ശബരിമല സ്ത്രീ പ്രവേശന വിഷയം ഏറ്റെടുത്ത് ജനങ്ങള്; ഞങ്ങള്ക്ക് ജാതിയില്ല, മതമില്ല, രാഷ്ട്രീയമില്ല, സ്ത്രീ പുരുഷ വ്യത്യാസമില്ല; വിശ്വാസികളുടെ പ്രതിഷേധം അണപൊട്ടുന്നു; ശബരിമല സീസണ് മുമ്പായുള്ള ശരണം വിളി ഉള്ഗ്രാമങ്ങളില് പോലും; ശരണം വിളി മുദ്രാവാക്യത്തിലേക്ക് മാറുന്നു; ശബരിമലയ്ക്കായി കാവല് സംഘം രംഗത്ത്
ശബരിമല സ്ത്രീപ്രവേശന വിഷയത്തിലെ സുപ്രീംകോടതി വിധിയെ തുടര്ന്ന് വല്ലാത്തൊരു പ്രതിഷേധം ഉയരുകയാണ്. ശരണം വിളിയിലൂടെ ഭക്തിനിര്ഭരമായി ശബരിമല പ്രതിഷേധം ആളിക്കത്തുകയാണ്. ഞങ്ങള്ക്ക് ജാതിയില്ല, മതമില്ല, രാഷ്ട്രീയമില്ല, സ്ത്രീ പുരുഷ വ്യത്യാസമില്ല എന്ന രീതിയില് എല്ലാ തുറയിലുമുള്ള ആള്ക്കാര് പ്രതിഷേധിക്കാന് രംഗത്തെത്തുന്നുണ്ട്. വിശ്വാസികളുടെ പ്രതിഷേധം വോട്ട് ബാങ്കായി മാറുമോ എന്ന ഭയമാണ്. യഥാര്ത്ഥ ഹിന്ദുവെന്ന് മുറവിളി കൂട്ടുന്ന സംഘി നേതാക്കള് മിണ്ടാത്ത അവസ്ഥയിലാണ്. അതേ സമയം അണികള് സമരം ഏറ്റെടുത്തു. കോണ്ഗ്രസുകാര് നനഞ്ഞ മട്ട് സ്വീകരിച്ചത് അവര്ക്ക് തുണയായി. ഇടതുപക്ഷത്തിനാണ് പ്രതിഷേധം ഏറെ ബാധിക്കുക. ലോക്സഭാ തെരഞ്ഞെടുപ്പില് ഇത് പ്രതിഫലിക്കുമെന്നാണ് വിലയിരുത്തല്. വിശ്വാസികളുടെ പ്രതിഷേധം അണപൊട്ടുകയാണ്. ശബരിമല സീസണ് മുമ്പായുള്ള ശരണം വിളി ഉള്ഗ്രാമങ്ങളില് പോലും കാണാം.
സമരത്തിന്റെ രീതിയും ഇപ്പോള് മാറുകയാണ്. സംസ്ഥാനത്ത് അങ്ങോളമിങ്ങോളം വഴിതടയല് സമരവുമായി അയ്യപ്പസംഘടനകള് രംഗത്ത്. രാഹുല് ഈശ്വറിന്റെ നേതൃത്വത്തിലാണ് ഈ സമരങ്ങളെല്ലാം അരങ്ങേറുന്നത്. രാഹുല് മുന്നിട്ടിറങ്ങി നടത്തിയ സമരം തിരുവനന്തപുരത്ത് പുരോഗമിക്കുമ്പോള് തന്നെ കൊച്ചിയിലും വലിയ സമരങ്ങള് അരങ്ങേറി. ഇന്ന് ശബരിമല സംരക്ഷണസമിതിയുടെ നേതൃത്വത്തിലാണ് ഇന്ന് കൊച്ചിയില് സമരം നടത്തിയത്. വഴിതടയല് സമരം നടത്തി ഇവര് തെരുവില് ഇറങ്ങി. സ്വാമിയപ്പാ.. അയ്യപ്പാ.. ശരണമപ്പാ.. അയ്യപ്പാ... അയ്യപ്പസ്വാമിക്ക് ശരണം വിളിച്ചു കൊണ്ടാണ് ആയിരക്കണക്കിന് ഭക്തര് തെരുവില് ഇറങ്ങിയത്.
ശബരിമല വിഷയം ഭക്തജനങ്ങള്ക്കിടയില് ആളിപ്പടരുകയാണ്. വിവിധ ഹൈന്ദവ സംഘടനകള് ഇന്ന് സംസ്ഥാന വ്യാപകമായി പ്രതിഷേധം നടത്തുകയാണ്. വിവിധ ഇടങ്ങളിലാണ് ആളുകള് രംഗത്തിറങ്ങിയത്. കഴിഞ്ഞ ദിവസങ്ങളില് ആരംഭിച്ച ഭക്തരുടെ പ്രതിഷേധം വ്യാപിക്കുകയാണ്. നാളെ യുവമോര്ച്ചയുടെ നേതൃത്വത്തില് നാളെ സംസ്ഥാനവ്യാപക പ്രതിഷേധസംഗമം സംഘടിപ്പിക്കുന്നുണ്ട്. ശബരിമലയെ തകര്ക്കാനുള്ള നീക്കം അനുവദിക്കില്ലെന്ന മുദ്രാവാക്യവുമായാണ് പ്രതിഷേധം.
https://www.facebook.com/Malayalivartha
