കന്യാകാത്വം നിര്‍വഹിക്കുന്നതില്‍ മുലകള്‍ക്ക് വലിയ പങ്കുണ്ടെന്ന് പണ്ട് മുതലേയുള്ള പ്രചരണത്തില്‍ എന്തെങ്കിലും കഴമ്പുണ്ടോ? പല രീതിയിലുള്ള സംശയങ്ങളും ഉയര്‍ന്ന് വന്നിട്ടുണ്ട്. പലരും പലരെയും സംശയിച്ചിട്ടുമുണ്ട്. എന്നാല്‍ യാഥാര്‍ത്ഥ്യമെന്തെന്ന് വനിതാ ഡോക്ടര്‍ വീണ ജെ.എസ് തന്റെ അനുഭവത്തിലൂടെയും പഠനങ്ങളിലൂടെയും വ്യക്തമാക്കുന്നു...

മെഡിസിന് പഠിക്കുന്ന സമയത്ത് കന്യകകളെ എങ്ങനെ തിരിച്ചറിയാം എന്ന ഭാഗം പഠിച്ചപ്പോള്‍ ആദ്യം ചെയ്തതും കണ്ണാടി ശരണം ആയിരുന്നു. ആണ്‍പിള്ളേരെ പോലെ മുണ്ടഴിച്ചു കൂട്ടുകാരനെ കാണിച്ച് 'അളിയാ കൊള്ളാമോ' എന്ന് ചോദിക്കാനുള്ള ധൈര്യം ഒരു ആവറേജ് മലയാളിപെണ്‍കുട്ടിക്ക് ഉണ്ടാവില്ല എന്നറിയാമല്ലോ അല്ലേ? ടെക്സ്റ്റില്‍ പറഞ്ഞിരിക്കുന്ന പോലെ വടിവൊത്ത മുലകള്‍ ആണെന്ന സന്തോഷത്തില്‍ മുന്നേറി ! എന്നാല്‍ അന്ന് മുതല്‍ മുലനോട്ടം ശക്തമാക്കി. Every single breast was different അതായത് ഒരാളുടെ രണ്ടു മുലകള്‍ പോലും പരസ്പരം വ്യത്യസ്തമാണ്. (നാലുമല ചേരും നാലുമുല ചേരില്ല എന്നത് വേഗം മാറ്റി കണ്ടം വഴി ഓടാന്‍ നോക്കിന്‍ !)

താഴെ കൊടുത്ത മറ്റൊരു ചിത്രത്തില്‍ ഉള്ളത് ഒരു മെഡിക്കല്‍ പുസ്തകത്തില്‍ നിന്നുള്ള ഭാഗമാണ്. നിരന്തരം ഹാന്‍ഡില്‍/കൈകാര്യം ചെയ്താല്‍ മാത്രേ മുലകളുടെ ഷേപ്പ് മാറൂ, അതിനാല്‍ കന്യകാത്വം നിര്‍വചിക്കുന്നതില്‍ മുലകള്‍ക്ക് കാര്യമില്ല എന്നാണ് ടെക്സ്റ്റ് പറയുന്നത്. എന്നാ പിന്നെ ഈ തിയറി ഉപേക്ഷിച്ചുകൂടെ?

പക്ഷെ, ഒറ്റ ചോദ്യമേ ഉള്ളൂ. ഈ പറഞ്ഞ ഹാന്‍ഡ്‌ലിങ് സെക്‌സില്‍ മാത്രമേ നടക്കുള്ളോ? 
ഹാന്‍ഡ്‌ലിങ്/കൈകാര്യം ചെയ്യല്‍. അതിന് മറ്റൊരാള്‍ ഉണ്ടായേ തീരുള്ളോ!!!! സ്വന്തം ഹാന്‍ഡ്‌ലിങ് ചെയ്താല്‍ കന്യക അല്ലാതെ ആവുമോ? ഓടുക ചാടുക എന്നിവ ഹാന്‍ഡ്‌ലിങ്ല്‍ പെടില്ലേ !!! 
എന്തൊക്കെയാണ് മറ്റ് സാഹചര്യങ്ങള്‍.

