ഹര്ത്താലിന്റെ പശ്ചാത്തലത്തില് പോലീസ് സംരക്ഷണത്തില് മാത്രം സര്വീസ് നടത്തിയാല് മതിയെന്ന് കെഎസ്ആര്ടിസി എംഡി
ഹര്ത്താലിന്റെ പശ്ചാത്തലത്തില് പോലീസ് സംരക്ഷണത്തില് മാത്രം സര്വീസ് നടത്തിയാല് മതിയെന്ന് കെഎസ്ആര്ടിസി എംഡി ടോമിന് ജെ. തച്ചങ്കരി. കെഎസ്ആര്ടിസി കണ്ട്രോള് റൂം ഇതുസംബന്ധിച്ച നിര്ദേശം ഡിപ്പോകള്ക്ക് നല്കി.
ഹര്ത്താലില് സര്വീസ് നടത്തുന്ന കെഎസ്ആര്ടിസി ബസുകള്ക്കു നേരെയുണ്ടാകുന്ന ആക്രമണങ്ങളുടെ പശ്ചാത്തലത്തിലാണ് നിര്ദേശം.
അതേസമയം, അപ്രതീക്ഷിതമായി പ്രഖ്യാപിച്ച ഹര്ത്താലില് ശബരിമല തീര്ത്ഥാടനം ഉള്പ്പെടെ ജനജീവിതം താറുമാറായി. സംസ്ഥാനത്ത് കെ.എസ്.ആര്.ടി.സി ബസുകള് സര്വീസ് നിറുത്തിവച്ചതാണ് ഭക്തര്ക്ക് തിരിച്ചടിയായത്. രാവിലെ ചിലയിടങ്ങളില് സര്വീസ് തുടങ്ങിയെങ്കിലും ഹര്ത്താലിനെത്തുടര്ന്ന് നിറുത്തിവയ്ക്കുകയായിരുന്നു. ഇതിനിടയില് ചിലയിടത്ത് കെ.എസ്.ആര്.ടി.സി ബസുകള്ക്ക് നേരെ ആക്രമണവുമുണ്ടായി. പൊലീസ് സംരക്ഷണം നല്കാതെ സര്വീസ് തുടരാന് ആവില്ലെന്നാണ് കെ.എസ്.ആര്.ടി.സി നിലപാട്. എന്നാല് പമ്ബ നിലയ്ക്കല് റൂട്ടില് സര്വീസുകള് മുടക്കമില്ലാതെ നടക്കുന്നുണ്ട്.ശനിയാഴ്ച പുലര്ച്ചയോടെ പ്രഖ്യാപിച്ച ഹര്ത്താലിന്റെ വിവരം അറിയാതെ ഓഫീസുകളിലേക്കും മറ്റും പുറപ്പെട്ടവരാണ് അക്ഷരാര്ത്ഥത്തില് കുടുങ്ങിയത്. ചികിത്സയ്ക്കും മറ്റുമായി വീടുകളില് നിന്നും ഇറങ്ങിയവരും മതിയായ യാത്രാ സൗകര്യം ലഭിക്കാതെ കുഴങ്ങിയിട്ടുണ്ട്.
L
https://www.facebook.com/Malayalivartha
