പൊലീസ് നിയന്ത്രണങ്ങളില്‍ ഇളവുവേണമെന്ന് ആവശ്യപ്പെട്ട് ദേവസ്വം ബോര്‍ഡ് പ്രസിഡന്റ് എ പത്മകുമാര്‍ ഇന്ന് മുഖ്യമന്ത്രിയുമായും ഡിജിപി ലോക്‌നാഥ് ബഹ്‌റയുമായും കൂടിക്കാഴ്ച നടത്തും. സന്നിധാനത്ത് പൊലീസ് നിര്‍ദ്ദേശിച്ചിട്ടുള്ള നിയന്ത്രണങ്ങള്‍ പലതും ഭക്തര്‍ക്ക് പ്രയാസമുണ്ടാക്കുന്നതാണെന്ന് ചര്‍ച്ചയില്‍ ചൂണ്ടിക്കാണിക്കുമെന്ന് പത്മകുമാര്‍ പറഞ്ഞു.

ആചാരപരമായ കാര്യത്തില്‍ ഒരു വിട്ടുവീഴ്ചയ്ക്കും ദേവസ്വം ബോര്‍ഡ് തയ്യാറാല്ലെന്ന് നേരത്തെ പത്മകുമാര്‍ പ്രതികരിച്ചിരുന്നു. നെയ്യപ്പഭിഷേകം നടത്തേണ്ട ഭക്തര്‍ക്ക് സന്നിധാനത്ത് തങ്ങാം. അപ്പം, അരവണ കൗണ്ടറുകള്‍ പത്ത് മണിക്ക് അടയ്ക്കില്ല. സ്ന്നിധാനത്തെ കടകളും രാത്രി അടച്ചിടില്ലെന്ന് പത്മകുമാര്‍ പറഞ്ഞു.

നടവരവിലും കാണിക്കയിലും, കോടികള്‍ കുറഞ്ഞതായി ദേവസ്വം ബോര്‍ഡ് പ്രസിഡന്റ് പത്മകുമാര്‍ നേരത്തെ വ്യക്തമാക്കിയിരുന്നു . കാണിക്കയും പണവും ഇല്ലാതാക്കിയവര്‍ ക്ഷേത്രങ്ങളേ തകര്‍ക്കുകയാണ്. അവര്‍ ക്ഷേത്രങ്ങള്‍ നശിപ്പിക്കുകയാണ്. ജീവനക്കാരേ തകര്‍ക്കുകയാണ്. അദ്ദേഹം കുറ്റപ്പെടുത്തി. കാണിക്ക ഇടരുതെന്ന് ആര്‍.എസ്.എസ് ഹിന്ദു ഐക്യവേദി, ഹൈന്ദവ സംഘടനകളുടെ പ്രഖ്യാപനത്തിനെതിരേയാണ് ദേവസ്വം ബോര്‍ഡ് പ്രസിഡന്റ് ആര്‍. പത്മകുമാര്‍ രംഗത്ത് എത്തിയത്. എല്ലാ ഭക്തരും പണം തന്ന് സഹായിക്കണം എന്നും കാണിക്ക ഇടണമെന്നും അദ്ദേഹം പറഞ്ഞു. ഇപ്പോള്‍ വലിയ കോടികള്‍ മുന്‍ വര്‍ഷത്തേതിലും നഷ്ടം വന്നു. ആര്‍.എസ്.എസും, ഹിന്ദു സംഘടനകളും ക്ഷേത്രം തകര്‍ക്കാനും ജീവനക്കാരേ നശിപ്പിക്കാനും ശ്രമിക്കുന്നു എന്നും അദ്ദേഹം സംഘടനകളുടെ പേരുകള്‍ പറയാതെ ആഞ്ഞടിച്ചു.

ദേവസ്വത്തിന്റെ ക്ഷേത്രങ്ങളില്‍ കാണിക്ക ഇടരുതെന്ന പ്രചരണം വ്യാപകമായി നടക്കുന്നു. അതൊരു രാഷ്ട്രീയ പ്രശനമാണ്. ഇത് വലിയ വിഷയമായി ഉയര്‍ത്തി കൊണ്ടുവരികയാണ് ചിലര്‍. തെറ്റായ പ്രചരണം കൊടുത്ത് ക്ഷേത്രങ്ങളേ തകര്‍ക്കുകയാണ്. വളരെ ബോധ പൂര്‍വ്വമായ ശ്രമം നടക്കുന്നു. ഇവിടെ വേതനം വാങ്ങുന്ന ജീവനക്കാര്‍ മറ്റ് മതക്കാര്‍ ഒന്നും അല്ല. എല്ലാവരും ഹിന്ദുക്കള്‍ തന്നെയാണ് എന്ന് ഓര്‍ക്കണം. അവര്‍ക്ക് ശബളം നല്കാനും മുന്‍ ജീവനക്കാര്‍ക്ക് പെന്‍ഷന്‍ നല്കാനും ഞങ്ങളുടെ കൈയ്യില്‍ പണം വേണം. ദേവസ്വത്തിനു പണം വേണമെന്നും വ്യക്തമാക്കിയിരുന്നു.