കേരള ഹൗസിലെ ഔദ്യോഗിക രേഖകള് മോഷണം പോയതായി പരാതി
ഡല്ഹി കേരള ഹൗസിലെ ലോ ഓഫീസില് നിന്ന് ഔദ്യോഗിക രേഖകള് മോഷണം പോയതായി പരാതി. അഡീഷണല് ലോ സെക്രട്ടറി ഗ്രാന്സി രേഖകള് മോഷ്ടിച്ചുവെന്നാണ് പരാതി. ഇക്കാര്യം കാണിച്ച് നിയമവകുപ്പ് ഡെപ്യൂട്ടി സെക്രട്ടറി ഷണ്മുവതിയാണ് പൊലീസില് പരാതി നല്കിയിരിക്കുന്നത്.
ഗ്രാന്സിയെ കഴിഞ്ഞ മാസം തിരുവനന്തപുരത്തേക്ക് സ്ഥലംമാറ്റിയിരുന്നു. ഇവര്ക്കായിരുന്നു നേരത്തേ ലോ ഓഫീസിന്റെ ചാര്ജ്. സ്ഥലംമാറി പോയപ്പോള് ലോ ഓഫീസിലെ ചില രേഖകള് കൂടി ഇവര് കൊണ്ടുപോയെന്നാണ് തിലക് മാര്ഗ് പൊലീസ് സ്റ്റേഷനില് നല്കിയ പരാതിയില് ഷണ്മുവതി പറഞ്ഞിരിക്കുന്നത്. പരാതിയില് പ്രാഥമിക അന്വേഷണം നടക്കുന്നുണ്ടെന്നാണ് പൊലീസ് പറയുന്നത്.
രണ്ട് ഉദ്യോഗസ്ഥരും തമ്മിലുള്ള തര്ക്കമാണ് പരാതിക്ക് കാരണമെന്നാണ് വിവരം. ഇവര് തമ്മില് നേരത്തേ ലോ ഓഫീസിനുള്ളില് തര്ക്കമുണ്ടായിരുന്നു. പരാതി കെട്ടിച്ചമച്ചതാണെന്നാണ് ഗ്രാന്സിയുടെ പ്രതികരണം. കേരളവുമായി ബന്ധപ്പെട്ട് സുപ്രീം കോടതിയില് ഉള്പ്പെടെ നടക്കുന്ന കേസുകളുടെ രേഖകള് സൂക്ഷിക്കുന്നത് ഈ ലോ ഓഫീസിലാണ്. അതിനാല് വിഷയത്തില് സര്ക്കാര് ഇടപെടാനും സാദ്ധ്യതയുണ്ട്.
https://www.facebook.com/Malayalivartha
