സ്വകാര്യ സിബിഎസിഇ സ്‌കൂളുകളില്‍ കുട്ടികളെ പഠിപ്പിക്കാന്‍ ആഗ്രഹിക്കുന്നവര്‍ ശ്രദ്ധിക്കുക. സംസ്ഥാനത്തെ കേന്ദ്രീയ വിദ്യാലയങ്ങളിലും നവോദയ വിദ്യാലയങ്ങളിലും പഠിപ്പിക്കുന്നവര്‍ ഒഴിച്ചുളള സിബിഎസിഇ സ്‌കൂള്‍ അധ്യാപകരില്‍ ഒരു നല്ലശതമാനം പഠിപ്പിക്കാന്‍ അര്‍ഹതയില്ലാത്തവരാണ്. വിവരം പുറത്തുവിട്ടത് മറ്റാരുമല്ല. സിബിഎസ്ഇ തന്നെയാണ്.
സിബിഎസിഇ സ്‌കൂളില്‍ പഠിപ്പിക്കാന്‍ യോഗ്യത നേടണമെങ്കില്‍ സെന്‍ട്രല്‍ ടീച്ചര്‍ എലിജിബിലിറ്റി ടെസ്റ്റ് പാസാവണം. ഇക്കഴിഞ്ഞ സെപ്റ്റംബറില്‍ നടത്തിയ പരീക്ഷയില്‍ കേരളത്തില്‍ നിന്നും പരീക്ഷ എഴുതിയവരില്‍ പാസായത് വെറും 4.3 ശതമാനമാണ്. ദേശീയതലത്തിലും വാധ്യാന്‍മാര്‍ മോശമല്ല. വിജയശതമാനം വെറും 5.6 ശതമാനം. അതേസമയം അഞ്ചു മുതല്‍ എട്ടുവരെയുളള വിദ്യാര്‍ത്ഥികളെ പഠിപ്പിക്കാന്‍ യോഗ്യത നേടുന്ന രണ്ടാം ഭാഗ പരീക്ഷയില്‍ ദേശീയ ശരാശരി 2.8 ശതമാനമാണ്. എന്നാല്‍ കേരളത്തില്‍ ഇത് 4.27 ശതമാനമാണ്.
ഒന്നു മുതല്‍ നാലുവരെയുളള കുട്ടികളെ പഠിപ്പിക്കാന്‍ അര്‍ഹതനേടുന്ന ഒന്നാംഘട്ട പരീക്ഷയില്‍ 2757 മലയാളികള്‍ പങ്കെടുത്തപ്പോള്‍ പാസായത് 121 പേര്‍. രണ്ടാംഘട്ട പരീക്ഷയില്‍ 4119 പേര്‍ മത്സരിച്ചപ്പോള്‍ പാസായത് 176 പേര്‍.
കേരളസിലബസില്‍ കുട്ടികളെ പഠിപ്പിക്കാന്‍ മടികാണിക്കുന്ന രക്ഷകര്‍ത്താക്കളുടെ കണ്ണുതുറപ്പിക്കേണ്ട വിഷയമാണ് ഇത്. സിബിഎസിഇ ജയിലില്‍ പഠിപ്പിച്ചേ അടങ്ങു എന്നു പറയുന്നവര്‍ തങ്ങളുടെ കുട്ടികളെ പഠിപ്പിക്കുന്നത് അതിനുള്ള യോഗ്യത നേടാത്തവരാണെന്ന് മനസിലാക്കണം.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha