വൈല്‍ഡ് കാര്‍ഡ് എന്‍ട്രി വഴി വീണ്ടും ബിഗ് ബോസ് കളിയിലേക്ക് എത്തിയ മത്സരാർത്ഥിയാണ് ഹിമ ശങ്കർ. പക്ഷെ ബിഗ്‌ബോസ് വീട്ടിൽ വീണ്ടും എത്തിയപ്പോൾ ഹിമ ആളുമാറിപോയി എന്നാണ് പ്രേക്ഷകർ വിലയിരുത്തുന്നത്. ഇതൊരു ഗെയിം ആണ് അതിലെ മത്സരാർത്ഥിയാണ് താൻ എന്നതിന് പുറമെ ഹിമ തന്റെ ഇഷ്ടം പ്രകടിപ്പിക്കാനുള്ള ഒരു വേദിയായി ബിഗ്‌ബോസ് വീടിനെ തിരഞ്ഞെടുക്കുകയായിരുന്നു. അതേസമയം ബിഗ് ബോസ് റിയാലിറ്റി ഷോയുടെ സംപ്രേഷണത്തില്‍ മല്‍സരാര്‍ത്ഥികളോട് പക്ഷപാതിത്വമുണ്ടെന്ന് ഹിമ ശങ്കര്‍ നേരത്തെ ആരോപണം ഉന്നയിച്ചിരുന്നു.

ഹിമ ഇപ്പോഴും ആ ആരോപണത്തില്‍ ഉറച്ചു നില്‍ക്കുകയാണ്. ബിഗ് ബോസ് ഹൗസിനകത്തെ ജീവിതത്തില്‍ നിന്ന് പ്രേക്ഷകരെ കാണിച്ചതില്‍ ഏറെയും തന്റെ നെഗറ്റിവ് ആയ കാര്യങ്ങളായിരുന്നു എന്നാണ് ഹിമയുടെ പരാതി. അതെ സമയം മറ്റു മത്സരാര്‍ത്ഥികളുടെ കാര്യത്തില്‍ ഇങ്ങനെ ഒരു പ്രവണതയും ഇല്ലെന്നു ഹിമ പറയുന്നു.

കുറ്റം പറഞ്ഞവര്‍ തന്നെ തന്റെ കറിയെ പ്രശംസിച്ചതും പോസിറ്റിവായ നിരവധി കാര്യങ്ങളും പ്രേക്ഷകര്‍ക്കു മുന്നിലെത്തിയില്ലെന്നും ഇത് മല്‍സരാര്‍ത്ഥികളെ പ്രേക്ഷകര്‍ക്കു മുന്നില്‍ എത്തിക്കുന്നതിലെ മുന്‍കൂര്‍ നിശ്ചയിച്ച പക്ഷപാതിത്വത്തിന്റെ ഭാഗമാണെന്ന് കരുതുന്നുവെന്നും ഹിമ ശങ്കര്‍ ചൂണ്ടി കാട്ടി.

ബിഗ് ബോസ് വീട്ടിലെ തന്റെ പ്രധാന എതിരാളിയും മറ്റൊരു മത്സരാര്‍ത്ഥി ആയിരുന്ന സാബുമോനോട് ബിഗ് ബോസ് മോഹന്‍ലാലിന് സോഫ്റ്റ് കോര്‍ണര്‍ ഉണ്ടോ എന്ന് ഫീല്‍ ചെയ്യുന്നതായും ഹിമ പറഞ്ഞു. ബിഗ്‌ബോസില്‍ എന്റെ രണ്ടാഴ്ച കാലം എന്റെ നെഗറ്റിവ് വശങ്ങള്‍ മാത്രമേ ടെലികാസ്റ് ചെയ്തിട്ടുള്ളു, ആ ഒരു കാലയളവില്‍ ഞാനെത്രത്തോളം വിഷമിച്ചിരുന്നു എന്നത് കാണിച്ചിരുന്നില്ല.

അതൊരു തീരുമാനിച്ചുറപ്പിച്ച കളിയായിരുന്നു. ബിഗ് ബോസിന് സ്ക്രിപ്റ്റുണ്ട് എന്ന കാര്യത്തില്‍ സംശയമൊന്നുമില്ല, എന്നാലത് പ്ളേ ചെയ്യുന്നത് ഉള്ളിലല്ല, പുറത്താണെന്നാണ് ഹിമയുടെ വാദം.