എയര്‍ ഇന്ത്യ വിമാനങ്ങള്‍ക്ക് ബോംബ് ഭീഷണി. ഭീഷണിയെ തുടര്‍ന്ന് വിമാനങ്ങളില്‍ സുരക്ഷാ പരിശോധന കര്‍ക്കശമാക്കി. അവസ്ഥ വിലയിരുത്താന്‍ ഉന്നത ഉദ്യോഗസ്ഥരുടെ യോഗം നെടുമ്പാശേരിയില്‍ ആരംഭിച്ചു.
എയര്‍ ഇന്ത്യയുടെ ഡല്‍ഹി ആസ്ഥാനത്താണ് ഭീഷണി സന്ദേശം എത്തിയത്. കൊച്ചി, അഹമ്മദാബാദ്, മുംബൈ എന്നീ വിമാനത്താവളങ്ങളില്‍ നിന്നും പോകുന്ന വിമാനങ്ങള്‍ക്കാണ് ഭീഷണി. ദീപാവലി അവധി കഴിഞ്ഞ് തിരിച്ചുപോകുന്ന യാത്രക്കാരുടെ എണ്ണം കൂടുതലായതിനാല്‍ മൂന്ന് വിമാനത്താവളങ്ങളിലും സുരക്ഷാപരിശോധന ശക്തമാക്കിയിട്ടുണ്ട്.
നെടുമ്പാശേരി അന്താരാഷ്ട്ര വിമാനത്താവളത്തില്‍ ഉദ്യോഗസ്ഥരുടെ യോഗം നടക്കുകയാണ്. രാവിലെ പത്തരയോടെ എയര്‍ ഇന്ത്യാ ഉദ്യോഗസ്ഥരും യോഗത്തില്‍ പങ്കെടുക്കും. ഷെഡ്യൂളുകളൊന്നും ഇതുവരെയും എയര്‍ ഇന്ത്യ വെട്ടിച്ചുരുക്കിയിട്ടില്ല. വിമാനങ്ങളൊന്നും വൈകാന്‍ സാധ്യതയില്ലന്നാണ് അധികൃതര്‍ അറിയിക്കുന്നത്. കഴിഞ്ഞ ജൂലൈ 27നും നെടുമ്പാശേരി വിമാനത്താവളത്തില്‍ ബോംബു ഭീഷണി സന്ദേശം എത്തിയിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha