കെ.എസ്.ആര്.ടി.സി.ബസ് സ്റ്റേഷനുകളിലെ റിസര്വേഷന് കൗണ്ടറുകളുടെ ചുമതല ഇന്നു മുതല് കുടുംബശ്രീ വനിതകള്ക്ക്
കെ.എസ്.ആര്.ടി.സി. ബസ് സ്റ്റേഷനുകളിലെ റിസര്േവഷന് കൗണ്ടറുകളുടെ ചുമതല ഇന്നു മുതല് കുടുംബശ്രീക്കാണെന്ന ഉത്തരവ് ഇന്നലെ പുറത്തിറങ്ങി. കോര്പ്പറേഷനിലെ മിനിസ്റ്റീരിയല് ജീവനക്കാരാണ് ഇപ്പോള് റിസര്വേഷന് കൗണ്ടറുകളില് ജോലിചെയ്യുന്നത്. ഇവരെ ക്യാഷ് കൗണ്ടറിലേക്കു മാറ്റിയാണു റിസര്വേഷന് ചുമതല കുടുംബശ്രീയെ ഏല്പ്പിക്കുന്നത്.
ഇന്നു രാവിലെ ആറു മുതല് കുടുംബശ്രീ വനിതകള് ജോലിയില് കയറും. തൊഴിലാളി സംഘടനകള് ചുമതലയേല്ക്കാന് വരുന്ന കുടുംബശ്രീക്കാരെ തടയുമെന്നു അറിയിച്ചിട്ടുണ്ട്. ആദ്യഘട്ടത്തില് 24 റിസര്വേഷന് സെന്ററുകളുടെ പ്രവര്ത്തനമാണു കുടുംബശ്രീ ഏറ്റെടുക്കുന്നത്.
നൂറോളം വനിതകള് ഇന്നു ചുമതലയേല്ക്കും. ടോപ് അപ്പ് റീ ചാര്ജ് മാതൃകയില് നേരത്തെ പണമടച്ചു ടിക്കറ്റ് വാങ്ങിയാണു കുടുംബശ്രീ വില്പ്പന നടത്തുക. ഓരോ ടിക്കറ്റിലും 4.5% കമ്മീഷന് ലഭിക്കും. ല്ലാ ഡിപ്പോകളിലും കുടുംബശ്രീയുമായി ചേര്ന്നു ടിക്കറ്റ് റിസര്വേഷന് ആരംഭിക്കാനാണ് കെ.എസ്.ആര്.ടി.സിയുടെ തീരുമാനം.
https://www.facebook.com/Malayalivartha
