എൻഡിഎയുടെ നേതൃത്വത്തിൽ നടന്ന ശബരിമല സംരക്ഷണ യാത്രയിൽ തുറന്നടിച്ച് വിശ്വാസികൾ. യുവതി പ്രവേശന വിഷയത്തിൽ ഹൈന്ദവർ ഒരുമിച്ച് പ്രവർത്തിക്കണമെന്നും അതിനുള്ള സമയം അതിക്രമിച്ചു എന്നും അയ്യപ്പ ഭക്തർ.

ഓരോ ദിവസം കഴിയുമ്പോളും അയ്യപ്പ ഭക്തർക്ക് നേരെയുള്ള അതിക്രമങ്ങൾ വർധിച്ചു വരുന്നെന്നും അതിനാൽ തന്നെ ഹൈന്ദവർ ഒറ്റകെട്ടായി നിൽക്കണമെന്നും, പ്രവർത്തിക്കണമെന്നും വിശ്വാസികൾ പറയുന്നു. അതേസമയം ശബരിമല പ്രവേശനത്തിൽ ആരെയും വിലക്കിയിട്ടില്ലെന്നും ആചാരാനുഷ്ഠാനങ്ങൾ കളങ്കപ്പെടുത്താൻ ആരെയും അനുവദിക്കുകയില്ലെന്നും എന്തുവില കൊടുത്തും അത് തടയുമെന്നും ഭക്തർ പറയുന്നു.

ബിജെപി അഖിലേന്ത്യാ സെക്രട്ടറി മുരളീധർ റാവുവിന്റെ നേതൃത്വത്തിൽ ഭരണ സിരാകേന്ദ്രമായ സെക്രട്ടറിയേറ്റിൽ അവസാനിച്ച സംരക്ഷണ യാത്രയിൽ പ്രവർത്തകരുടെ പ്രതിഷേധ ജ്വാലയാണ് കത്തി പടർന്നത് .