മോഹന്ലാലില് പ്രതീക്ഷയുണ്ടായിരുന്നു. എന്നാല് അത് അസ്ഥാനത്തായി. മോഹന്ലാല് അല്പ്പം കൂടി ഉത്തരവാദിത്വം കാണിക്കണം; എ.എം.എം.എ പ്രസിഡന്റ് മോഹന്ലാലിനെതിരേ രൂക്ഷ വിമര്ശനവുമായി സംസ്ഥാന വനിതാ കമ്മീഷന് അധ്യക്ഷ എം.സി ജോസഫൈന്.
എ.എം.എം.എ പ്രസിഡന്റ് മോഹന്ലാലിനെതിരേ രൂക്ഷ വിമര്ശനവുമായി സംസ്ഥാന വനിതാ കമ്മീഷന് അധ്യക്ഷ എം.സി ജോസഫൈന്. അമ്മയുടെ പ്രസിഡന്റ് സ്ഥാനത്തേക്ക് മോഹന്ലാല് വന്നപ്പോള് പ്രതീക്ഷ ഉണ്ടായിരുന്നെന്നും എന്നാല് അദ്ദേഹം നിരാശനാക്കിയെന്നും വനിതാ കമ്മീഷന് അധ്യക്ഷ എം.സി ജോസഫൈന് ആഞ്ഞടിച്ചു.എ.എം.എം.എയുടെ നിലപാടിനെ അതിശക്തമായി വിമര്ശിച്ച് ഡബ്ല്യൂ.സി.സി അംഗങ്ങള് രംഗത്ത് വന്നതിന്റെ പശ്ചാത്തലത്തിലാണ് മോഹൻലാലിനെതിരെ ജോസഫൈനിന്റെ വിമർശനം .
മോഹന്ലാലില് പ്രതീക്ഷയുണ്ടായിരുന്നു. എന്നാല് അത് അസ്ഥാനത്തായി. മോഹന്ലാല് അല്പ്പം കൂടി ഉത്തരവാദിത്വം കാണിക്കണം, ആരാധകരെ നിലയ്ക്ക് നിര്ത്തണം. നടിമാര്ക്കെതിരേ അവഹേളനം പാടില്ലെന്ന് മോഹന്ലാല് ഉള്പ്പെടെയുള്ളവര് പറയണം -ജോസഫൈന് പറഞ്ഞു
നടി ആക്രമിക്കപ്പെട്ട സംഭവത്തില് എ.എം.എം.എ പക്ഷപാതകരമായ നിലപാട് സ്വീകരിക്കുന്നുവെന്ന് ഡബ്ല്യൂ.സി.സി കുറ്റപ്പെടുത്തി. ആക്രമണത്തെ അതിജീവിച്ച നടിക്കൊപ്പം നില്ക്കാതെ വേട്ടക്കാരനൊപ്പം നില്ക്കുന്ന സംഘടനയുടെ നിലപാടിനെ ഡബ്ല്യൂ.സി.സി അംഗങ്ങള് ചോദ്യം ചെയ്തു.
അതേസമയം, സംഭവത്തിൽ ദിലീപ് നിരപരാധിയോ അപരാധിയോ എന്ന് കരുതുന്നില്ലെന്ന് നടീനടന്മാരുടെ സംഘടനയായ അസോസിയേഷന് ഓഫ് മലയാളം മൂവി ആര്ട്ടിസ്റ്റ് (അമ്മ) അറിയിച്ചു. കോടതി വിധിക്കും വരെ ദിലീപ് നിരപരാധിയാണെന്നും ആക്രമിക്കപ്പെട്ട നടിക്ക് നീതി ലഭിക്കുകയാണെന്ന് തങ്ങളുടെ ലക്ഷ്യമെന്നും താരസംഘടന വ്യക്തമാക്കി. മോഹന്ലാലിന്റെ തലയില് മാത്രം ആരോപണം വെച്ച് കെട്ടരുതെന്നും എല്ലാ തീരുമാനവും എക്സിക്യൂട്ടീവ് കമ്മിറ്റിയുടേതാണെന്നും സംഘടന പറയുന്നു.
https://www.facebook.com/Malayalivartha