ഒരിടവേളയ്ക്കു ശേഷം സോളാർ കേസ് വീണ്ടും ചർച്ചകളിൽ നിറയുന്നതിനിടെയാണ് അന്വേഷണ സംഘത്തിൽ അഴിച്ചുപണി ഉണ്ടായത്. ഐജി ദിനേന്ദ്ര കശ്യപിനെ അന്വേഷണ ചുമതലകളിൽ നിന്ന് നീക്കി. കശ്യപിനു പുറമേ എസ്പി രാജീവിനെയും ഡിവൈഎസ്പി രാധാകൃഷ്ണൃപിള്ളയേയും അന്വേഷണ സംഘത്തിൽ നിന്ന് ഒഴിവാക്കി. എസ്പി അബ്ദുൾ കരീമിനാണ് പുതുതായി അന്വേഷ ചുമതല നൽകിയിരിക്കുന്നത്. ശനിയാഴ്ച, കേ​സി​ലെ പ്ര​തി സ​രി​ത എ​സ്. നാ​യ​രു​ടെ പ​രാ​തി​യു​ടെ അ​ടി​സ്ഥാ​ന​ത്തി​ൽ മു​ൻ മു​ഖ്യ​മ​ന്ത്രി ഉ​മ്മ​ൻ ചാ​ണ്ടി​യ്ക്കെ​തി​രെ പ്ര​കൃതി​വി​രു​ദ്ധ ലൈം​ഗീ​ക പീ​ഡ​ന​ത്തി​നു കേ​സെ​ടു​ത്തിരുന്നു.

മു​ന്‍ കേ​ന്ദ്ര​മ​ന്ത്രി​യും എം​പി​യു​മാ​യ കെ.​സി വേ​ണു​ഗോ​പാ​ലി​നെ​തി​രെയും ബ​ലാ​ത്സം​ഗ​ത്തി​നു കേ​സെ​ടു​ത്തു.‌ ക്രൈം​ബ്രാ​ഞ്ചാ​ണ് ഇ​രു​വ​ർ​ക്കെ​തി​രെ​യും കേ​സെ​ടു​ത്ത​ത്. ഡി​ജി​പി അ​നി​ൽ കാ​ന്തി​ന് സ​രി​ത ക​ഴി​ഞ്ഞ ആ​ഴ്ച ന​ൽ​കി​യ പു​തി​യ ര​ണ്ട് പ​രാ​തിക​ളി​ലാ​ണ് എ​ഐ​സി​സി ജ​ന​റ​ൽ സെ​ക്ര​ട്ട​റി​മാ​രാ​യ ഉ​മ്മ​ൻ​ചാ​ണ്ടിക്കും കെ.​സി.​വേ​ണു​ഗോ​പാലിനുമെതിരെ കേസെടുത്തത്. നേരത്തെ പരാതിയില്‍ പറഞ്ഞിരുന്ന ആര്യാടന്‍ മുഹമ്മദ്, എ.പി. അനില്‍ കുമാര്‍, അടൂര്‍ പ്രകാശ്, ആര്യാടന്‍ മുഹമ്മദിന്റെ പേഴ്സണല്‍ സ്റ്റാഫ് അംഗം നസറുള്ള, കോണ്‍ഗ്രസ് നേതാവ് എന്‍. സുബ്രഹ്മണ്യം, ബഷീര്‍ അലി തങ്ങള്‍ എന്നിവര്‍ക്കെതിരെ പ്രത്യേകം പരാതി വൈകാതെ നല്‍കുമെന്നാണ് വിവരം.