സംസ്ഥാനത്തെ ഞെട്ടിച്ച എടിഎം കവര്ച്ച ... മുമ്പ് എ.ടി.എം കവര്ച്ച നടത്തി മുങ്ങിയ പ്രതികളെന്ന് സംശയം, ഡല്ഹി ക്രൈം ബ്രാഞ്ച് പൊലീസില് അംഗമായിരുന്ന അബ്ളൂഖാന് സംഘത്തലവനെന്ന് നിഗമനം, കേരള പോലീസിന്റെ രണ്ടു സംഘങ്ങള് ഡല്ഹിയിലേക്ക് തിരിച്ചു
സംസ്ഥാനത്ത് മുമ്പ് എ.ടി.എം കവര്ച്ച നടത്തി മുങ്ങിയ പ്രതികള് തന്നെയാണ് ഈ കഴിഞ്ഞ ദിവസം ഇരുമ്പനത്തും കൊരട്ടിയിലും കവര്ച്ച നടത്തിയതെന്ന് സംശയിക്കുന്നു. കഴിഞ്ഞ വര്ഷം ചെങ്ങന്നൂര്, കഴക്കൂട്ടം എന്നിവിടങ്ങളിലെ കവര്ച്ചയില് ഡല്ഹി, ഹരിയാന സ്വദേശികളായ നാലു പേരെ തിരിച്ചറിഞ്ഞെങ്കിലും പിടികൂടാനായിരുന്നില്ല. ഡല്ഹി െ്രെകംബ്രാഞ്ച് പൊലീസില് അംഗമായിരുന്ന അബ്ളൂഖാന് എന്ന ആളാണ് സംഘത്തലവനെന്നാണ് നിഗമനം. ഇയാളെ പിടികൂടാനായി കേരള പൊലീസിന്റെ രണ്ടു സംഘങ്ങള് ഡല്ഹിയിലേക്ക് തിരിച്ചു. സി.സി.ടി.വി ദൃശ്യങ്ങളില് നിന്ന് പ്രതികള് ഇതരസംസ്ഥാനക്കാരാണെന്ന് വ്യക്തമാണ്.
കുറവിലങ്ങാട്, ഇരുമ്പനം, കളമശേരി, കൊരട്ടി എ.ടി.എമ്മുകളില് കയറിയത് മൂന്നു പേര് മാത്രമാണ്. പിന്നീട് ചാലക്കുടി റെയില്വേ സ്റ്റേഷന് പരിസരത്തെ കാമറ ദൃശ്യങ്ങളില് ഏഴു പേര് വേഷം മാറി പോകുന്നത് കണ്ടു. ഇവര് എ.ടി.എം തകര്ത്തവരാണെന്ന് ഉറപ്പില്ലെന്നും അന്വേഷണംസംഘം . എ.ടി.എമ്മുകളില് നിന്ന് ലഭിച്ച വിരലടയാളങ്ങള് ദേശീയ െ്രെകം റെക്കാഡ്സ് ബ്യൂറോക്ക് കൈമാറി. അടുത്തകാലത്ത് എ.ടി.എം കേസുകളില് ജയില് മോചിതരായവരെക്കുറിച്ചുള്ള വിവരങ്ങളും ഇവരില് നിന്ന് തേടിയിട്ടുണ്ട്. ചെങ്ങന്നൂര് ചെറിയനാട്, മാരാരിക്കുളം, കരയിലകുളങ്ങര, രാമപുരം എന്നിവിടങ്ങളിലെ എ.ടി.എം കൗണ്ടറുകളാണ് കഴിഞ്ഞ വര്ഷം സംഘം ലക്ഷ്യമിട്ടിരുന്നത്.
ചെറിയനാട്ടു നിന്ന് മാത്രമേ പണം കവരാനായുള്ളൂ. ഈ കേസില് പൊലീസ് ഡല്ഹിയില് അന്വേഷണത്തിനെത്തിയപ്പോള് കഴക്കൂട്ടത്തെ എ.ടി.എം തകര്ത്തു. പിന്നീട് ചെങ്ങന്നൂര് സ്വദേശിയും 15 വര്ഷമായി ഡല്ഹിയില് താമസക്കാരനുമായ സുരേഷ് കുമാര് പിടിയിലായി. ഇയാളില് നിന്നാണ് സംഘത്തലവനായ അബ്ളൂഖാന് ഉള്പ്പെടെയുള്ളവരെ തിരിച്ചറിഞ്ഞത്. ഇവരെ പിടികൂടാനായില്ല. ഗ്യാസ് കട്ടര് പ്രവര്ത്തിപ്പിക്കാനുള്ള ഹാന്ഡില് സിലിണ്ടര് വാങ്ങിയ രാജസ്ഥാനിലെ കട പൊലീസ് കണ്ടെത്തിയിരുന്നു. പൊലീസ് പിന്നീട് അന്വേഷണത്തില് താത്പര്യം പ്രകടിപ്പിച്ചില്ല. കഴിഞ്ഞ തവണ മോഷണസംഘം എം.സി റോഡിലൂടെ ഇന്നോവ കാറിലാണ് എത്തിയത്. ഇക്കുറിയും ഇതേ റോഡ് തന്നെ തിരഞ്ഞെടുത്തു. അന്ന് ഇന്നോവയാണ് പ്രതികളിലേക്ക് പൊലീസിനെ എത്തിച്ചത്. അതിനാലായിരിക്കാം ഇത്തവണ മോഷ്ടിച്ച വാഹനം ഉപയോഗിച്ചത്.
നാട്ടില് നിന്ന് വരാനും പോകാനും ട്രെയിന് തിരഞ്ഞെടുത്തു. അബഌഖാന്റെ സംഘത്തില് ഗ്യാസ് കട്ടര് ഉപയോഗിച്ച് എ.ടി.എം തകര്ക്കാന് വിദഗ്ദ്ധരുണ്ട്. കാഷ് ഡോറിന്റെ ഇരുമ്പ് പാളി അറുത്തു മുറിച്ചതിനാല് മോഷണത്തിന് പിന്നില് ഈ സംഘമാണെന്ന് പൊലീസ് ഉറപ്പിക്കുന്നു. മോഷണത്തിന് എത്തുമ്പോള് ഈ സംഘം മൊബൈല് ഫോണ് ഉപയോഗിക്കാറില്ലെന്നാണ് അന്നത്തെ അന്വേഷണസംഘത്തിന് ലഭിച്ച വിവരം.
https://www.facebook.com/Malayalivartha
