ജനപ്രതിനിധികളുടെ പ്രാദേശിക വികസന ഫണ്ട് ഉപയോഗിച്ച് സ്‌കൂള്‍ ബസ് വാങ്ങാന്‍ അനുവദിക്കാത്തതിനെ തുടര്‍ന്ന് അധ്യാപകര്‍ ലോണെടുത്ത് സ്‌കൂള്‍ വാഹനം വാങ്ങി. ആറ്റിങ്ങള്‍ വിദ്യാഭ്യാസ ജില്ലയില്‍ കൂടുതല്‍ വിദ്യാര്‍ത്ഥികള്‍ പഠിക്കുന്ന മൂന്ന് സ്‌കൂളുകളില്‍ ഒന്നായ ചിറയിന്‍കീഴിലെ പാലവിള ഗവ. യുപി സ്‌കൂളിലേക്കാണ് വാഹനങ്ങള്‍ ഇങ്ങനെ വാങ്ങിയത്. പ്രീെ്രെപമറി, ലോവര്‍ െ്രെപമറി , അപ്പര്‍ െ്രെപമറി എന്നീ വിഭാഗങ്ങളിലായി 957 വിദ്യാര്‍ത്ഥികളാണ് ഇവിടെ പഠിക്കുന്നത്. അവരവരുടെ മണ്ഡലങ്ങളിലെ പ്രാദേശിക ആവശ്യത്തിന് വിനിയോഗിക്കുന്നതിന് വേണ്ടിയെന്നാണ് വെയ്പ്. ഒരു സ്‌കൂള്‍ വാന്‍ വാങ്ങുന്നതിന് വേണ്ടി ജനപ്രതിനിധികളുടെ ഫണ്ടിനായി ശ്രമിക്കുമ്പോഴെല്ലാം ജനപ്രതിനിധികള്‍ കണ്ണടക്കുകയാണ് പതിവ്. 

തുടര്‍ന്ന് മൂന്ന് സ്‌കൂള്‍ ബസുകള്‍ ഇവിടത്തെ അധ്യാപകര്‍ ലോണ്‍ എടുത്ത് വാങ്ങിയിരുന്നു. വീണ്ടും വിദ്യാര്‍ത്ഥികള്‍ വര്‍ദ്ധിച്ചപ്പോള്‍ നാലാമതൊരു വാഹനം വാങ്ങാനായി ജനപ്രതിനിധികളെ കണ്ടപ്പോള്‍ വീണ്ടു കൈമലര്‍ത്തി. ജനപ്രതിനിധികള്‍ക്ക് ബസ് കാത്തിരിപ്പു കേന്ദ്രങ്ങളും, ഹൈമാസ് ലൈറ്റുകളും സ്ഥാപിക്കാനാണ് താല്‍പര്യം. ജനപ്രതിനിധികള്‍ കനിയില്ലെന്ന് മനസിലായതോടെ നാലാമതും അധ്യാപകര്‍ തന്നെ 17 ലക്ഷം രൂപ ലോണ്‍ എടുത്ത് നാലാമത്ത് ബസും ഇറക്കി. ഇതിന്റെ ഫഌഗ് ഓഫ് കര്‍മ്മം പഞ്ചായത്ത് പ്രസിഡന്റ് ഡി. ഡീന തിങ്കളാഴ്ച നിര്‍വ്വഹിച്ചു. 

ചിറയിന്‍കീഴ് പഞ്ചായത്തിലെ തന്നെ ഏറ്റവും കൂടുതല്‍ കുട്ടികള്‍ പഠിക്കുന്ന സ്‌കൂളാണിത്. സ്‌കൂളിന്റെ വികസനത്തിന് എം പിയുടെ പ്രദേശിക വികസന ഫണ്ടിന് വേണ്ടി സ്‌കൂള്‍ അധികൃതര്‍ ശ്രമിച്ചപ്പോള്‍ നാല് ലക്ഷം രൂപ ചിലവാക്കി ഡോ എ സമ്പത്ത് എംപി കുട്ടികള്‍ക്ക് കളിക്കാനായി ഒരു പാര്‍ക്ക് നിര്‍മ്മിച്ച് നല്‍കി. കുട്ടികള്‍ കൂടുന്തോറുമുള്ള ക്ലാസ് മുറികളുടെ കുറവ് എന്നും സ്‌കൂളിനെ അലട്ടിയപ്പോല്‍ വിദ്യാഭ്യാസ വകുപ്പില്‍ നിന്നും മൂന്ന് നില കെട്ടിടം നിര്‍മ്മിക്കാനായി 1.75 കോടി അനുവദിച്ചിട്ടുണ്ട്. പ്രീെ്രെപമറി വിദ്യാര്‍ത്ഥികള്‍ക്കായി പൂര്‍വ്വ വിദ്യാര്‍ത്ഥികള്‍ ഒരു ക്ലാസ് മുറിയും സ്‌കുളിന് വേണ്ടി ഒരു ഓഡിറ്റോറിയവും നിര്‍മ്മിച്ച് നല്‍കിയിട്ടുണ്ട്. ഡോ. ബി രാമചന്ദ്രനാണ് ലൈബ്രറി ഉള്‍പ്പെടെയുള്ളവ നവീകരിച്ച് നല്‍കിയത്. സ്‌കൂള്‍ വികസനത്തിനായി നാട്ടുകാരും, പൂര്‍വ്വ വിദ്യാര്‍ത്ഥികളും അകമഴിഞ്ഞ സഹായിക്കുമ്പോള്‍ ഈ സര്‍ക്കാര്‍ വിദ്യാലയത്തിന് നേരെ മുഖം തിരിക്കുകയാണമ ജനപ്രതിനിധികള്‍.