നാടു വൃത്തിയാക്കി പ്രധാനമന്ത്രി നരേന്ദ്ര മോഡി കൈയ്യടി നേടിയതിനു പിന്നാലെ സിപിഎമ്മും ചൂലെടുക്കുന്നു. തിരുവനന്തപുരം നഗരത്തില്‍ നിന്നു തുടങ്ങാനാണ് സിപിഎമ്മിന്റെ പദ്ധതി. ചൊവ്വാഴ്ച മുതല്‍ തിരുവനന്തപുരം നഗരസഭയുടെ നേതൃത്വത്തില്‍ ആരംഭിക്കുന്ന എന്റെ നഗരം സുന്ദര നഗരം പദ്ധതിയുമായി നാടു വൃത്തിയാക്കാന്‍ പാര്‍ട്ടി പ്രവര്‍ത്തകര്‍ ഇറങ്ങും.
പാര്‍ട്ടി സെക്രട്ടറി പിണറായി വിജയനും പ്രതിപക്ഷ നേതാവ് വി.എസ്.അച്യുതാനന്ദനും ശുചീകരണ യജ്ഞത്തില്‍ പങ്കെടുക്കുന്നുണ്ട്. കൂടാതെ അടുത്തിടെയായി നഗര ശുചീകരണം മാത്രം ലക്ഷ്യമിട്ടിറങ്ങിയ ശശി തരൂര്‍ എംപിക്കും പരിപാടിയിലേക്ക് ക്ഷണമുണ്ട്.

നേതാക്കളെല്ലാം പെങ്കടുക്കുന്ന പരിപാടിക്ക് നഗരസഭ ഒരുക്കങ്ങള്‍ തുടങ്ങിക്കഴിഞ്ഞു. എന്റെ നഗരം സുന്ദര നഗരം പദ്ധതിയുടെ ഭാഗമായി പല ഭാഗങ്ങളിലായി കുന്നുകൂടിയിരിക്കുന്ന മാലിന്യങ്ങള്‍ കുഴിച്ചുമൂടാന്‍ ആരംഭിച്ചു. ചാലയിലെ മാംസാവശിഷ്ടങ്ങള്‍ഉള്‍പ്പെടെ നിക്ഷേപിച്ചിരുന്ന എരമക്കുഴി മണ്ണിട്ടു മൂടാന്‍ തുടങ്ങി.
1000 സിപിഎം വോളിന്റിയര്‍മാര്‍ ചൊവ്വാഴ്ച നഗരം വൃത്തിയാക്കനിറങ്ങും. മന്ത്രി വി.എസ്. ശിവകുമാറും ഡോ. തോമസ് ഐസക്കും ഇവിടെ നടക്കുന്ന പരിപാടികളില്‍ പങ്കെടുക്കും. നഗരമാലിന്യ സംസ്‌കരണത്തിനായി വിളപ്പില്‍ ശാലയില്‍ പ്ലാന്റുവേണമെന്ന ആവശ്യമായി മുന്നോട്ടുപോകില്ലെന്ന് സിപിഎം വ്യക്തമാക്കി. ജനങ്ങളമായി ഒരു തര്‍ക്കത്തിനില്ലെന്നു സിപിഎം ജില്ലാ സെക്രട്ടറി കടകംപ്പള്ളി സുരേന്ദ്രന്‍ പറഞ്ഞു.
164 ലോക്കല്‍ കമ്മിറ്റികള്‍ക്കു കീഴിലും വോളന്റിമാര്‍ ശുചീകരണപ്രവര്‍ത്തനിറങ്ങും.സിപിഎം ഭരണക്കുന്ന തദ്ദേശ സ്വയംഭരണ സ്ഥാപനങ്ങളില്‍ പുതിയ പദ്ധതികള്‍ ആവിഷ്‌കരിക്കും. മറ്റ് സ്ഥലങ്ങളില്‍ ഭരണസമിതികള്‍ക്ക മുന്നില്‍ പദ്ധതികള്‍ മുന്നോട്ടു വയ്ക്കാനും തീരുമാനിച്ചിട്ടുണ്ടെന്ന് സിപിഎം ജില്ലാ കമ്മിറ്റി വ്യക്തമാക്കി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha