പ്രധാനമന്ത്രി പറയുന്നത് പോലും നടക്കുന്നില്ലെന്ന് മുഖ്യമന്ത്രിയുടെ രൂക്ഷവിമര്ശനം, മന്ത്രിമാര്ക്ക് സന്ദര്ശനാനുമതി നിഷേധിച്ചത് എന്തിന്റെ അടിസ്ഥാനത്തില്? വിദേശത്ത് പോയത് യാചിക്കാനല്ല, സഹോദരങ്ങളെ കാണാനാണ്, കേരളത്തോട് കേന്ദ്രം മുട്ടാപോക്ക് നയം സ്വീകരിക്കുന്നു
പ്രളയ ദുരിതാശ്വാസ സഹായത്തിന്റെ കാര്യത്തില് കേന്ദ്രം കേരളത്തിനെതിരായ നിലപാടാണ് സ്വീകരിക്കുന്നതെന്ന് മുഖ്യമന്ത്രി പിണറായി വിജയന് ആരോപിച്ചു. ഈ തെറ്റായ സമീപനത്തെ മാധ്യമങ്ങള് തുറന്ന് കാണിക്കണം. നമ്മുടെ നാടിനൊപ്പം നില്ക്കണം. കേരളത്തോട് പ്രത്യേക നിലപാട് സ്വീകരിക്കുന്നു. ബി.ജെ.പി പറയുന്നത് പോലെ യാചിക്കാനല്ല പോയത്. നമ്മുടെ സഹോദരങ്ങളുടെ സഹായം സ്വീകരിക്കാനാണ് പോയത്.
എന്ത് അടിസ്ഥാനത്തിലാണ് മന്ത്രിമാര്ക്ക് സന്ദര്ശനം വിലക്കിയത്. യാത്രക്ക് പ്രധാനമന്ത്രി ആദ്യം അനുകൂലനിലപാടാണ് സ്വീകരിച്ചത്. അത് പോലും നടപ്പാകുന്ന സ്ഥിതിയല്ല ഉള്ളത്. കേരളത്തോട് കേന്ദ്രം മുട്ടാപോക്ക് നയമാണ് സ്വീകരിക്കുന്നത്. ആരുടെയും സഹായം വാങ്ങരുതെന്ന് ഉത്തരവിട്ട കേന്ദ്രസര്ക്കാര് സഹായം ആരെങ്കിലും ഇങ്ങോട്ട് തന്നാല് വാങ്ങാമെന്നും പറഞ്ഞു. എന്നിട്ടും യു.എ.ഇ നല്കാമെന്ന് പറഞ്ഞ സഹായം നമുക്ക് വാങ്ങാനായില്ലെന്നും മുഖ്യമന്ത്രി ഓര്മിപ്പിച്ചു.
യുഎ.ഇ സന്ദര്ശനം വന് വിജയമായിരുന്നെന്നും മുഖ്യമന്ത്രി പറഞ്ഞു. പ്രവാസികളും അവിടുത്തെ ഭരണാധികാരികളും നമ്മളോട് കാണിക്കുന്ന താല്പര്യം നേരിട്ട് മനസിലാക്കാനായി. മന്ത്രിമാരുടെ യാത്ര മുടക്കുമെന്ന് സംസ്ഥാനത്തെ ചില ബി.ജെ.പി നേതാക്കള് വീമ്പ് മുഴക്കിയിരുന്നു. കേരളത്തിന്റെ പുരോഗതിയിലും വളര്ച്ചയിലും യാതൊരു പങ്കും വഹിക്കാത്തവരാണ് ബി.ജെ.പിക്കാര്. കേന്ദ്രസഹായം കേരളത്തിന് ലഭിക്കാതിരിക്കാനും അവര് ശ്രമിക്കുന്നു. കേരളം വളരുന്നതില് അവര്ക്ക് താല്പര്യമില്ല. വെള്ളിയാഴ്ചയായിരുന്നിട്ടും യു.എ.ഇ അധികൃതര് എന്നെ കാണാനും കേരളത്തിന്റെ പ്രശ്നങ്ങള് കേള്ക്കാനും തയ്യാറായി. എന്നാല് ബി.ജെ.പി നാടിനെ തകര്ക്കുന്ന സമീപനമാണ് സ്വീകരിച്ചത്.
https://www.facebook.com/Malayalivartha