1. കൊഴുപ്പടിയല്‍. സ്തനങ്ങളില്‍ ഭൂരിഭാഗവും കൊഴുപ്പ് കോശങ്ങള്‍ ആണ്. കൗമാരത്തില്‍ നിന്നും പ്രായം കൂടുമ്പോള്‍ അതിന്റെ അളവ് കൂടും. അതോടെ ഈ പറഞ്ഞ വലാശുെവലൃശരമഹ, ൃീൗിറ ഷേപ്പ് ഒന്നും ഉണ്ടാവില്ല. അല്ലെങ്കിലും ഈ ഷേപ് ഉണ്ടാവണം എന്നില്ല. അതെല്ലാം ഓരോ ശരീരത്തെയും അനുസരിച്ചു വ്യത്യസ്തമാണ് . ഭക്ഷണം, ഓട്ടം, ചാട്ടം, wrong sized    ബ്രാ എന്നിവ തൊട്ടു ഈ പറഞ്ഞ സ്വയമോ അല്ല സെക്‌സോ വഴിയുള്ള ഏതൊരു ഹാന്‍ഡ്‌ലിങ്ങും സ്തനങ്ങളുടെ ഷേപ്പിനെ ബാധിക്കാം. ഇതൊന്നും ഇല്ലെങ്കിലും ഷേപ് മാറാം.

2 ബ്രാ ഇട്ടത് കൊണ്ട് ഷേപ്പ് നിലനിര്‍ത്തപ്പെടുമോ? ഇല്ലാ. ബ്രാ എന്നത്  breast സപ്പോർട്ട് ആണ്. Breast pain  ഉണ്ടെങ്കില്‍ അതില്‍ നിന്നും കുറെയൊക്കെ സംരക്ഷണം നല്‍കാന്‍ ബ്രായ്ക്ക് കഴിയും. ബ്രാ ഇട്ടത് കൊണ്ട് സ്തനങ്ങള്‍ തൂങ്ങാതിരിക്കില്ല, ഷേപ്പ് നിലനിര്‍ത്തപ്പെടില്ല. അതിന്  chest-back-arm-tummy-side വ്യായാമങ്ങള്‍ must ആണ്. എന്തൊക്കെ exercise ചെയ്താലും തടി കുറയാത്തവര്‍ ഉണ്ടാവും. ശരീരത്തിലെ കൊഴുപ്പ് ഹാനികരമാകാതിരിക്കുക എന്നത് മാത്രമാണ് ഡയറ്റിന്റെയും വ്യായാമത്തിന്റെയും ലക്ഷ്യം ആവേണ്ടത്. വ്യായാമത്തിന് ശാരീരികവും മാനസികവുമായ ഗുണങ്ങള്‍ ഉണ്ട്.

3 ബ്രാ  sizing പോലും മര്യാദക്ക് സ്ത്രീകൾക്കിവിടെ ലാഭ്യമാകുന്നുണ്ടോ !! Study result താഴെ ഉണ്ട്. എഴുപത് ശതമാനം സ്ത്രീകളും tight ആയ ചെറിയ ബ്രാകള്‍ ആണ് ധരിക്കുന്നത്. പലരും വിചാരിക്കും പോലെ ആരേലും കൈവെച്ചിട്ടൊന്നും വേണ്ട ഷേപ്പ് മാറാന്‍ !! ഗര്‍ഭാവസ്ഥയിലും പ്രസവശേഷവും സ്തനവളര്‍ച്ച കാരണം  size മാറിയേക്കാം. ആ സമയങ്ങളില്‍ അളവ് മാറി ബ്രാ ഉപയോഗിക്കേണ്ടതാണ്. പ്രസവശേഷമുള്ള പാലുല്പാദനസമയങ്ങളില്‍ ഇക്കാര്യം ശ്രദ്ധിച്ചില്ലെങ്കില്‍ പാല് കെട്ടിക്കിടക്കല്‍, തുടര്‍ന്നുള്ള ഇന്‍ഫെക്ഷന്‍ എന്നിവക്ക് കാരണമാകാം. തെറ്റായ സൈസ് ഉള്ള ബ്രാ പലരിലും നെഞ്ചുവേദനക്ക്, പിരിമുറുക്കത്തിന് കാരണമായേക്കാം

