ദൈവമേ അതവള്ക്ക് താങ്ങാന് ശക്തി തരേണമേ... ബാലഭാസ്കറും മകള് തേജസ്വിനി ബാലയും മരിച്ച കാര്യം ലക്ഷ്മിയോട് അമ്മ അറിയിക്കാന് ഐ.സി.യുവില് കയറിയപ്പോള് വെളിയില് കണ്ണീരില് കുതിര്ന്ന പ്രാര്ത്ഥന; ദൈവത്തിനെ വിളിച്ച് അമ്മ അകത്ത് കയറിയപ്പോള് നെഞ്ചിടിച്ചത് പുറത്തുനിന്ന ബന്ധുക്കള്ക്കും സുഹൃത്തുക്കള്ക്കും
ബാലഭാസ്കറിന്റേയും മകളുടേയും മരണത്തെ തുടര്ന്ന് വല്ലാത്തൊരു വേദനയിലായിരുന്നു ബന്ധുക്കളും സുഹൃത്തുക്കളും. അതീവ ഗുരുതരാവസ്ഥയില് കഴിയുന്ന ബാലഭാസ്കറിന്റെ ഭാര്യ ലക്ഷ്മിയെ എന്ത് പറഞ്ഞ് ആശ്വസിപ്പിക്കും. വളരെ ഇഷ്ടപ്പെട്ട് കെട്ടി ജീവിച്ച് കൊതി തീര്ന്നിട്ടില്ല. വളരെ കാത്തിരിന്ന് കിട്ടിയ പൊന്നുമോള്. ഇതെങ്ങനെ ലക്ഷ്മിയോട് പറയും. എന്നുമിത് മൂടി വയ്ക്കാന് പറ്റില്ലല്ലോ...
മകള് ത്വേജസിനി ബാലയെന്ന ജാനി മരിച്ച സമയത്ത് ലക്ഷ്മി അബോധാവസ്ഥയില് വെന്റിലേറ്ററിലായിരുന്നു. അവസാനമായി അമ്മയെ കാണിച്ചിട്ട് മോളെ സംസ്കരിച്ചാല് മതിയെന്നാണ് കരുതിയത്. പക്ഷെ എത്രനാള്... ഒരു പിടിയുമില്ലാതെ വന്നപ്പോള് ഡോക്ടര്മാര് പറഞ്ഞു. ഇനി കാത്തിരിക്കേണ്ട. അങ്ങനെ ജാനുവിനെ സംസ്കരിച്ചു.
തുടര്ന്ന് ജീവിതത്തിലേക്ക് തിരിച്ചുവരുമെന്ന പ്രതീക്ഷ നല്കി ബാലഭാസ്കറും പറന്നകന്നു. എന്നാല് ഇതൊന്നുമറിയാതെ ലക്ഷ്മി മറ്റൊരു ലോകത്തില് വെന്റിലേറ്ററില് നിദ്രയിലായിരുന്നു. അതിനാല് തന്നെ ബാലഭാസ്കറുടെ സംസ്കാരത്തിന് രണ്ടാമതൊന്ന് ചിന്തിച്ചില്ല. അങ്ങനെ ലക്ഷ്മിയറിയാതെ അവര് രണ്ടുപേരും പറന്നകന്നു. അതേസമയം ബാലഭാസ്കറിന്റെ സംസ്കാര സമയത്ത് ലക്ഷ്മിക്ക് ഫിറ്റ്സ് ഉണ്ടായെന്നാണ് ആശുപത്രി അധികൃതര് പറഞ്ഞത്.
അങ്ങനെ ഇരുവരുടേയും വിയോഗത്തോടെ കരഞ്ഞ് തളര്ന്ന വീട്ടുകാര്ക്ക് മുമ്പില് സങ്കടപ്പെടുത്തിയ അടുത്തത് ലക്ഷ്മിയായിരുന്നു. ലക്ഷ്മിയുടെ വീട്ടുകാരെയാണ് ഇത് കൂടുതല് സങ്കടപ്പെടുത്തിയത്. ബാലഭാസ്കറിന്റെ വിയോഗത്തോടെ അവരുടെ ബന്ധുക്കള് കരഞ്ഞ് തളര്ന്ന് വീട്ടിലാണ്. എന്നാല് ലക്ഷ്മിയുടെ വീട്ടുകാര് മറ്റൊരു ധര്മ്മ സങ്കടത്തിലായിരുന്നു. ലക്ഷ്മി ജീവിത്തിലേക്ക് തിരിച്ച് വരണമേയെന്ന പ്രാര്ത്ഥന ഒരു വശത്തും ഇതെങ്ങനെ അവളെ അറിയിക്കുമെന്ന പ്രാര്ത്ഥന മറുവശത്തും.
