ഡബ്ള്യൂ.സി.സിക്കെതിരെ യാതൊരുവിധ നീക്ക്പോക്കും വേണ്ടെന്ന് അമ്മ, മീ ടുവിനെ തകര്ക്കാനും സെറ്റുകളിലും മറ്റും മോശമായി പെരുമാറിയിട്ടുള്ള നടിമാരെ കുറിച്ച് അമ്മയിലെ ചില നടിമാര് തന്നെ വെളിപ്പെടുത്തല് നടത്താനും അണിയറയില് നീക്കം ശക്തം
വിമന് ഇന് കളക്ടീവിനെതിരെയും അമ്മയില് നിന്ന് സംഘടനയ്ക്കെതിരെ തിരിഞ്ഞ നടിമാര്ക്കെതിരെയും നിലപാട് ശക്തമാക്കാന് തീരുമാനം. രാവിലെ സിദ്ധിഖ് വിളിച്ച് ചേര്ത്ത വാര്ത്താസമ്മേളനത്തിലാണ് ഇക്കാര്യം വ്യക്തമായത്. പ്രസിഡന്റ് മോഹന്ലാല് നടിമാര് എന്ന് സംബോധന ചെയ്തതിനെ വിവാദമാക്കി വാര്ത്താസമ്മേളനം നടത്തിയത് ശരിയല്ല. അവരോട് വിശദീകരണം തേടിയ ശേഷം നടപടിയുണ്ടാകുമെന്നും സിദ്ധിഖ് അറിയിച്ചു. അതോടൊപ്പം മീ ടൂ ക്യാമ്പയിന് തടയിടുന്നതിനുള്ള ശക്തമായ നീക്കവും അമ്മ ഉള്പ്പെടെയുള്ള എല്ലാ സിനിമാ സംഘടനകളും എടുക്കുമെന്നും സിദ്ധിഖ് വ്യക്തമാക്കി.
കഴിഞ്ഞ ദിവസം രേവതി ഉന്നയിച്ച ആരോപണം ഇന്ഡസ്ട്രീയെ ഒന്നാകെ ഞെട്ടിച്ചിരിക്കുകയാണ്. രേവതി അഭിനയിച്ച ഒരു സിനിമയിലെ നടനെതിരെയാണ് ഈ ആരോപണമെന്ന് പലര്ക്കും അറിയാം. അതിനാല് നടനുമായി അടുത്തബന്ധമുള്ള ഒരാള് രേവതിയുമായി അടുപ്പമുള്ള സംവിധായകന് വഴി അനുരഞ്ജന നീക്കം നടത്തിയതായി അറിയുന്നു. അതിനേ തുടര്ന്നാണ് രേവതി നിലപാട് മയപ്പെടുത്തിയതെന്നും സൂചനയുണ്ട്. പ്രസിഡന്റിനെതിരെ തിരിഞ്ഞതോടെ സംഘടനയെ തന്നെ തകര്ക്കാനുള്ള നീക്കമാണിതെന്ന് അമ്മ കരുതുന്നു. അതുകൊണ്ട് ഈ നടിമാരെയും വിമന് ഇന് കളക്ടീവിലെ അംഗങ്ങളെയും ഇന്ഡസ്ട്രിയില് നിന്ന് തെന്ന തുടച്ച് നീക്കാനാണ് നീക്കം.
അതേസമയം ആക്രമണത്തിനിരയായ നടി ഉള്പ്പെടെ രാവിവെച്ച നാല് പേരും ക്ഷമചോദിച്ച ശേഷം സംഘടനയിലേക്ക് തിരിച്ച് വരണമെന്ന കെ.പി.എ.സി ലളിതയുടെ പ്രസ്താവന ഏറെ വിവാദമായി. ഇത് അവരെ അവഹേളിക്കുന്നതിന് തുല്യമാണെന്ന് സമൂഹമാധ്യമങ്ങളിലടക്കം വിമര്ശനം ഉയര്ന്നുവരുന്നു. ആരുടെയെങ്കിലും ഭാഗത്ത് നിന്ന് മോശം അനുഭവം ഉണ്ടായാല് അപ്പോള് തന്നെ പ്രതികരിക്കണമെന്നും അല്ലാതെ 19 കൊല്ലം കഴിഞ്ഞല്ല പറയേണ്ടതെന്നും സിദ്ധിഖ് വെളിപ്പെടുത്തിയത് കൂടുതല് വെളിപ്പെടുത്തലുകള് ഉണ്ടാകാതിരിക്കാനാണ്. വിമന് ഇന്കളക്ടീവിനെതിരെ അമ്മയിലെ തന്നെ മറ്റ് സ്ത്രീകളെ ഉപയോഗിച്ച് നേരിടാനും തീരുമാനിച്ചിട്ടുണ്ട്. ഷൂട്ടിംഗ് സെറ്റുകളില് കൃത്യസമയം പാലിക്കാത്ത വിമന് ഇന് കളക്ടീവ് നടിമാരെ കുറിച്ചും അനാവശ്യ തര്ക്കങ്ങള് ഉണ്ടാക്കിയവരെ കുറിച്ചുമുള്ള വെളിപ്പെടുത്തലുകള് നടിമാര് തന്നെ താമസിക്കാതെ ഉണ്ടാകുമെന്നാണ് അറിയുന്നത്.
https://www.facebook.com/Malayalivartha