സരിത കാത്തിരിക്കുകയാണ് പിസി ജോര്‍ജിന്റെ വെളിപ്പെടുത്തലിനായി. വാട്ട്‌സ് ആപിലൂടെ ലക്ഷക്കണക്കിന് ആള്‍ക്കാര്‍ കണ്ട വീഡിയോയെപ്പറ്റിയുള്ള പിസി ജോര്‍ജിന്റെ വെളിപ്പടുത്തലുകള്‍ കേള്‍ക്കാന്‍ സരിതയും ആകാംക്ഷയിലാണ്.

ഇക്കാര്യം സരിത മാധ്യമങ്ങളോട് തുറന്നു പറയുകയും ചെയ്തു. ദൃശ്യങ്ങളില്‍ ചിലത് മോര്‍ഫ് ചെയ്തതാണ്. രണ്ടു രീതിയിലാണ് ദൃശ്യങ്ങള്‍ പുറത്താവാന്‍ സാധ്യതയുള്ളത്. അവയില്‍ ഒന്നു വെളിപ്പെടുത്താനാവില്ല. മറ്റൊന്ന് പൊലീസ് കസ്റ്റഡിയിലെടുത്ത ലാപ്‌ടോപ്പില്‍നിന്നോ മൊബൈലില്‍നിന്നോ ആകാം. സംഭവത്തിനു പിന്നില്‍ രാഷ്ട്രീയ ഗൂഢാലോചനയുണ്ട്. വിശദമായ അന്വേഷണം നടത്തണം. രാഷ്ട്രീയ രംഗത്ത് പ്രവര്‍ത്തിക്കുന്ന ആളെന്ന നിലയില്‍ പി.സി. ജോര്‍ജിന് ഇതു സംബന്ധിച്ച അറിവുണ്ടാവും. ഭീഷണിക്കു മുന്‍പില്‍ അടിയറവു പറയില്ലെന്നും അവര്‍ പറഞ്ഞു.
സോളാര്‍ കേസുമായി ബന്ധപ്പെട്ട് കോടതിയിലേക്കുള്ള വഴിയില്‍ താന്‍ സഞ്ചരിച്ച കാറിടിച്ച് പരുക്കേറ്റ സ്‌കൂട്ടര്‍ യാത്രക്കാരനെ സന്ദര്‍ശിച്ചതിനു ശേഷം ആശുപത്രിയില്‍ മാധ്യമ പ്രവര്‍ത്തകരോട് സംസാരിക്കുകയായിരുന്നു അവര്‍. 
ദൃശ്യങ്ങളില്‍ ചിലത് ചിത്രീകരിച്ചത് ആരാണെന്ന് തനിക്കറിയാമെന്ന് പി.സി ജോര്‍ജ് കഴിഞ്ഞ ദിവസം പറഞ്ഞിരുന്നു. സരിതയെ പരോക്ഷമായി അനുകൂലിക്കുന്നതായിരുന്നു പിസി ജോര്‍ജിന്റെ അന്നത്തെ പ്രസ്താവന.
ചിത്രീകരിച്ചവരുടെ പേര് വെളിപ്പെടുത്തില്ല എന്നും മര്യാദയുടെ പേരിലാണെന്നും പിസി ജോര്‍ജ് പറഞ്ഞു. ആ സ്ത്രീ തന്നെ എടുത്തതാണെന്ന് പറയുന്നത് കളവാണ്. ആ സ്ത്രീയുടെ അറിവോടെയും അല്ലാതെയും എടുത്തതാണിത്.
ദൃശ്യങ്ങള്‍ അടങ്ങിയ ലാപ്‌ടോപ്പ് പോലീസ് കസ്റ്റഡിയില്‍ ആണ്. ചിത്രങ്ങള്‍ എങ്ങനെ പുറത്തുവന്നുവെന്ന് ഈ മാസം 23നു ശേഷം പുറത്തുവിടും. സംഭവത്തിനു പിന്നില്‍ രാഷ്ട്രീയ ലക്ഷ്യങ്ങളുണ്ടെന്നും ജോര്‍ജ് പറഞ്ഞു. 
ഏതായാലും പിസിയുടെ വെളിപ്പെടുത്തലിനായി സരിതയോടൊപ്പം ആകാംക്ഷയോടെ കാത്തിരിക്കുകയാണ് മലയാളികള്‍.

 അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha