മാസങ്ങള്‍ നീണ്ട അഭ്യൂഹങ്ങള്‍ക്കൊടുവില്‍ ഇന്നലെയാണ് കെ.പി.സി.സി. പ്രസിഡന്റായി മുല്ലപ്പള്ളി രാമചന്ദ്രനെ തെരെഞ്ഞടുത്തത്. എന്നാല്‍ ഇതുസംബന്ധിച്ച ഔദ്യോഗികപ്രഖ്യാപനം രണ്ടുദിവസത്തിനകം ഉണ്ടാകും. എം.ഐ.ഷാനവാസ്, കെ.സുധാകരന്‍, കൊടിക്കുന്നില്‍ സുേരഷ് എന്നിവരാകും വര്‍ക്കിങ് പ്രസിഡന്റുമാരായും. ബെന്നി ബെഹന്നാന്‍ യു.ഡി.എഫ്. കണ്‍വീറും കെ.മുരളീധരന്‍ പ്രചാരണ സമിതി അധ്യക്ഷനായും രാഹുല്‍ ഗാന്ധി തെരെഞ്ഞടുത്തു. എന്നാല്‍ എ.ഐസിസിയുടെ പുതിയ തീരുമാനത്തില്‍ സുധാകരന്‍ അതൃപ്തി പ്രകടിപ്പിച്ചിരിക്കുകയാണ്. 

എ.ഐസിസിയുടെ പുതിയ തീരുമാനത്തില്‍ അതൃപ്തി അറിയിച്ച് കെ സുധാകരന്‍. തീരുമാനത്തെക്കുറിച്ച് അറിയില്ല എന്നാണ് എന്നാണ് സുധാകരന്‍ പ്രതികരിച്ചത് എ.ഐസിസിയുടെ തീരുമാനത്തില്‍ തനിക്ക് അഭിപ്രായമൊന്നുമില്ലെന്നും ഒരു പാര്‍ട്ടി പ്രവര്‍ത്തകന്‍ എന്ന നിലയില്‍ എ.ഐസിസിയുടെ തീരുമാനങ്ങള്‍ അംഗീകരിച്ചല്ലേ മതിയാകൂ എന്നുമാണ് സുധാകരന്‍ അതൃപ്തിയോടെ മാധ്യമങ്ങളെ അറിയിച്ചത്. എ.ഐസിസിയുടെ തീരുമാനത്തില്‍ തന്റെ അഭിപ്രായത്തിന് വിലയില്ലെന്നും സുധാകരന്‍ കൂട്ടിച്ചേര്‍ത്തു

അതേസമയം തീരുമാനത്തെ സ്വാഗതംം ചെയ്യുന്നുവെന്ന് പ്രതിപക്ഷ നേതാവ് രമേഷ് ചെന്നിത്തല. ഊര്‍ജ്വ സ്വലതയോടെ പാര്‍ലമെന്റ് തിരഞ്ഞെടുപ്പിനെ നേരിടാന്‍ പുതിയ തീരുമാനം സഹായകമാകുമെന്ന് ചെന്നിത്തല അഭിപ്രായപ്പെട്ടു. കെ സുധാകരന്‍ അടക്കമുള്ള നേതാക്കള്‍ തീരുമാനം അംഗീകരിക്കുമെന്നും ചെന്നിത്തല കൂട്ടിച്ചേര്‍ത്തു.

എഐസിസിയുടെ പുതിയ തീരുമാനത്തില്‍ സന്തോഷം പ്രകടിപ്പിച്ച് എംഐ ഷാനവാസും രംഗത്തുവന്നു. പതവി വേണമെന്ന് താന്‍ ആവശ്യപ്പെട്ടിട്ടില്ലെന്നും. ഒരു മുതിര്‍ന്ന നേതാവെന്ന നിലയ്ക്കാണ് പാര്‍ട്ടി പാര്‍ട്ടി തന്നെ ഈ ഉത്തരവാദിത്വം ഏല്‍പ്പിച്ചതെന്നും അത് കൃത്യമായി ചെയ്യുമെന്നു ഒരു സ്വകാര്യ ചാനലിനോട് അദ്ദേഹം വ്യക്തമാക്കി. അതേസമയം സുധാകരനടക്കമുള്ള നേതാക്കള്‍ ഹൈക്കമാന്റിന്റ തീരുമാനം അംഗീകരിക്കുമെന്ന് പ്രതിപക്ഷ നേതാവ് രമേഷ് ചെന്നിത്തല പറയുമ്പോഴും സുധാകരനുണ്ടായ ഈ അതൃപ്തി പാര്‍ട്ടിക്കുള്ളില്‍ ചൂടേറിയ ചര്‍ച്ചകള്‍ക്ക് വഴിവയ്ക്കുമോ എന്ന് കണ്ടറിയാം...