ശബരിമലക്കായി സ്ത്രീകള് മുന്നിട്ടിറങ്ങുമ്പോള് സര്ക്കാരിന്റെ കാലു വിറക്കുന്നു ; വിവിധ ഹൈന്ദവ സംഘടനകള് സമരം കടുപ്പിക്കുന്ന സാഹചര്യത്തില്, സമരം നേരിടുന്നതില് ജാഗ്രത വേണമെന്ന് സര്ക്കാര്
ശബരിമല യുവതി പ്രവേഷന വിഷയത്തില് സ്ത്രീകള് തന്നെ സമരത്തിനു മുന്പന്തിയില് വരുമ്പോള് സര്ക്കാരിന്റെ മുട്ടു വിറക്കുകയാണ്. ശബരിമല സ്ത്രീ പ്രവേശന വിഷയത്തില് വിവിധ ഹൈന്ദവ സംഘടനകള് സമരം കടുപ്പിക്കുന്നതുതന്നെ സ്ത്രീകളെ മുന് നിര്ത്തിയാണ് ഇത് നിസാരമായി കാണാനാകില്ല എന്നു തന്നെയാണ് സര്ക്കാരും വിലയിരുത്തുന്നത്. അതുപോലെതന്നെ പ്രതിഷേധത്തിന് കേരളത്തില് നിന്നുള്ള സ്ത്രീകളെ കൂടാതെ മറ്റു സംസ്ഥാനങ്ങളിലെ സ്ത്രീകളും എത്തുന്നത് സര്ക്കാരിനെ വെട്ടിലാക്കുകയാണ് എന്തായാലും. മലകയറാന് തയ്യാറായി സ്ത്രീകള് ശബരിമലയില് എത്തും മുന്നേ സ്ത്രീ പ്രതിഷേധമറിയിച്ച് സ്ത്രീകള് തന്നെ ശബരിമലയില് എത്തുമെന്ന കാര്യത്തില് സംശയമില്ല. ഇത് വളരെ ഗൗരവകരമായി തന്നെയാണ് സര്ക്കാരും കാണുന്നത്.
ശബരിമല സ്ത്രീ പ്രവേശന വിഷയത്തില് വിവിധ ഹൈന്ദവ സംഘടനകള് സമരം കടുപ്പിക്കുന്ന സാഹചര്യത്തില്, സമരം നേരിടുന്നതില് ജാഗ്രത വേണമെന്ന് സര്ക്കാര്. സമരത്തെ നിസ്സാരവത്കരിക്കരുതെന്നാണ് പൊലീസ് രഹസ്യാന്വേഷണ വിഭാഗം നല്കിയിരിക്കുന്ന മുന്നറിയിപ്പ്. സ്ത്രീകളെ മുന്നില് നിര്ത്തിയുള്ള നീക്കം പ്രകോപനം സൃഷ്ടിക്കാനാണെന്നും അതിനാല് കൂടുതല് ജാഗ്രത വേണമെന്നും രഹസ്യാന്വേഷണ വിഭാഗം തുടക്കത്തില് തന്നെ മുന്നറിയിപ്പ് നല്കിയിരുന്നു. വരാനിരിക്കുന്ന സെക്രട്ടേറിയറ്റ് മാര്ച്ചും ബി.ജെ.പിയുടെ ലോങ് മാര്ച്ചും നിരീക്ഷിക്കണമെന്ന നിര്ദേശവുമുണ്ട്. തുലാമാസപൂജകള്ക്കായി 18ന് നടതുറക്കുമ്പോള് ദര്ശനത്തിന് സ്ത്രീകള് എത്തിയാല് അവരെ സമരക്കാര് തടയാനുള്ള സാധ്യതകളും ഇന്റലിജന്സ് തള്ളുന്നില്ല. കേരളത്തില്നിന്നുള്ള സ്ത്രീ തീര്ഥാടകരെക്കാള് കൂടുതല് ഇതര സംസ്ഥാനങ്ങളില് നിന്നാവാനാണ് സാധ്യതയും.
എരുമേലി, പമ്പ എന്നിവിടങ്ങളില് കൂടുതല് ജാഗ്രത വേണം. എരുമേലിയില് ദേവസ്വം ഓഫിസ് ആക്രമിക്കുന്നതിലേക്ക് വരെ കാര്യങ്ങള് എത്തിയത് സമരം തീവ്രമാകുമെന്നതിന്റെ സൂചനയാണ്. അതിനാല് പൊലീസ് പരമാവധി സംയമനം പാലിക്കണമെന്നും പലയിടത്തും സമരം പരിധിവിട്ടിട്ടും പൊലീസ് ഇടപെടല് പ്രശ്നങ്ങള് ലഘൂകരിച്ചെന്നും ഇതില് സര്ക്കാര് തൃപ്തരാണെന്നും ആഭ്യന്തര വകുപ്പിന്റെ റിപ്പോര്ട്ടിലുണ്ട്.
എന്.എസ്.എസും തന്ത്രി കുടുംബവും പന്തളം കൊട്ടാര പ്രതിനിധികളും സര്ക്കാറിനെ അവഗണിച്ച് മുന്നോട്ടുപോകുന്ന സാഹചര്യത്തില് ചര്ച്ച വേണമെന്നും അതല്ല, പുനഃപരിശോധന ഹരജി നല്കിയ സാഹചര്യത്തില് നടപടികള് എവിടം വരെ പോകുന്നുവെന്ന് കാണട്ടെയെന്ന അഭിപ്രായവും ഉയര്ന്നിട്ടുണ്ട്. അതേസമയം, ശബരിമലയില് ഒരുക്കുന്ന സൗകര്യങ്ങള് സംബന്ധിച്ച് ഹൈകോടതിയില് റിപ്പോര്ട്ട് സമര്പ്പിക്കാനുള്ള ദേവസ്വം ബോര്ഡ് തീരുമാനം മാറ്റിയിട്ടുണ്ട്. ബോര്ഡ് പ്രതിനിധികളും പൊലീസ് ഉന്നതരും നടത്തുന്ന കൂടിക്കാഴ്ച കഴിഞ്ഞിട്ടാകാം അന്തിമ റിപ്പോര്ട്ട് എന്നതിനാലാണ് ഒരുദിവസം കൂടി വൈകിപ്പിക്കാന് കാരണം. ദേവസ്വം ബോര്ഡ് പ്രസിഡന്റിനെ മറികടന്ന് കമീഷണര് കാര്യങ്ങള് നിയന്ത്രിക്കുന്നുവെന്ന ആക്ഷേപവും ഇരുവരും തമ്മിലെ ഭിന്നതയും റിപ്പോര്ട്ട് വൈകാന് കാരണമായിട്ടുണ്ട്.
https://www.facebook.com/Malayalivartha
