ശബരിമലയില് പോകുന്ന വിശ്വാസികളുടെ വാഹനം തടഞ്ഞവര്ക്കെതിരെ കര്ശന നടപടിയുണ്ടാകുമെന്ന് മുഖ്യമന്ത്രി പിണറായി വിജയന് വ്യക്തമാക്കി, നിയമം കയ്യിലെടുക്കരുത്, അയ്യപ്പക്തര് ശാന്തരായി പോയാണ് ദര്ശനം നടത്തുന്നത് അതില് നിന്ന് വ്യത്യസ്തമായ നിലപാട് സ്വീകരിക്കരുത്
ശബരിമലയില് പോകുന്ന വിശ്വാസികളുടെ വാഹനം തടയരുതെന്ന് മുഖ്യമന്ത്രി. നിയമം കയ്യിലെടുക്കാന് ആരേയും അനുവദിക്കില്ല. അങ്ങനെയുണ്ടായാല് കര്ശന നടപടിയെടുക്കും. സര്ക്കാര് സുപ്രീംകോടതി വിധി നടപ്പാക്കും. അയ്യപ്പനെ ദര്ശിക്കാന് പോകുന്നവര് ശാന്തമായി പോയി വരുകയാണ് പതിവ്. അതില് നിന്ന് വ്യത്യസ്തമായ നിലപാട് ഉണ്ടാവാന് പാടില്ല. അങ്ങനെ ഉണ്ടായാല് അത് അനുവദിക്കില്ലെന്നും മുഖ്യമന്ത്രി വ്യക്തമാക്കി. അതേസമയം പുനപ്പരിശോധന ഹര്ജിയുമായി മുന്നോട്ട് പോകില്ല. ദേവസ്വം ബോര്ഡ് പോകുമോ എന്ന് ചോദിച്ചപ്പോള് അക്കാര്യം തീരുമാനിക്കുന്നത് ബോര്ഡാണെന്നും മുഖ്യമന്ത്രി വ്യക്തമാക്കി. സര്ക്കാര് ഹര്ജി നല്കില്ലെന്ന് നേരത്തെ സുപ്രീംകോടതിയെ അറിയിച്ചതാണ്.
മലകയറുന്ന യുവതികളെ വലിച്ച് കീറുമെന്ന് പറഞ്ഞതും ഭരണഘടനയ്ക്കെതിരെ ആക്രോശം നടത്തിയതും ഉത്തരവാദിത്തപ്പെട്ടവരാണ്. അങ്ങനെ ചെയ്യാമോ എന്ന് അവര് ആലോചിക്കട്ടെ. കോടതി വിധിക്കെതിരെ നിയമനിര്മാണം നടത്തില്ല. അക്കാര്യം നേരത്തെ വ്യക്തമാക്കിയിട്ടുള്ളതാണ്. സുപ്രീംകോടതി വിധി നടപ്പാക്കുക എന്നതാണ് സര്ക്കാര് നയം. നിലയ്ക്കലില് വിശ്വാസികള് പോയ വാഹനങ്ങള് പരിശോധിച്ചവര്ക്കെതിരെ കര്ശന നടപടിയുണ്ടാവുമെന്നും മുഖ്യമന്ത്രി വ്യക്തമാക്കി. റിവ്യൂ ഹര്ജി നല്കുമെന്ന് ദേവസ്വംബോര്ഡ് പ്രസിഡന്റ് ആദ്യം വ്യക്തമാക്കിയെങ്കിലും മുഖ്യമന്ത്രി ഇടപെട്ട് നിലപാട് തിരുത്തിച്ചിരുന്നു.
എന്നാല് ഇപ്പോള് ദേവസ്വം ബോര്ഡിന്റെ കാര്യം അവര് തീരുമാനിക്കുമെന്ന് മുഖ്യമന്ത്രി പറഞ്ഞത് ഭക്തരുടെ പ്രതിഷേധം കണക്കിലെടുത്താണ്. റിവ്യൂ ഹര്ജി നല്കിയാലും കോടതി അത് പരിഗണിക്കില്ലെന്നാണ് നിയമവിദഗ്ധര് വിലയിരുത്തുന്നത്. അത് കൂടി മനസിലാക്കിയാണ് സര്ക്കാര് ദേവസ്വം ബോര്ഡിനോട് സ്വതന്ത്രമായനിലപാട് സ്വീകരിക്കാന് നിര്ദ്ദേശം നല്കിയത്. റിവ്യൂ ഹര്ജി നല്കാന് ദേവസ്വംബോര്ഡ് പ്രസിഡന്റിന് ആദ്യം മുതലേ വലിയ താല്പര്യമായിരുന്നു.
https://www.facebook.com/Malayalivartha
