തങ്ങള്‍ക്ക് വേണ്ടപ്പെട്ടവരെ ഒഴിവാക്കി ഒരു കൂട്ടം കള്ളപ്പണക്കാരെ മാത്രം പിടികൂടാനിറങ്ങിയ കേന്ദ്ര സര്‍ക്കാര്‍ വെട്ടില്‍. കള്ളപ്പണക്കേസില്‍ മുഴുവന്‍ പേരുടെയും വിവരങ്ങള്‍ പുറത്തുവിടണമെന്ന് സുപ്രീംകോടതി ഉത്തരവിട്ടു.

ഇന്ത്യക്കാരായ എല്ലാവരുടെയും പേരുകള്‍ കേന്ദ്രസര്‍ക്കാര്‍ നാളെ അറിയിക്കണമെന്ന് സുപ്രീംകോടതി നിര്‍ദേശിച്ചു. കള്ളപ്പണക്കാര്‍ക്കെതിരായി കേന്ദ്രസര്‍ക്കാര്‍ യാതൊന്നും ചെയ്യില്ല. അതിനാല്‍ പേരുകള്‍ കോടതിയെ ഏല്പിക്കണം. കോടതി അന്വേഷണത്തിനുള്ള ഉത്തരവ് പുറപ്പെടുവിക്കാം. എങ്ങനെയാണ് അന്വേഷിക്കേണ്ടതെന്ന് ഞങ്ങള്‍ തീരുമാനിക്കാമെന്നും കോടതി പറഞ്ഞു. 
കള്ളപ്പണക്കാരെ സംരക്ഷിക്കുന്നതിനു സര്‍ക്കാര്‍ ശ്രമിക്കുന്നതെന്തിനാണ്. കള്ളപ്പണക്കാരുടെ കാര്യത്തില്‍ സര്‍ക്കാര്‍ താല്പര്യം പ്രകടിപ്പിക്കേണ്ട കാര്യമില്ല. പ്രത്യേക അന്വേഷണസംഘം ഇക്കാര്യത്തില്‍ തീരുമാനമെടുക്കും. കള്ളപ്പണക്കാരുടെ വിവരങ്ങള്‍ പുറത്തുവിടണമെന്ന ഉത്തരവിലെ ഒരു വാക്കുപോലും മാറ്റില്ലെന്നും കോടതി പറഞ്ഞു.
കള്ളപ്പണക്കേസില്‍ ഏഴു വ്യക്തികളുടെയും ഒരു കമ്പനിയുടെയും പേരുള്ള പുതിയ പട്ടിക ഇന്നലെ കേന്ദ്ര സര്‍ക്കാര്‍ സുപ്രീം കോടതിക്കു നല്‍കിയിരുന്നു. നിയമപ്രകാരമുള്ള നടപടികള്‍ പൂര്‍ത്തിയാവുന്ന മുറയ്ക്ക് കൂടുതല്‍ പേരുകള്‍ ലഭ്യമാക്കും. 
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha