സുരേഷ് ഗോപി മലയാളി പ്രേക്ഷകര്‍ക്ക് എന്നും ആവേശമാണ്. സുരേഷ് ഗോപിയുടെ നെടുനീളന്‍ കുറിക്കു കൊള്ളുന്ന ഡയലോഗുകള്‍ ആരേയും ആവേശഭരിതരാക്കും. സുരേഷ് ഗോപിയുടെ വര്‍ധിച്ച ജനപിന്തുണയാണ് മോഡി നേരിട്ട് ഇടപെട്ട് അദ്ദേഹത്തെ എംപിയാക്കിയത്. ശബരിമല വിഷയം കത്തി നല്‍ക്കുമ്പോള്‍ സുരേഷ് ഗോപി സിനിമാ ഡയലോഗുമായി രംഗത്തെത്തി. ശക്തമായ മുന്നറിയിപ്പാണ് സുരേഷ് ഗോപി നല്‍കുന്നത്. 

നാട്ടിലെ ആചാരത്തെയും സംസ്‌കാരത്തെ ചോദ്യം ചെയ്യുന്നത് ഏതു പാര്‍ട്ടിയില്‍ നിന്നായാല്‍ പോലും വിരല്‍ ചൂണ്ടാനും വേണ്ടി വന്നാല്‍ മുഷ്ടി ചുരുട്ടാനും തയ്യാറെന്നു സുരേഷ് ഗോപി എം പി ഇക്കാര്യത്തില്‍ രാഷ്ട്രീയം നോക്കില്ലെന്നും അദ്ദേഹം പറഞ്ഞു. 

അതിനിടെ വിശ്വാസികളെ പാര്‍ട്ടിക്കും സര്‍ക്കാരിനുമെതിരാക്കാനുള്ള ശ്രമങ്ങള്‍ നടക്കുന്നെന്ന ആരോപണം സിപിഎമ്മിനുണ്ട്. സമയമെടുത്തും ക്ഷമാപൂര്‍വവും തെറ്റിദ്ധാരണകളകറ്റാന്‍ നോക്കണമെന്നാണു സിപിഎം സംസ്ഥാനകമ്മിറ്റിയുടെ നിര്‍ദ്ദേശം. സ്ത്രീതുല്യത ഉറപ്പുവരുത്തുന്ന വിധിയാണു സുപ്രീംകോടതിയില്‍ നിന്നുണ്ടായത്. വിശ്വാസവുമായി ബന്ധപ്പെട്ട കാര്യങ്ങള്‍ ഭരണഘടനയ്ക്കു വിധേയമാണെന്നും വിധി വ്യക്തമാക്കുന്നു. സിപിഎമ്മിന്റെ നിലപാടുകളോടു പൂര്‍ണമായും പൊരുത്തപ്പെടുന്നതാണ് ഈ രണ്ടു കാര്യങ്ങളുമെന്നും വിലയിരുത്തുന്നു. എന്നാല്‍ സിപിഎമ്മിനെ പ്രതിരോധത്തിലാക്കാന്‍ ബിജെപി നടത്തുന്ന ശ്രമങ്ങള്‍ തിരിച്ചറിയണമെന്നാണ് പാര്‍ട്ടിയുടെ നിര്‍ദ്ദേശം.

വിധിക്കുശേഷമുള്ള ബിജെപിയുടെ നീക്കങ്ങള്‍ വ്യക്തമാക്കുന്നത് ഇവിടെ ഒരിടം കണ്ടെത്താനുള്ള അവസരമായി അവര്‍ ഇതിനെ ഉപയോഗിക്കുന്നുവെന്നതാണ്. അതിനു പിന്നാലെ കോണ്‍ഗ്രസും പോയി. എന്‍ എസ് എസും സമരത്തിന്റെ മുന്നണിയിലുണ്ട്. നിയമസഭാ തെരഞ്ഞെടുപ്പില്‍ സിപിഎമ്മിനെ എന്‍ എസ് എസ് സഹായിച്ചിരുന്നു. ഈ ബന്ധത്തിന് വിള്ളല്‍ വന്നതിനേയും ഗൗരവത്തോടെയാണ് സര്‍ക്കാര്‍ കാണുന്നത്. ദേവസം ബോര്‍ഡ് പ്രസിഡന്റ് പത്മകുമാറിന്റെ ഇടപെടല്‍ ഫലപ്രദമായില്ലെന്നും അഭിപ്രായമുണ്ട്.