കാമുകിയുമായുള്ള അവിഹിത ബന്ധത്തിന് തടസം നിന്ന പതിനാലുകാരിയായ മകളെ കൊലപ്പെടുത്തിയ പിതാവും കാമുകിയും മക്കളും അറസ്റ്റില്‍. പൊറത്തിശ്ശേരി പള്ളിക്കാത് റോഡില്‍ പള്ളന്‍വീട്ടില്‍ബെന്നി, കാമുകി വെട്ടം പരിയാപുരം കുറ്റിക്കാട്ടില്‍ വിനീത, ഇരുവരുടെ പ്രായപൂര്‍ത്തിാകാത്ത രണ്ട് മക്കളെയുമാണ് പോലീസ് അറസ്റ്റ് ചെയ്തത്.മകളെ കൊല്ലാന്‍ ഇവര്‍ക്ക് പ്രചോദനമായത് ദൃശ്യം സിനിമയാണെന്ന് പ്രതികള്‍ പോലീസിനോട് പറഞ്ഞു. സിനിമയുടെ പ്രചോദനം ഉള്‍കൊണ്ടുക്കൊണ്ട് ബെന്നിയും കാമുകിയും കുട്ടികളെ കഥകള്‍ പറഞ്ഞ് പഠിപ്പിച്ചിരുന്നതിനാല്‍ കുറ്റം തെളിയിക്കാന്‍ മണിക്കൂറുകളോളം പാടുപെടേണ്ടി വന്നതായി അന്വേഷണ ഉദ്യോഗസ്ഥന്‍മാര്‍ പറഞ്ഞു.

ഭാര്യയുമായി അകന്ന് കഴിഞ്ഞിരുന്ന ബെന്നിയും 14യസുള്ള മകളും 12 വയസുള്ള മകനും കൂടി പൊത്തറശേരിയിലുള്ള ബെന്നിയുടെ വീട്ടിലാണ് താമസിച്ചിരുന്നത്. കഴിഞ്ഞ മാര്‍ച്ചില്‍ ബെന്നിയെയും മക്കളെയും പൊറത്തശ്ശേരിയിലുള്ള വീട്ടില്‍നിന്ന് കാണാതായി. ഇതറിഞ്ഞ ഭാര്യ ജൂലി പോലീസില്‍ പരാതി നല്‍കി. ഇരിങ്ങാലിക്കുട പോലീസ് നടത്തിയ അന്വേഷണത്തില്‍ ബെന്നിയെ ചമ്രവട്ടത്തുള്ള കാമുകിയുടെ വാടകവീട്ടില്‍ നിന്നും കണ്ടത്തി ചോദ്യം ചെയ്തപ്പോഴാണ് കൊലപാതകത്തിന്റെ ചുരുളഴിഞ്ഞത്.

പൊറത്തിശ്ശേരിയില്‍ നിന്ന് രണ്ട് മക്കളെയും കൊണ്ടുപോയ ബെന്നി കാമുകിയായ വിനീതയുടെ ചമ്രവട്ടത്തുള്ള വാടകവീട്ടിലാണ് താമസിച്ചിരുന്നത്.വിനീതയുടെ പതിനാറ് വയസുള്ള മകനും വീട്ടിലുണ്ടായിരുന്നു. പിതാവിന് വിനീതയുമായുള്ള അവിഹിത ബന്ധത്തെ ബെന്നിയുടെ മകള്‍ എതിര്‍ത്തതാണ് കൊലപാതകത്തിന് കാരണമായത്.

കുട്ടിയെ കൊലപ്പെടുത്താന്‍ ആഗസ്റ്റ് ഇരുപതിന് വെള്ളയിലെ ബീച്ചില്‍ പോയിരുന്നെങ്കിലും തിരക്കുണ്ടായിരുന്നതിനാല്‍ നടന്നില്ല.തുടര്‍ന്ന് ബെന്നി മകളെ ഗുളിക കൊടുത്തു മയക്കി ബീച്ചിനടുത്തുള്ള അഞ്ചുനില കെട്ടിടത്തിന്റെ താഴത്തെ വാരന്തയില്‍ കിടത്തി 12വയസുള്ള മകനെ കാവല്‍ നിര്‍ത്തി ബെന്നിയും വിനീതയും വിനീതുടെ മകനും കൂടി കുട്ടിയെ കഴുത്ത് ഞെരിച്ച് കൊലപ്പെടുത്തുകയായിരുന്നു.പിന്നീട് റെയില്‍വേട്രാക്കിലുപേക്ഷിച്ച മൃതദേഹം ട്രെയിന്‍കയറി വികൃതമായി.കോഴിക്കോട് ടൗണ്‍പോലീസ് അസ്വഭാവിക മരണത്തിന് കേസെടുത്ത് നടത്തിയ അന്വേഷണത്തിലാണ് പ്രതികള്‍ പിടിയിലായത്

 അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha