തുലാമാസ പൂജകള്ക്കായി ശബരിമല നട തുറക്കാന് ഇനി മൂന്നുനാള് മാത്രം, സ്ത്രീകള്ക്കായി പ്രത്യേക സൗകര്യങ്ങളൊന്നും ഒരുക്കിയിട്ടില്ല, സംഘര്ഷം ഭയന്ന് സ്ത്രീകള് എത്തില്ലെന്ന പ്രതീക്ഷയിലാണ് അധികൃതര്
ശബരിമല സ്ത്രീ പ്രവേശന വിവാദങ്ങള്ക്കിടെ തുലാമാസ പൂജകള്ക്കായി നട തുറക്കാന് ഇനി മൂന്നുനാള് മാത്രം. ബുധനാഴ്ച വൈകീട്ട് അഞ്ചിനാണ് നടതുറക്കുക. സ്ത്രീ പ്രവേശനത്തിന് സൗകര്യം ഒരുക്കുമെന്ന് പറഞ്ഞ സര്ക്കാറും ദേവസ്വം ബോര്ഡും അതില്നിന്ന് പിന്നാക്കം പോയതോടെ സ്ത്രീകള്ക്ക് ഒരു സൗകര്യവും നിലക്കല്, പമ്പ, സന്നിധാനം എന്നിവിടങ്ങളില് ഒരുക്കിയിട്ടില്ല. ശൗചാലയങ്ങളും ക്രമീകരിച്ചില്ല. അതിനിടെ സ്ത്രീ പ്രവേശനത്തിനെതിരായ സമരം പോര്വിളിയിലേക്ക് കടന്നിട്ടുമുണ്ട്.
കോണ്ഗ്രസില്നിന്ന് സമരം നയിക്കുന്ന പ്രയാര് ഗോപാലകൃഷ്ണനും ബി.ജെ.പി സംസ്ഥാന അധ്യക്ഷന് ശ്രീധരന്പിള്ളയുമാണ് പോര്വിളി നടത്തുന്നത്. പമ്പയില് രക്തം കലരരുത് എന്ന് പ്രയാറും ചോരപ്പുഴയൊഴുക്കരുതെന്ന് ശ്രീധരന്പിള്ളയും മുന്നറിയിപ്പ് നല്കുന്നു. അതിനിടെ തുലാമാസത്തില് ശബരിമല പ്രവേശനത്തിനായി സ്ത്രീകള് വ്രതം നോറ്റുതുടങ്ങിയെന്ന വെളിപ്പെടുത്തലുകള് ചിലയിടങ്ങളില്നിന്ന് ഉണ്ടായിട്ടുമുണ്ട്.
പമ്പ തകര്ന്നതിനാല് അവിടെ സ്ത്രീകള്ക്ക് പ്രത്യേക കുളിക്കടവ് നിര്മിക്കാനാവാത്ത സ്ഥിതിയാണ്. നേരത്തേ എത്തിയിരുന്ന പ്രായമായ സ്ത്രീകള് ഉപയോഗിച്ച ശൗചാലങ്ങള് യുവതികള്ക്കും ഉപയോഗിക്കാമെന്നും അവര്ക്കായി പ്രത്യേക സൗകര്യം ഒരുക്കാനായിട്ടില്ലെന്നും അദ്ദേഹം പറഞ്ഞു. സ്ത്രീകളുടെ സുരക്ഷക്ക് വനിത പൊലീസിനെ സന്നിധാനം വരെ നിയോഗിക്കുമെന്ന് പറഞ്ഞിരുന്നെങ്കിലും അതിലും തുടര്നടപടിയില്ല. സംഘര്ഷം ഭയന്ന് സ്ത്രീകള് എത്തില്ലെന്ന പ്രതീക്ഷയിലാണ് അധികൃതര്.
-
"
https://www.facebook.com/Malayalivartha
