വടക്കേ ഇന്ത്യയിലെ ആക്ടിവിസം ഇവിടെ നടക്കില്ല... കോടിമനസ്സുകളില് ജീവിക്കുന്ന അയ്യപ്പനുവേണ്ടി ആചാര സംരക്ഷണത്തിനായി ഭക്തര് തെരുവില്, ഇവിടെയൊരു വലിയ നോ പറഞ്ഞില്ലെങ്കില് കേരളത്തില് സിപിഎം ഓര്മ്മയാകും
ഇത് ഹിന്ദുവിന്റെ രക്തം കൊടുത്തു വിശ്വാസം തീര്ത്ത കേരളത്തിന്റെ മണ്ണാണ്. വടക്കേ ഇന്ത്യയിലെ ആക്ടിവിസമൊന്നും ഇവിടെ വില പോകില്ല
കോടി മനസ്സുകളില് ജീവിക്കുന്ന അയ്യപ്പനുവേണ്ടി , ആചാര സംരക്ഷണത്തിനായി അവര് തെരുവിലുണ്ട്. അവരുടെ വിശ്വാസവും നെഞ്ചും തകര്ത്തേ ആക്ടിവിസത്തിനു മുന്നേറാനാകൂ. ഇവിടെയൊരു വലിയ നോ പറഞ്ഞില്ലെങ്കില് കേരളത്തില് സിപിഎം ഓര്മ്മയാകും
തൃപ്തി ദേശായിക്കും കൂടെയുള്ള ആക്ടിവിസ്റ്റുകള്ക്കും പൊരുതിക്കേറാന് ഇടം വേണം. ദേശീയ മാധ്യമങ്ങളിലെ താരമാകണം. അതിന് സര്ക്കാര് കൂട്ടുനിന്നാല് കേരളം പ്രതിഷേധാഗ്നിയില് നിന്നു കത്തും. ജീവന് പിടിച്ചു വാങ്ങിയല്ല പിടിവാശി ജയിക്കേണ്ടത്.
നിങ്ങള് കാണുന്നില്ലേ വിശ്വാസം ആളിക്കത്തുന്നത്. നെടുമ്പാശ്ശേരി ഒരോര്മ്മപ്പെടുത്തലാണ്. ഒരു ദേശത്തിന്റെ വികാരമാണ്. ഒരു ടാക്സി ഡ്രൈവര് പോലും യാത്ര പോകില്ല കാരണം ഇത് മഹാഭൂരിപക്ഷത്തിന്റെ നിറ വികാരമാണ്
വിമാനത്താവളമുറ്റത്ത് നിരന്നു കിടക്കുന്ന അയ്യപ്പഭക്തരുടെ ശരമം വിളി നിങ്ങള് തോക്കിന് മുനയില് തോല്പ്പിച്ചാലും ഭക്തര് കടലായി മാറും ഒരു ഭരണ കൂടത്തിനും വകഞ്ഞു മാറ്റാനാകാത്ത പ്രതിഷേധക്കടല്.
നിങ്ങള് കേള്ക്കുന്നില്ല പ്രതിഷേധം ശരണമന്ത്രങ്ങളായുയരുന്നത്. വികലമാക്കരുത് വിശ്വാസങ്ങളെ. നവോത്ഥാനമൊരുക്കേണ്ടത് ദൈവമില്ലാത്ത ആക്ടിവിസത്തിന്റെ മാര്ഗ്ഗത്തിലൂടെയാകരുത്. വിശ്വാസികള്ക്ക് ശബരിമല പുണ്യഭൂമിയാണ്. തൃപ്തിദേശായിമാര്ക്ക് അത് പോരാടി കടന്നു ചെല്ലേണ്ട ശത്രു ഭൂമിയായിരിക്കും. അലകടലായി മാറുന്ന കൊച്ചി ആറു മണിക്കൂറുകളായപ്പോള് സംഘര്ഷഭൂമിയായി മാറി. ഒരു പോലീസിനും പ്രതിഷേധം തകര്ത്തെറിയാന് കഴിയില്ല.
https://www.facebook.com/Malayalivartha
