കാലിക്കറ്റ് സര്‍വകലാശാലാ വൈസ് ചാന്‍സലര്‍ എം. അബ്ദുള്‍സലാം മുഖ്യമന്ത്രി ഉമ്മന്‍ചാണ്ടിയെ സന്ദര്‍ശിച്ച് രാജിസന്നദ്ധത അറിയിച്ചു. സമരങ്ങള്‍മൂലം സര്‍വകലാശാലയുടെ പ്രവര്‍ത്തനം തുടര്‍ച്ചയായി തടസപ്പെടുന്ന സാഹചര്യത്തിലാണിത്.ഹോസ്റ്റല്‍ താമസവുമായി ബന്ധപ്പെട്ട തര്‍ക്കവും സമരവും കാരണം സര്‍വകലാശാലയിലെ പഠനവകുപ്പുകളും ഹോസ്റ്റലുകളും അടച്ചിരുന്നു.തുടര്‍ച്ചയായ സമരങ്ങളാണ് വി സി യെ ഈ തീരുമാനത്തിലെത്തിച്ചത്.നെറ്റ് വര്‍ക്ക് തകരാറുകള്‍ കാരണം ഓഫീസ് ജോലികള്‍ സ്തംഭിച്ചതും പരീക്ഷകള്‍ മുടങ്ങിയതും പ്രതിഷേധത്തിന് ഇടയാക്കിയിരുന്നു.