ശബരിമല ദർശനത്തിന് മാലയിട്ട് വൃതം മെടുത്ത് പുനലൂർ സ്വദേശിനി. വെട്ടിത്തിട്ട രോഹിണിയിൽ കമലിന്റെ ഭാര്യ ധന്യ വിജയനാണ് അയ്യപ്പദർശനത്തിന് തയ്യാറെടുക്കുന്നത്. പുനലൂർ പുതിയിടം ശ്രീകൃഷ്ണസ്വാമി ക്ഷേത്രത്തിൽ നിന്നുമാണ് മാലയിട്ട് മല ചവിട്ടാൻ ധന്യ വിജയൻ വൃതമാരംഭിച്ചിരിക്കുന്നത്.

ബാംഗ്ലൂരിലെ കമ്പ്യൂട്ടർ സയൻസ് വിദ്യാർത്ഥിനിയായ ധന്യ 3 വയസുള്ള മകനെയും കൂട്ടിയാണ് മല കയറാനൊരുങ്ങുന്നത്. കുട്ടിക്കാലത്ത് ശബരിമല ദർശനം നടത്തിയിരുന്നെങ്കിലും ആചാരങ്ങളുടെ ഭാഗമായാണ് പിന്നീട് പോകാൻ കഴിയാതിരുന്നത്. യുവതീ പ്രവേശനത്തിനുള്ള സുപ്രിം കോടതിയുടെ അന്നുകൂല വിധിയുടെ പശ്ചാത്തലത്തിലാണ് വീണ്ടും മലകയാൻ ധന്യഒരുങ്ങുന്നത്.ഒരു മാസത്തെ വൃതം നോറ്റ് വൃശ്ചികം ഒന്നിന് പടി ചവിട്ടാനാണ് തീരുമാനം. തന്റെ തീരുമാനം ആരോടുമുള്ള വെല്ലുവിളിയായില്ലെന്നും ആരാധന സ്വാതന്ത്ര്യമുപയോഗിക്കാനുംതത്വമസി വാക്യത്തിലുള്ള സന്ദേശമുൾക്കൊണ്ടാണ് മല കയറാർ തീരുമാനിച്ചതെന്നും ധന്യപറയുന്നു. സർക്കാർ പിന്തുണ ലഭിക്കുമെന്നാണ് വിശ്വാസമെന്നും ഇവർ പറയുന്നു.