സര്വകലാശാലകള് മെച്ചപ്പെടുത്താന് ചാന്സിലേഴ്സ് കൗണ്സില് രൂപീകരിക്കുമെന്ന് ഗവര്ണര്
സംസ്ഥാനത്തെ സര്വകലാശാലകളുടെ പ്രവര്ത്തനം മെച്ചപ്പെടുത്തുന്നതിന് ചാന്സലേഴ്സ് കൗണ്സില് രൂപീകരിക്കുമെന്ന് ഗവര്ണര് പി.സദാശിവം പറഞ്ഞു. ഉന്നത വിദ്യാഭ്യാസ രംഗത്തെ പ്രശ്നങ്ങള് ചാന്സലേഴ്സ് കൗണ്സില് പഠിച്ച പരിഹാരം നിര്ദ്ദേശിക്കും. കൊച്ചിയില് വി.സിമാരുടെ യോഗത്തിനു ശേഷം വാര്ത്താ സമ്മേളനത്തില് സംസാരിക്കുകയായിരുന്നു ഗവര്ണര്. ഇതാദ്യമായാണ് ഗവര്ണര് ഒരു കൗണ്സില് രൂപീകരിക്കുന്നത്. ഇതുവരെ സര്ക്കാരിന്റെ നേതൃത്വത്തിലുള്ള കൗണ്സിലായിരുന്നു ഉണ്ടായിരുന്നത്.
ഉന്നത വിദ്യാഭ്യാസ സെക്രട്ടറി, വൈസ് ചാന്സലര്മാര്, ഗവര്ണറുടെ സെക്രട്ടറി എന്നിവരെ ഉള്പ്പെടുത്തിയായിരിക്കും കൗണ്സില് രൂപീകരിക്കുക. ഈ സമിതി ഓരോ മൂന്നു മാസത്തിലും യോഗം ചേര്ന്ന് സര്വകലാശാലകളുടെ പ്രവര്ത്തനം വിലയിരുത്തും. ഇതോടൊപ്പം വൈസ് ചാന്സലമാര് അതാത് യൂണിവേഴസ്റ്റികളെ കുറിച്ച് പ്രത്യേകം റിപ്പോര്ട്ട് ചാന്സലര്ക്ക് നല്കുകയും വേണം. സ്വാശ്രയ വിദ്യാഭ്യാസ മേലയുടെ ഗുണനിലവാരം ഉറപ്പാക്കാന് നടപടി സ്വീകരിക്കും. സ്വാശ്രയ കോളേജുകളിലെ പരീക്ഷകള് കാമറ നിരീക്ഷണത്തിലായിരിക്കുമെന്നും ഗവര്ണര് വ്യക്തമാക്കി.
സര്വകലാശാലകള് അക്കാഡമി ടൈംടേബിള് കൃത്യമായി പാലിക്കണമെന്നും ഗവര്ണര് നിര്ദ്ദേശിച്ചു. പരീക്ഷാ നടത്തിപ്പും ഫലപ്രഖ്യാപനവും വൈകാതിരിക്കുന്നതിന് വേണ്ടിയാണിത്. ടൈംടേബിള് പാലിക്കാത്ത വൈസ് ചാന്സലര്മാരോട് താന് നേരിട്ട് വിശദീകരണം തേടുമെന്നും ഗവര്ണര് വ്യക്തമാക്കി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