കൃത്യമായ വ്യായാമത്തിലൂടെ ശരീരത്തിന്റെ വടിവുകള്‍ പൂര്‍ണമായും നിലനിര്‍ത്തുന്നവര്‍ ഒരുപാടുണ്ട്. അതിനുള്ള മനസും വില്‍പവറും ഉണ്ടാവണം എന്ന് മാത്രം. ഇനി ഹൈമെന്‍ ആണ് ഉദ്ദേശിക്കുന്നതെങ്കില്‍, നീ പോ മോനെ ദിനേശാ എന്നെ ഉള്ളൂ ഉത്തരം. പല കാരണങ്ങള്‍ കൊണ്ട് ഹൈമെന്‍ പൊട്ടും. പ്രസവിച്ചു കഴിഞ്ഞാല്‍ പോലും യോനി പൂര്‍വസ്ഥിതിയില്‍  tight ആവുന്നതിനുള്ള വ്യായാമങ്ങള്‍ ഉണ്ട്. പ്രസവരക്ഷാ നെയ്യും കൊഴുപ്പും കഴിക്കുന്നതിനു പകരം കൃത്യമായ കലോറിയും മിനറലുകളും വൈറ്റമിനുകളും ലഭ്യമാക്കി വ്യായാമം ചെയ്താല്‍ ശരീരം പഴയ രീതിയിലേക്ക് കൊണ്ടുവരാം. പ്രസവശേഷം ആണ് സ്തനങ്ങള്‍ക്ക് കുറച്ചെങ്കിലും മാറ്റങ്ങള്‍ ഉണ്ടാവുന്നത്. മുലഞെട്ടിനു ചുറ്റുമുള്ള മൃലീഹമ എന്ന ഭാഗം കുറച്ചുകൂടെ വിസ്താരത്തില്‍ ആവാം.

പ്രസവശേഷം സ്തനങ്ങള്‍ പഴയ ഷേപ്പില്‍ ആവാന്‍ വ്യായാമം ചെയ്യുക. എത്രകാലം മുലയൂട്ടാന്‍ പറ്റുമോ അത്രയും കാലം മുലയൂട്ടുക. അത് സ്തനാര്‍ബുദത്തെ തടയാന്‍ ഉപകരിക്കും.പാലൂട്ടിയാല്‍ ഷേപ്പ് പോകില്ല. സൗന്ദര്യം കുറയുകയും ഇല്ലാ. പാലൂട്ടാതെ ഇരുന്നാല്‍ ഷേപ്പ് പോകാതിരിക്കില്ല. പ്രസവശേഷമുള്ള സ്തനവളര്‍ച്ച പലരിലും പ്രകടമാണ്. അതിനു ഷേപ്പുമായി ബന്ധമില്ല.

മെഡിക്കല്‍ ബുക്കുകള്‍ gender sensitive ആയി മാറ്റിയെഴുതേണ്ടുന്ന സമയം അതിക്രമിച്ചിരിക്കുന്നു. 
NB: അപ്പോ വീട്ടിലെ പെണ്ണുങ്ങളുടെ കുത്തകയായ കഴുകലും ഉണക്കലും ഒതുക്കലും ഭക്ഷണം വെക്കലും കുട്ട്യോളെ നോക്കലും പുരുഷന്മാര്‍ കൃത്യമായി ഭാഗിച്ചു ഏറ്റെടുക്കുക. പെണ്ണുങ്ങള്‍ വ്യായാമം ചെയ്യാനുള്ള സമയം കണ്ടെത്തട്ടെ. വെറുതെ എന്തിനാണ് മുലകള്‍ ആരോ എന്നും പിടിച്ചോണ്ടിരിക്കുകയാ എന്ന ചീത്തപ്പേരുണ്ടാക്കുന്നത് !!!!

ആരാന്‍ പിടിച്ച് തുടങ്ങിയാല് ഉടനെ ബോഡി തൂങ്ങും, വയറു ചാടും എന്നൊക്കെ പറഞ്ഞ് തള്ളുന്നത് ഒന്ന് നിര്‍ത്തണം. സെക്‌സ് മാത്രമേ ചിലര്‍ സദാനേരവും ചിന്തിക്കൂ എന്ന തിയറി വെച്ച് ബാക്കിയുള്ളോര്‍ മുഴോന്‍ സദാനേരം പിടിച്ചോണ്ടും പിടിക്കപ്പെട്ടോണ്ടും നടക്കുക ആണെന്നുള്ള ബോധം മാറ്റിപ്പിടി.