സിനിമാ നടിമാര്‍ ഉണര്‍ന്നതോടെ പുരുഷന്‍മാരായ സിനിമാക്കാര്‍ അങ്കലാപ്പിലാണ്. കെപിഎസി ലളിത അടൂര്‍ ഭാസിയ്‌ക്കെതിരെ രംഗത്ത് വന്നത് ഏറെ ചര്‍ച്ചയായിരുന്നു. ഇതിന് പിന്നാലെയാണ് നടി ആക്രമിക്കപ്പെട്ട ശേഷം വനിതാ കൂട്ടായ്മ രംഗത്തെത്തിയത്. 

തൊഴില്‍ സ്ഥലത്തെ ലൈംഗിക അതിക്രമങ്ങള്‍ക്കെതിരെയുളള മീടു (ഞാനും ഇരയാണ്) മുന്നേറ്റത്തില്‍ മലയാള സിനിമാ മേഖലയിലെ സംഭവങ്ങളും വൈകാതെ പുറത്തു വരുമെന് സിനിമയിലെ വനിതാ കൂട്ടായ്മയായ ഡബ്ല്യൂസിസി പറയുന്നത്.

ഞങ്ങള്‍ക്ക് ഈ വ്യവസായത്തെ നാണം കെടുത്താന്‍ ഉദ്ദേശ്യമില്ല. എന്നാല്‍ അനേകം സംഭവങ്ങള്‍ ഇവിടെയുമുണ്ട്. വൈകാതെ അതും പുറത്തു വരിക. തന്നെ ചെയ്യും. പ്രഷര്‍ കുക്കറിന്റെ അവസ്ഥയിലാണിപ്പോള്‍. എപ്പോള്‍ വേണമെങ്കിലും പൊട്ടാം. എഡിറ്ററും ചലച്ചിത്ര അക്കാഡമി വൈസ് ചെയര്‍ പേഴ്‌സനുമായ ബീന പോള്‍ പറഞ്ഞു.

കുറെക്കാലം മുമ്പ് ഒരു സിനിമയുടെ പ്രവര്‍ത്തനങ്ങള്‍ക്കിടെ 1617 വയസ്സുള്ള ഒരു പെണ്‍കുട്ടി പാതിരാത്രി ഓടിവന്ന് തന്റെ വാതിലില്‍ മുട്ടി ചേച്ചീ രക്ഷിക്കൂ.. എന്നു പറഞ്ഞതായി രേവതി ഓര്‍മ്മിച്ചു. ആ കുട്ടി പറയുന്നെങ്കില്‍ പരയട്ടെ എന്നും താന്‍ ഇതു സംബന്ധിച്ചു കൂടുതല്‍ വെളിപ്പെടുത്തുന്നില്ലെന്നും അവര്‍ പറഞ്ഞു

പുള്ളിക്കാരന്‍ സ്റ്റാറാ എന്ന ചിത്രത്തിന്റെ സെറ്റില്‍ പ്രൊഡക്ഷന്‍ എക്‌സിക്യൂട്ടീവ് ഷെറിന്‍ സ്റ്റാന്‍ലി തന്നോട് മോശായി പെരുമാറിയതായും ഇക്കാര്യത്തില്‍ ഫെഫ്ക നേതൃത്വത്തോടു പരാതിപ്പെട്ടിട്ടും നടപടിയുണ്ടായില്ലെന്നും നടി അര്‍ച്ചന പത്മിനി വെളിപ്പെടുത്തി

ഫെഫ്ക നേതാക്കളായ ബി ഉണ്ണികൃഷ്ണനോടും സിബി മലയിലിനോടുമാണ് പരാതിപ്പെട്ടത്. പല തവണ സംസാരിക്കുകയും നീതി ലഭിക്കുമെന്നു പറയുകയും ചെയ്തതല്ലാതെ ഒന്നും സംഭവിച്ചില്ല. അയാള്‍ ഇപ്പോഴും സജീവമായി സിനിമയിലുണ്ട്. എനിക്ക് അവസരങ്ങളില്ലാതെയുമായി വാക്കുകള്‍ കൊണ്ടുള്ള മാനഭംഗത്തിനു വീണ്ടും വിധേയമാകാന്‍ താത്പര്യമില്ലാത്തതിനാലാണു പോലീസില്‍ പരാതി നല്‍കാത്തത് അര്‍ച്ചന പറഞ്ഞു.

നടന്‍ മുകേഷിനെതിരായി ഉയര്‍ന്നു വന്ന മീടു വെളിപ്പെടുത്തലിന്റെ അടിസ്ഥാനത്തില് അദ്ദേഹത്തിനെതിരെ അമ്മ നടപടിയെടുക്കണമെന്നും ഒരു ജനപ്രതിനിധിയായ അദ്ദേഹത്തിന്റെ കാര്യത്തില്‍ സര്‍ക്കാര്‍ എന്തു നിലപാട് സ്വീകരിക്കുമെന്ന് ഉറ്റുനോക്കുകയാണെന്നും നടി റിമ കലിങ്കല്‍ പറഞ്ഞു. ആക്രമിക്കപ്പെട്ട നടിയുടെ കാര്യം ചോദിക്കുമ്പോള്‍ അമ്മ പ്രസിഡന്റ് നമുക്ക് നോക്കാം എന്നാണ് മറുപടി നല്‍കുന്നതെന്നും റിമ ചൂണ്ടിക്കാട്ടി.