27ന് മലയാളി വാര്‍ത്ത പ്രസിദ്ധീകരിച്ച, മാധ്യമ പ്രവര്‍ത്തക ജിഷ എലിസബത്തിന്റെ ഫേസ്ബുക്ക് പോസ്റ്റ് അടങ്ങിയ വാര്‍ത്തയുടെ പേരില്‍ സംഘപരിവാറിന്റെ കൊലവിളി.
സദാചാര വിവാദം കത്തിപ്പടരുന്നതിനിടെ മാധ്യമ പ്രവര്‍ത്തകയായ ജിഷ എലിസബത്ത് ഇട്ട ഫേസ് ബുക്ക് പോസ്റ്റ് വിവാദമാകുന്നു. കോഴിക്കോടുള്ള ഡൗണ്‍ ടൗണ്‍ ഹോട്ടല്‍ സദാചാരന്മാര്‍ ചമഞ്ഞ് യുവമോര്‍ച്ചക്കാര്‍ അടിച്ചു തകര്‍ത്തതിനെതിരെയാണ് മാധ്യമം ലേഖിക ജിഷ എലിസബത്ത് പോസ്റ്റിട്ടത്. ജിഷ മാത്രമല്ല നിരവധി പേര്‍ സംഘപരിവാറിനെതിരെ സോഷ്യല്‍ മീഡിയകളിലൂടെ രംഗത്തെത്തിയിരുന്നു. സദാചാരന്മാര്‍ക്കെതിരെ നടക്കുന്ന ചെറുത്തു നില്‍പ്പിന്റെ ശക്തമായ വാക്കുകളാണ് ജിഷയുടെ പോസ്റ്റിലുണ്ടായിരുന്നത്. അതിനാലാണ് ഈ യുവ മാധ്യമ പ്രവര്‍ത്തകയുടെ വാക്കുകളോടു കൂടി മലയാളി വാര്‍ത്ത ഇക്കാര്യം പ്രസിദ്ധീകരിച്ചത്.

അനേകമായിരം കാമുകിമാര്‍ക്ക് മാറിലും ചുണ്ടിലും മറ്റുപലയിടങ്ങളിലും നഖക്ഷതങ്ങളും ചുംബനങ്ങളും നല്‍കിയ കള്ളക്കണ്ണന്റെ കഥപാടി നടക്കുന്നതില്‍ അഭിമാനം കൊള്ളുന്നവര്‍ക്കാണ് സദാചാരക്കുരു എന്നായിരുന്നു ജിഷയുടെ ചോദ്യം. ഇതാണ് സംഘപരിവാറിനെ ചൊടുപ്പിച്ചത്.

ഇതോടെ ജിഷയ്‌ക്കെതിരെയുള്ള ഫേസ്ബുക്ക് ആക്രമണം ശക്തമായി. മഹിളാമോര്‍ച്ചക്കാരെ വിട്ട് ജിഷയുടെ പ്രൊഫൈല്‍ ബ്ലോക്കു ചെയ്യാന്‍ ഫേസ്ബുക്കിന് മെസേജ് അയക്കാന്‍ വരെ സംഘപരിവാര്‍ ആഹ്വാനം ചെയ്യുന്നു. എന്നാല്‍ ഇതിനെയൊന്നും കൂസാതെ തന്നെ സോഷ്യല്‍ മീഡിയയിലൂടെ അപമാനിച്ചവര്‍ക്കെതിരെ നിയമപരമായ പോരാട്ടം നടത്താനാണ് ജിഷ എലിസബത്തിന്റെ തീരുമാനം.

ജിഷയ്ക്ക് പിന്തുണ കൂടിയതോടെ സംഘപരിവാര്‍ ഭീഷണി പിന്‍വലിച്ചിരിക്കുകയാണ്. തൃശൂര്‍ റൂറല്‍ എസ്പിക്ക് പരാതി നല്‍കിയിരിക്കുകയാണ് ജിഷ. സോഷ്യല്‍ മീഡിയയിലെ പോസ്റ്റിന്റെ പേരില്‍ ഇനി ആരെയും അപമാനിക്കരുതെന്നാണ് ജിഷ പറയുന്നത്. കോഴിക്കോട് മാധ്യമത്തിലെ ലേഖികയാണ് ജിഷ.

27-10-2014ന് മലയാളിവാര്‍ത്ത നല്‍കിയ ഈ വാര്‍ത്ത കൂടി വായിക്കുക

സദാ...ചാരന്മാരെ സൂക്ഷിക്കുക...നിങ്ങള്‍ക്കെതിരെ യുവതലമുറ ഒരുങ്ങുന്നു : നവംബര്‍ രണ്ടിന് കൊച്ചിയില്‍ പരസ്യ ചുംബനം

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha