സോറി ; നാന് സദാശിവം ! കേരളത്തില് ഇനി ഹിന്ദു വിസിയില്ല, ക്രിസ്ത്യനില്ല, മുസ്ലീമില്ല…..
കേരളത്തിലെ സര്വ്വകലാശാലകളില് വൈസ്ചാന്സലര് പദവിക്ക് രാഷ്ട്രീയക്കാര് നടത്തുന്ന വീതം വയ്പ്പ് അവസാനിക്കുന്നു. കുസാറ്റ്, നുവാല്സ്, ആരോഗ്യ സര്വ്വകലാശാലകളില് നിയമനം നടത്തിയ മട്ടിലാവും ഇനി സര്വകാലശാല വി.സിമരെ നിയമിക്കുക. ഗവര്ണര് നിയമനം നടത്തിയ മൂന്നിടങ്ങളിലും രാഷ്ട്രീയ പരിഗണന ഉണ്ടായിരുന്നില്ല. കുസാറ്റില് നിന്നും ഇതിന്റെ പേരില് സിന്റികേറ്റംഗം രാജിവെയ്ക്കുകയും ചെയ്തു. മലയാളി വാര്ത്ത നേരത്തെ റിപ്പോര്ട്ട് ചെയ്തിരുന്നതു പോലെ സുഖവാസത്തിനുവേണ്ടിയല്ല കേരളഗവര്ണര് പി.സദാശിവം കേരളത്തിലെത്തിയിരിക്കുന്നത്. പണ്ട് ഒരു ജോലിയുമില്ലായിരുന്ന ഗവര്ണര്ക്ക് ഇന്ന് മുഖ്യമന്ത്രിയെക്കാള് തിരക്കാണ്. ചുരുക്കത്തില് അടുത്ത തലമുറ രക്ഷപ്പെട്ടെന്ന് വേണം പറയാന്.
കേരളത്തിലെ വി.സി മാര് വിവരമില്ലാത്തവരാണെന്ന് വന്നപാടേ ഗവര്ണര്ക്ക് മനസ്സിലായി. നേരാവണ്ണം ഇംഗ്ലീഷുപറായാന് പോലും വൈസ്ചാന്സലര്മാര്ക്കറിയില്ല. പലരും ജാതിയുടെയും മതത്തിന്റേയും കൊടിയുടേയും നിറം നോക്കി നിയമിക്കപ്പെട്ടവര്. ഓരോ വൈസ്ചാന്സലര്മാരേയും നോക്കി ഗവര്ണര് സഹതാപപൂര്വ്വം ചിരിച്ചെന്നാണ് വിവരം. ഇതിനിടയില് കൈക്കൂലികൊടുത്ത് വി.സി മാരായവരും ഉണ്ടെന്ന് ഗവര്ണര്ക്ക് പിടികിട്ടി. അതുകൊണ്ടാണ് സര്ക്കാര് നല്കിയ പേരുകള് പലതും ഗവര്ണര് വെട്ടിയത്. ഒന്നുമുതല് മൂന്നുവരെ ക്രമനമ്പര് ഇട്ട് സര്ക്കാര് നല്കിയ ലിസ്റ്റില് നിന്നും മൂന്നാമത്തെ പേരാണ് ഗവര്ണര് തെരഞ്ഞെടുത്തത്.
കേരളത്തിലെ ചില മുന് വി.സിമാരെ ഗവര്ണര് ബന്ധപ്പെട്ടെന്നാണ് വിവരം. ഡോ.ജി.ബി.മോഹന്തമ്പി, ഡോ.എ.സുകുമാരനന് നായര് തുടങ്ങിയ മുന്വൈസ്ചാന്സലര്മാരുമായി ഗവര്ണര് ദൂതന് മുഖേന സംസാരിച്ചു എന്നാണ് പറയുന്നത്. ഓരോ മൂന്ന് മാസം കൂടുമ്പോഴും വി.സിമാര് സര്വകലാശാലയുടെ പ്രവര്ത്തനമികവിനെ കുറിച്ച് തനിക്ക് റിപ്പോര്ട്ട് നല്കണമെന്നും ഗവര്ണര് ആവശ്യപ്പെട്ടു. സര്വകലാശാലകളില് രാഷ്ട്രീയം കളിക്കരുതെന്ന കര്ശന നിര്ദേശവും ഗവര്ണര് നല്കിയതായി അറിയുന്നു. അത്തരം സംഭവങ്ങള് ശ്രദ്ധയില്പെട്ടാല് നടപടി സ്വീകരിക്കുമെന്നും ഗവര്ണര് അിറയിച്ചതായാണ് വിവരം.
സര്വകലാശാലയുടെ പ്രവര്ത്തനം മോശമായാല് തന്റെ സത്പേരിന് കളങ്കംവരുമെന്നാണ് ഗവര്ണര് പറഞ്ഞത്. ചാന്സലര് താനാണ്. ചടങ്ങില് സംബന്ധിച്ച വിദ്യഭ്യാസ മന്ത്രി പി.കെ. അബ്ദുറബിനെ സാക്ഷിയാക്കിയായിരുന്നു ഗവര്ണറുടെ വിമര്ശനം. ഗവര്ണറുടെ പ്രസംഗം കേട്ട് മന്ത്രി അസ്വസ്ഥനാകുന്നതും കണ്ടു.
അത്രസമയം നിലവിലുളള വിവരംകെട്ട സര്വകലാശാല മേധാവികളെ അവരുടെ വഴിക്ക് ഗവര്ണര് തത്കാലം വിട്ടേക്കാം. എന്നാല് രാഷ്ട്രീയം കളിക്കാനോ, ജാതി കളിക്കാനോ, സമ്മതിക്കില്ല. അങ്ങനെ വന്നാല് സര്വകലാശാലാ ഭരണം ഗവര്ണര് നേരിട്ട് ഏറ്റെടുത്തെന്നും വരും.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
