വിശ്വാസങ്ങളെ വെല്ലുവിളിച്ച് ഒരിയ്ക്കലും തൃപ്തി ദേശായിക്ക് ശബരിമലയിൽ എത്താനാകില്ലെന്ന് മാളികപ്പുറം മേൽശാന്തി വി എൻ അനീഷ് നമ്പൂതിരി.തൃപ്തി . ദേശായിയെ ആചാരലംഘനത്തിനു വിശ്വാസികൾ അനുവദിക്കില്ല.

യുവതികൾ ശബരിമലയിൽ പ്രവേശിക്കരുതെന്ന് തന്നെയാണ് തന്റെ നിലപാടെന്നും അദ്ദേഹം വ്യക്തമാക്കി.നാടകീയ രംഗങ്ങളാണ് ഇപ്പോൾ നെടുമ്പാശേരി വിമാനത്താവളത്തില്‍ നടന്ന് കൊണ്ടിരിക്കുന്നത്. തൃപ്തി ദേശായിയെ വിമാനത്താവളത്തിന് പുറത്തേക്ക് കടക്കാന്‍ പോലും അനുവദിക്കില്ലെന്ന നിലപാടിൽ നാമജപക്കാർ പ്രതിഷേധം കടുപ്പിക്കുന്നു. എന്നാല്‍ എന്ത് സംഭവിച്ചാലും ശബരിമലയിലേക്ക് പോകും എന്ന നിലപാടിൽ തൃപ്തിയും ഉറച്ചു നിൽക്കുന്നു.

പുലര്‍ച്ചെ 4.45ന് തൃപ്തി ദേശായി നെടുമ്പാശ്ശേരി അന്താരാഷ്ട്ര വിമാനത്താവളത്തില്‍ എത്തിയതാണ്. നേരമിത്ര ആയിട്ടും തൃപ്തിക്കും ഒപ്പമുളള ആറ് പേര്‍ക്കും പുറത്തേക്ക് കടക്കാന്‍ പോലും സാധിച്ചിട്ടില്ല...ഭയന്ന് തിരിച്ച് പോകാന്‍ തയ്യാറല്ല എന്നാണ് തൃപ്തി ദേശായി പറയുന്നത് നാമജപക്കാർ ഗുണ്ടകളാണെന്നു പറഞ്ഞതും ഭക്തരുടെ വികാരം ആളിക്കത്തിച്ചിട്ടുണ്ട്.
ക്ഷേത്രത്തില്‍ പ്രവേശിക്കാനുളള അനുമതി നല്‍കിയത് സുപ്രീം കോടതിയാണ്, അതുകൊണ്ടുതന്നെ സുരക്ഷാ തരേണ്ടത് സർക്കാരാണ് എന്നാണ് തൃപ്തി പറയുന്നത് . തന്നെ തടയുന്നത് ഭക്തരല്ല , സ്ത്രീ വിരുദ്ധരാണെന്നാണ് തൃപ്തി പറയുന്നത്

സര്‍ക്കാര്‍ വാഹനത്തിലോ പോലീസ് വാഹനത്തിലോ തൃപ്തി ദേശായിയെ കൊണ്ടുപോകാന്‍ അനുവദിക്കില്ലെന്ന് പ്രതിഷേധക്കാര്‍ വ്യക്തമാക്കിയതോടെ നെടുമ്പാശേരിയിലും ആശങ്കയേറുന്നു