യന്തരമന്ത്രിയും പറഞ്ഞിട്ടുണ്ട്. ഇത്തരത്തിലുളള പ്രഹസനം അന്വേഷണങ്ങളില്‍ നടക്കുന്നതിനാല്‍ അന്വേഷണ പ്രഹസനങ്ങളിലൊന്നും വിശ്വസിച്ചിട്ട് കാര്യമില്ല. മദ്യപാനകേസിലെ പ്രതിയെ അര്‍ദ്ധരാത്രി അറസ്റ്റ് ചെയ്യാന്‍ ചെന്ന പോലീസിനെ അവരുടെ തലപ്പത്തുളള ഉദ്ദ്യോഗസ്ഥരും അനുകൂലിക്കുകയാണ്. അറസ്റ്റ് ചെയ്യുമ്പോള്‍ അനുവര്‍ത്തിക്കേണ്ട മാര്‍ഗ്ഗങ്ങള്‍ സുപ്രീം കോടതിയും മനുഷ്യവകാശ കമ്മീഷനും പുറത്തിറക്കിയിട്ടുണ്ട്. പക്ഷേ പറഞ്ഞിട്ടെന്ത് കാര്യം.
റോസ്പൗഡറും ലിപ്സ്റ്റിക്കുമൊക്കെ തേച്ച് വടിവൊത്ത ഖദര്‍ ഷര്‍ട്ട് അണിഞ്ഞ് നടക്കുന്ന ഭരണാധികാരികള്‍ ഇതൊക്കെ കണ്ണു തുറന്ന് കാണണം. ബാറില്‍ മാത്രം തൂങ്ങാതെ സുധീരനും ഇത്തരം സംഭവങ്ങള്‍ ക്‌ണേണ്ടിയിരിക്കുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha