വൈകാരിക വിസ്ഫോടനങ്ങളും, പ്രക്ഷോഭങ്ങളും കേരളം നിറയുമ്പോള് അക്ഷോഭ്യനായി ഒരു മുഖ്യമന്ത്രിയും എതിര്സ്വരങ്ങളില്ലാത്ത മന്ത്രിസഭയും കൂടെ കരുത്തോടെ എല്.ഡി.എഫും
ശബരിമല വിഷയത്തില് ഏറെ പഴികേട്ട കേരള സര്ക്കാരിന്റെ നിലപാടുകളും, നടപടികളും വിലയിരുത്തുകയാണ് രാഷ്ട്രീയ വിശദീകരണ യോഗങ്ങളിലൂടെ സി.പി.എം ലക്ഷ്യമിടുന്നത്.
വൈകാരിക വിസ്ഫോടനങ്ങളും, പ്രക്ഷോഭങ്ങളും കേരളം നിറയുമ്പോള് അക്ഷോഭ്യനായി ഒരു മുഖ്യമന്ത്രിയും എതിര്സ്വരങ്ങളില്ലാത്ത മന്ത്രിസഭയും കൂടെ കരുത്തോടെ എല്.ഡി.എഫും. വിശ്വാസികള്ക്ക് ആചാരങ്ങളുടെ കടക്കല് വീണ ഒരുഗ്രന് വെട്ടാണ് ശബരിമല വിധിയെങ്കില് സര്ക്കാരിന് ഭരണഘടനാപരമായ ബാധ്യതയാണ്.
ആര്.എസ്.എസ്. അനുഭാവിയായ തൃപ്തി ദേശായിയും കൂട്ടരും കുരുക്കിട്ട് വീഴിച്ചിട്ടും പിണറായി വിജയന് പതറാതെ നിന്നു. ഒടുവില് നിലയ്ക്കല്, പ്രക്ഷോഭത്തിന്റെ വക്കിലെത്തി നില്ക്കുമ്പോഴും, ഹൈന്ദവ സംഘടനകളും ബി.ജെ.പിയും സര്ക്കാരിനെ നേര്ക്കുനേര് പോരിനു വിളിക്കുമ്പോള് പിണറായി ഇന്ന് പൊതുസമ്മേളനത്തിലൂടെ മറുപടി നൽകുകയാണ് . പിണറായിയുടെ വാക്കുകള്ക്ക് ജനം കാതോര്ക്കുന്നതും അതുകൊണ്ടു തന്നെ.
സുപ്രീം കോടതിയുടെ ഭരണഘടനാ ബഞ്ച് ഒരു വിധി പുറപ്പെടുവിച്ചാല് അത് രാജ്യത്തെ നിയമമായി മാറും. ഈ നിയമവും വിധിയും പാലിക്കാനായില്ലെങ്കില് സുപ്രീം കോടതിക്ക് നടപടിയെടുക്കാന് രാഷ്ട്രപതിയോടാവശ്യപ്പെടാം. ഒരു നിയമം പാലിക്കാന് കഴിയാത്ത സര്ക്കാരിനെ പിരിച്ചുവിടാനുള്ള അവകാശം രാഷ്ട്രപതിക്കുണ്ട്. അതിനുമുന്പ് രൂക്ഷമായ വിമര്ശനങ്ങളും കോടതിയുടേതായി വന്നേക്കാം. ഇത്തരം വിധി പ്രസ്താവനകള് ഹൈക്കോടതിയിലാണെങ്കില് സംസ്ഥാനത്തും നിയമമായി മാറും. അതുകൊണ്ടു തന്നെയാണ് ജഡ്ജിമാരുടെ കോടതിയിലെ ചെറിയ പരാമര്ശങ്ങള്പോലും വളരെ ഗൗരവത്തോടെ മാധ്യമങ്ങളില് ചര്ച്ചയാകുന്നത്. മുഖ്യമന്ത്രിയും മന്ത്രിമാരും ഗവര്ണറുടെ പ്രീതിക്ക് പാത്രമായി വേണം പ്രവര്ത്തിക്കേണ്ടത്.
ശബരിമല വിഷയത്തില് സര്ക്കാര് സുപ്രീംകോടതിയില് കൈക്കൊണ്ട നിലപാടുകള് വിശ്വാസി സമൂഹത്തിനെതിരല്ലായിരുന്നു. ഈ സര്ക്കാര് നല്കിയ സത്യവാങ്മൂലത്തില് പറഞ്ഞിരുന്നത്, ഹൈന്ദവ ആചാര്യമാരും, തന്ത്രിമാരുമായുള്ള ചര്ച്ചകള്ക്കുശേഷമേ വിധി പുറപ്പെടുവിക്കാവൂ എന്നാണ്. എന്നാല് സുപ്രീം കോടതിവിധി വന്നയുടന് ഭരണഘടനാപരമായ ഉത്തരവാദിത്വം നിറവേറ്റുകയെന്നത് സര്ക്കാരിന്റെ ബാധ്യതയായി. സ്ത്രീ സമത്വത്തെക്കുറിച്ചും, നവോത്ഥാനത്തെക്കുറിച്ചും ഇന്ത്യയൊട്ടുക്ക് മുന്നേറ്റങ്ങള് നടക്കുമ്പോള് അതില് നിന്ന് പിന്തിരിഞ്ഞാല് ദേശീയ മാധ്യമങ്ങളും, സംഘടനകളും വിമര്ശിക്കും. ഇപ്പോള് ഭക്തരുടേതായ വികാര പ്രക്ഷോഭങ്ങള്ക്കു പിന്നില് രാഷ്ട്രീയ താത്പര്യങ്ങളുണ്ടെന്നും സര്ക്കാര് കണക്കുകൂട്ടുന്നു.
വളരെക്കാലത്തെ വാദപ്രതിവാദങ്ങള്ക്കും, പഠനങ്ങള്ക്കും ശേഷമുണ്ടായ കോടതി വിധി സര്ക്കാര് ഏറ്റെടുത്തു നടപ്പാക്കും. എന്നാല് ഏതെങ്കിലും സാചര്യത്തില് മറ്റാരെങ്കിലും നല്കുന്ന റിവ്യൂ ഹര്ജിയില് അനുകൂല തീരുമാനമുണ്ടായാല് അതിനനുസരിച്ചു നീങ്ങുമെന്നും മുഖ്യമന്ത്രി പറയുന്നു. ബി.ജെ.പി യും ആര്.എസ്.എസും രാഷ്ട്രീയ മുതലെടുപ്പിനാണ് ഇപ്പോള് ശ്രമിക്കുന്നത്. അവരുടെ തന്ത്രങ്ങള് വിലപ്പോകില്ലെന്നും പിണറായി വിജയന് കരുതുന്നു.
https://www.facebook.com/Malayalivartha