ലക്ഷ്മിയെ വെന്റിലേറ്ററില് നിന്നും മാറ്റിയതോടെ എത്രയും വേഗം അവളോട് കാര്യം പറയണമെന്ന് ബന്ധുക്കള് നിര്ബന്ധം പിടിച്ചു. എന്നാല് ഡോക്ടര്മാരാകട്ടെ വെയിറ്റ് ചെയ്യാനാണ് പറഞ്ഞത്. അതവള്ക്ക് താങ്ങാന് പറ്റിയില്ലെങ്കില്...
സുഹൃത്തുക്കള് ഈ സാഹചര്യം വിവരിച്ചത് ഇങ്ങനെയാണ്. ആരോഗ്യം മെച്ചപ്പെട്ടതോടെ ഐ.സി.യു.വില് വച്ച് തന്നെ കാര്യങ്ങള് തുറന്ന് പറയാന് ഡോക്ടറും സമ്മതം മൂളി. വാര്ഡില് വന്നാല് മറ്റ് ബന്ധുക്കള് കയറി കുളമാക്കും. അതിനും മുമ്പേ ഐസിയുവില് വച്ചായാല് അധികമാരും കയറുകയുമില്ല. കൂടാതെ ബിപിയിലോ ഷുഗറിലോ എന്തെങ്കിലും വേരിയേഷന് വന്നാല് നിയന്ത്രിക്കാനും കഴിയും. വെന്റിലേറ്ററും റെഡിയാക്കി വച്ചു. മനശാസ്ത്ര ഡോക്ടര്മാരുടേയും കണ്സള്ട്ടിംഗും ലക്ഷ്മിക്ക് നല്കി. അങ്ങനെ ഡോക്ടര്മാര് വലിയൊരു ആപത്ത് മുന്നില് കണ്ട് തന്നെ നിന്നു.
പക്ഷെ ഇതോടൊപ്പം ആര് ഇത് പറയുമെന്ന കാര്യവും ചര്ച്ചയായി. അടുത്ത ബന്ധുക്കളാരെങ്കിലും പറഞ്ഞാല് മതിയെന്ന നിലപാടിലായി. ആരു പറഞ്ഞാലും പറയുന്ന ആള് ഐസിയുവില് കിടന്ന് കരയരുത്. നല്ല കരുത്തോടെ പിടിച്ച് നിന്ന് അവളെ ആശ്വസിപ്പിക്കണം. ഏത് സാഹചര്യവും നേരിടാന് അവര് ബലം നേടണം. അതിനായുള്ള ദൗത്യം അമ്മയെ ഏല്പ്പിച്ചു. ലക്ഷ്മിക്ക് ഏറെ പ്രിയപ്പെട്ട അമ്മ നിലവിളിച്ച് കൊണ്ട് അതേറ്റെടുത്തു. പക്ഷെ ഡോക്ടര്മാര് അമ്മയ്ക്ക് കൗണ്സിലിംഗ് നല്കി. പിടിച്ചു നില്ക്കണം അമ്മ... ഒന്ന് പതറിയാല് പിന്നെ നമ്മുടെ മകളെക്കൂടി നഷ്ടമാകും. ആ അമ്മയ്ക്ക് കാര്യം മനസിലായി. അവര് ഉള്ളിലെ വിഷമം കരഞ്ഞ് തീര്ത്തതിന് ശേഷം മുഖം കഴുകി. ഡോക്ടര്മാരോടൊപ്പം ഐ.സി.യുവില് കയറി.
അമ്മ ചെന്നയുടനെ ലക്ഷ്മി വേദനയോടെ ചിരിച്ച് അമ്മയുടെ കൈ പിടിച്ചു. എന്തൊക്കെയോ ഉള്ക്കണ്ണാല് അറിയുന്ന പോലെ ലക്ഷ്മിയുടെ കണ്ണ് നിറഞ്ഞു. വളരെ വേദനയോടെ പതിയെ പതിയെ കാര്യത്തോട് കടന്നു. അവസാനം അമ്മ നിറകണ്ണുകളോടെ ആ സത്യം പറഞ്ഞു. അവര് നമ്മളെവിട്ട് പോയ് മോളെ... തികഞ്ഞ നിശബ്ദത. ഡോക്ടര്മാരുള്പ്പെടെ മരവിച്ചു പോയി. ഇതുവരെ പിടിച്ചു നിന്നെങ്കിലും അമ്മ വിതുമ്പിപ്പോയ്. അമ്മ മകളെ ആശ്വസിപ്പിച്ചു. ലക്ഷ്മിയും വിതുമ്പി... അവളൊന്ന് പൊട്ടിക്കരഞ്ഞെങ്കില് എന്ന് അവര് ആശിച്ചു പോയി. ദൈവമേ ഇതൊരാള്ക്കും ജീവിതത്തില് വരുത്തരുതേ....
https://www.facebook.com/Malayalivartha
