ഇക്കഴിഞ്ഞദിവസം കോട്ടയം മണർകാട് പള്ളിയ്ക്ക് മുൻപിൽ ശബരിമലയിൽ പ്രായഭേദമന്യേ സ്ത്രീകൾക്ക് പ്രവേശനം നൽകികൊണ്ടുള്ള സുപ്രീം കോടതിവിധിയിൽ പ്രതിഷേധിച്ച് നടത്തിയ പ്രകടനത്തിൽ പിന്തുണ അറിയിച്ചുള്ള പുരോഹിതന്റെ പ്രസംഗം സോഷ്യൽമീഡിയയിൽ തരംഗമാകുകയാണ്. ഹൈന്ദവസംഘടനകൾ നടത്തിയ പ്രതിഷേധ പ്രകടനത്തിന് പിന്തുണയുമായി രംഗത്തെത്തിയ ക്രിസ്തീയ സഭയിലെ പുരോഹിതന്മാരാണ് ഇപ്പോൾ സോഷ്യൽമീഡിയയിലെ ചർച്ചാവിഷയം. നഗരത്തിലേക്ക് സംഘടിപ്പിച്ച റാലിയ്ക്ക് പള്ളിക്കുമുന്പിൽവച്ച് സ്വീകരണം നൽകുകയും പ്രതിഷേധ പ്രകടനങ്ങൾക്ക് പുരോഹിതൻ ഐക്യധാർട്യം പ്രഖ്യാപിക്കുകയും ചെയ്തു. വിശ്വാസികൾ ഒന്നിച്ച് ഏകമനസോടെ ജീവിക്കുന്ന ഒരുരാജ്യമാണിത് ഇവിടെ ഓരോ മനുഷ്യർക്കും അവരുടേതായ വിശ്വാസങ്ങളും ആചാരങ്ങളുമുണ്ട് അതിൽ നിന്നും വ്യതിചലിച്ചുള്ള തീരുമാനങ്ങൾ ഏത് ഭാഗത്ത് നിന്നും ഉണ്ടായാലും പ്രതികരിക്കേണ്ടത് നമ്മുടെ ആവശ്യമാണെന്നും പുരോഹിതൻ തന്റെ പ്രസംഗത്തിൽ പറയുന്നു .

പുരോഹിതന്റെ പ്രസംഗത്തിലെ പ്രസക്തഭാഗങ്ങൾ ഇങ്ങനെ

വിശ്വാസികൾ ഒന്നിച്ച് ഏകമനസോടെ ജീവിക്കുന്ന ഒരുരാജ്യമാണ് ഇത് .ഇവിടെ ഓരോ മനുഷ്യർക്കും അവരുടേതായ വിശ്വാസങ്ങളുണ്ട് ആചാരങ്ങളുണ്ട് അനുഷ്ടാനങ്ങളുണ്ട് .അത് പാരമ്പര്യമായി നമുക്ക് ലഭിച്ചിട്ടുള്ളതാണ് അത് നമ്മുടെ പൈതൃകമാണ് .പൂർവികർ നൽകിയ വിശ്വാസത്തിൽ നിന്നും പിന്മാറുവാൻ നമുക്കാർക്കും സാധ്യമല്ല. അതിൽ നിന്നും വ്യതിചലിച്ചുള്ള തീരുമാനങ്ങൾ ഏത് ഭാഗത്ത് നിന്നും ഉണ്ടായാലും അത് നമ്മുടെ വിശ്വാസത്തെ വൃണപ്പെടുത്തും എന്നതിൽ സംശയമില്ല .അങ്ങനെ ശബരിയിൽ നിൽക്കുന്ന ഒരു സംസ്കാരത്തെ ആചാരത്തെ അനുഷ്ട്ടാനത്തെ തകിടം മറിക്കുന്ന ഇടപെടലുകൾ ചില ഭാഗത്തുനിന്നും ഉണ്ടാകുമ്പോൾ അതിനെതിരെ പ്രതികരിക്കേണ്ടത് നാനാജാതി മതസ്ഥരായ ഭാരതീയരുടെ പ്രത്യേകിച്ച് കേരളീയരുടെ ആവശ്യമാണ് .ആവിധത്തിൽ ഈ ഘോഷയാത്രയെ കാണുകയും എല്ലാവിധമായ പിന്തുണയും നൽകണമെന്ന് അപേക്ഷിക്കുകയും ചെയ്യുന്നു. ജയ് ഹിന്ദ്