വിശ്വാസികളുടെ ഹൃദയത്തില് തൊട്ടു കളിച്ചാല് കളി കാര്യമാകും; ആചാരാനുഷ്ഠാനങ്ങള് നിലനിര്ത്താന് സര്ക്കാരിന് ബാധ്യതയുണ്ട്; കത്തിക്കയറി സുരേഷ് ഗോപി
ആചാരാനുഷ്ഠാനങ്ങള് നിലനിര്ത്താന് മാറിമാറി വരുന്ന സര്ക്കാരുകള്ക്ക് ബാധ്യതയുണ്ടെന്ന് സുരേഷ്ഗോപി. വിശ്വാസിസമൂഹത്തിന്റെ ഹൃദയത്തില് തൊട്ടുകളിക്കരുതെന്നും ശബരിമലയിലെ ആചാരങ്ങള് സംരക്ഷിക്കാന് വിശ്വാസിയെന്ന നിലയില് അവസാന നിമിഷംവരെ പോരാടുമെന്നും സുരേഷ്ഗോപി എം.പി. പറഞ്ഞു.
ആചാരനുഷ്ഠാനങ്ങളുടെ നൈരന്തര്യം ഉറപ്പുവരുത്താന് ഏതു സര്ക്കാരിനും ബാദ്ധ്യതയുണ്ട്. അതിനെ വ്രണപ്പെടുത്തിയപ്പോഴാണ് സ്വമേധയാ വിശ്വാസികള് പ്രതിഷേധിക്കാന് ഇറങ്ങിയത്. ഇത് കണ്ടില്ലെന്നു നടിക്കുന്നത് ഭരണപക്ഷത്തിന്റെ മൂഢത്വമാണെന്നും അദ്ദേഹം പറഞ്ഞു.
ബി.ജെ.പി. സവര്ണരുടെ പാര്ട്ടിയാണെന്നും മറ്റും കല്ലുവച്ചനുണകള് പ്രചരിപ്പിച്ച് ജനപിന്തുണ തകര്ക്കാന് സി.പി.എം.ശ്രമിക്കുകയാണെന്ന് ജാഥാക്യാപ്റ്റന് പി.എസ്.ശ്രീധരന്പിളള ആരോപിച്ചു. ഭിന്നിപ്പിച്ച് ഭരിക്കാനും മുതലെടുക്കാനുമുളള ശ്രമമാണത്. കഴിഞ്ഞ വര്ഷം മെക്കയില് 23 ലക്ഷവും വത്തിക്കാനില് 40 ലക്ഷവും തീര്ത്ഥാടകരെത്തിയെന്നാണ് കണക്കുകള്. അതേസമയം ശബരിമലയിലെത്തിയത് 5.14 കോടി ഭക്തരാണ്. ലോകത്തിലെ ഏ?റ്റവും വലിയ തീര്ത്ഥാടനകേന്ദ്രത്തെ തകര്ക്കാന് അനുവദിക്കില്ലെന്നും ശ്രീധരന്പിളള പറഞ്ഞു.
"
https://www.facebook.com/Malayalivartha
