മലയാളത്തിലെ ആക്ഷന് ഹിറ്റ്മേക്കര് തമ്പി കണ്ണന്താനം അന്തരിച്ചു
മലയാളത്തിലെ ആക്ഷന് ഹിറ്റ്മേക്കര് തമ്പി കണ്ണന്താനം (65) അന്തരിച്ചു. കൊച്ചിയിലെ സ്വകാര്യ ആശുപത്രിയിലായിരുന്നു അന്ത്യം. ഹിറ്റ്മേക്കറായിരുന്ന ശശികുമാറിനെ വെച്ച് സിനിമ നിര്മിക്കാന് ചെന്ന തമ്പിയെ അദ്ദേഹം സിനിമ പഠിക്കാന് വേണ്ടി സഹസംവിധായകനായി നിര്ത്തുകയായിരുന്നു.
കോട്ടയം കാഞ്ഞിരപ്പള്ളി കണ്ണന്താനത്തു കുടുംബത്തില് ബേബിയുടെയും തങ്കമ്മയുടെയും ആറാമത്തെ പുത്രനായി 1953 ഡിസംബര് 11നാണ് ജനിച്ചത്. കോട്ടയം എംസി സെമിനാരി ഹയര് സെക്കന്ററി സ്ക്കൂളിലും സെന്റ് ഡോമനിക് കോളജിലുമായി പഠനം. ഭാര്യ: കുഞ്ഞുമോള്, മക്കള്: ഐശ്വര്യ, ഐഞ്ചല്.
മോഹന്ലാലിനെ താരമാക്കിമാറ്റിയതില് സുപ്രധാന പങ്ക് വഹിച്ച സംവിധായകനായിരുന്നു തമ്പി കണ്ണന്താനം. ആദ്യ മൂന്ന് സിനിമകള് പരാജയപ്പെട്ട ശേഷമാണ് രാജാവിന്റെ മകന് ചെയ്തത്. അതിന് ശേഷം ചെയ്ത രണ്ട് സിനിമകളും സൂപ്പര്ഹിറ്റായിരുന്നു. മാന്ത്രികം, ഇന്ദ്രജാലം, വഴിയോരക്കാഴ്ചകള്, ഭൂമിയിലെ രാജാക്കന്മാര്, നാടോടി എന്നിവയാരുന്നു മോഹന്ലാല് നായകനായത്. 2004ല് പുറത്തിറങ്ങിയ ഫ്രീഡം ആണ് ഒടുവില് സംവിധാനം ചെയ്ത ചിത്രം.
https://www.facebook.com/Malayalivartha
