എപ്പോഴും സിനിമാക്കാരുടെ ചൊല്‍പ്പിടിയിലുള്ള എറണാകുളത്തെ രണ്ടു ഗുണ്ടാ തലവന്മാര്‍ പ്രശ്‌നത്തിലിടപെട്ട് നടിമാരെ ഭയപ്പെടുത്തുന്നു; പൊട്ടിത്തെറിയില്‍ കൂടുതല്‍ വെളിപ്പെടുത്തലുകള്‍
ആയിരത്തി തൊള്ളായിരത്തി തൊണ്ണൂറ്റിമൂന്നില്‍ പുറത്തിറങ്ങിയ ദേവാസുരം സിനിമയെയാണ് 25 വര്‍ഷം മുന്‍പത്തെ സംഭവമെന്ന് രേവതി സൂചിപ്പിക്കുന്ന സിനിമയെന്ന് ഒരു വിഭാഗം സിനിമാ പ്രവര്‍ത്തകര്‍ പറയുന്നു.
ഡബ്ല്യു.സി.സി. കഴിഞ്ഞ ദിവസം നടത്തിയ വാര്‍ത്താ സമ്മേളനത്തെ തുടര്‍ന്ന് പ്രമുഖ നിര്‍മ്മാതാവിന്റെയും, എറണാകുളത്തെ സംവിധായകന്റെയും നേതൃത്വത്തില്‍ രേവതിയുമായി അനുരജ്ഞന ചര്‍ച്ചകള്‍ നടന്നുവെന്നും മറ്റു വിശദാംശങ്ങള്‍ ഇനി പുറത്തുപറയില്ല എന്ന ഉറപ്പും ലഭിച്ചെന്ന് ആ മേഖലയിലെ പ്രമുഖന്‍ വെളിപ്പെടുത്തിയത് അമ്മയിലെ പോരിനിടയില്‍ പരസ്യമായി. മീ..ടൂ.. പേടിയില്‍ പതറാതെ തുനിഞ്ഞിറങ്ങിയ നടികളെ തിരിച്ചടിച്ച് തളര്‍ത്താനാണ് ഒരു വിഭാഗം ശ്രമിക്കുന്നത്. ഈ നീക്കത്തോട് തനിക്ക് യോജിപ്പില്ലെന്ന് മമ്മൂട്ടി ബന്ധപ്പെട്ടവരെ അറിയിച്ചുകഴിഞ്ഞു. ദിലീപിന്റെ പ്രേരണയില്‍ സിദ്ദിഖാണ് ആക്രമണത്തിനു നേതൃത്വം നല്‍കുന്നത്. അമ്മ പ്രസിഡന്റ് മോഹന്‍ലാലിനെയും ദിലീപനുകൂലികള്‍ കൂടെക്കൂട്ടി.
ഇതിനിടയില്‍ പ്രിഥ്വിരാജിന്റെ നേതൃത്വത്തില്‍ ഒരു കൂട്ടം യുവനട•ാര്‍ തങ്ങളുടെ പിന്തുണ പാര്‍വ്വതിയെ അറിയിച്ചു കഴിഞ്ഞു. സിനിമാ മേഖലയിലെ പല നടിമാരുടെയും മൊബൈല്‍ ക്ലിപ്പുകള്‍ പുറത്തുവിടുമെന്ന ഭീഷണി തരം താഴ്ന്നതെന്ന് മാക്ടാ നേതാക്കള്‍ പറഞ്ഞു.
രേവതിയുടെയും, പാര്‍വതിയുടെയും നാവടപ്പിക്കുന്ന തന്ത്രങ്ങള്‍ തങ്ങളുടെ കൈയ്യില്‍ ഉണ്ടെന്ന് ഒരു വിഭാഗം പറയുന്നു. ഡബ്ല്യു. സി. സി. അംഗങ്ങള്‍ തങ്ങള്‍ക്കു സിനിമ കിട്ടാന്‍ ബ്ലാക്‌മെയില്‍ തന്ത്രമാണ് പയറ്റുന്നതെന്ന് അമ്മ ഭാരവാഹികള്‍ പറയുന്നു. എപ്പോഴും സിനിമാക്കാരുടെ ചൊല്‍പ്പിടിയിലുള്ള എറണാകുളത്തെ രണ്ടു ഗുണ്ടാ തലവ•ാര്‍ പ്രശ്‌നത്തിലിടപെട്ടത് നടിമാരെ ഭയപ്പെടുത്തുന്നു. മഞ്ചുവാര്യരുടെ പിന്തുണയില്ലായ്മ, അവസരങ്ങള്‍ക്കുവേണ്ടി അമ്മയിലെ നട•ാരുടെ കൂടെ കൂടിയിരിക്കുന്ന ചില നടികളുടെ കമന്റുകള്‍ തുടങ്ങി നിരവധി ഘടകങ്ങള്‍ ഡബ്ല്യു.സി.സി. അംഗങ്ങളെ കുഴയ്ക്കുന്നു. കെ.പി.എ.സി. ലളിതയെപ്പോലുള്ള സീനിയര്‍ നടികളുടെ പിന്തുണയില്ലായ്മ ഡബ്ല്യു.സി.സി.യെ തളര്‍ത്തുന്നു.ഡബ്ല്യു.സി.സി. അംഗങ്ങളുടെ ചില ടെലഫോണ്‍ സംഭാഷണങ്ങള്‍ പുറത്തുവിട്ട് ഇവരൊക്കെ വിളഞ്ഞ വിത്തുകളാണെന്ന് വരുത്തി തീര്‍ക്കുമെന്നും ചിലര്‍ പറയുന്നു.
മീ...ടൂ എന്ന ഓലപ്പാമ്പു കാട്ടിയാല്‍ പേടിക്കേണ്ടെന്നും തിരിച്ചു പേടിപ്പിച്ചാല്‍ ഓടിക്കോളും എന്നുമാണ് സിദ്ദിഖിന്റെ നിലപാട്. മുകേഷിന്റെയും, ഇന്നസെന്റിന്റെയും സര്‍ക്കാരിലുള്ള സ്വാധീനം കാര്യങ്ങളെ തങ്ങള്‍ക്കനുകൂലമാക്കാന്‍ സഹായിക്കും എന്നാണത്രെ അമ്മ ഭാരവാഹികളുടെ കണക്കുകൂട്ടല്‍.
സൂചിപ്പിച്ച സിനിമ ദേവാസുരമാണോ എന്ന് ചോദിച്ചവരോട് ഇപ്പോള്‍ കൂടുതലൊന്നും പറയുന്നില്ല എന്നാണ് രേവതിയുടെ നിലപാട്. രേവതിക്കെതിരെ കേസെടുത്ത പോലീസ,് വിശദാംശങ്ങള്‍ നിര്‍ബന്ധമായും തിരക്കുമെന്നറിയുന്നു.
https://www.facebook.com/Malayalivartha
