പ്രതിരോധശേഷിയെ ബാധിക്കുന്ന ലൂപ്പസ് രോഗം ബാധിച്ച ടിവി അവതാരക ദുര്ഗ അന്തരിച്ചു
ടെലിവിഷന് അവതാരക ദുര്ഗ മേനോന് (35) അന്തരിച്ചു.ഒരു മാസത്തോളമായി കൊച്ചിയിലെ സ്വകാര്യ ആശുപത്രിയില്, ശരീരത്തിന്റെ പ്രതിരോധശേഷിയെ ബാധിക്കുന്ന ലൂപ്പസ് രോഗത്തിന് ചികിത്സയിലായിരുന്നു. ചികിത്സയിലിരിക്കെ ഇരുപത്തിയൊന്പത് ദിവസം മുമ്പ് വെന്റിലേറ്ററിലായി ദുര്ഗ.
വെള്ളിയാഴ്ച വൈകുന്നേരും ഹൃദയാഘാതത്തെ തുടര്ന്ന് മരണം സംഭവിക്കുകയായിരുന്നു. ദുര്ഗയുടെ മൃതദേഹം കുടുംബ വീടായ കൊല്ലൂരിലേയ്ക്ക് കൊണ്ടു പോയിട്ടുണ്ട്. ശവസംസ്കാര ചടങ്ങുകള് ശനിയാഴ്ച നടക്കും. അച്ഛന് പരേതനായ ജയശങ്കര്, അമ്മ സന്ധ്യ മേനോന്. ഭര്ത്താവ് വിനോദ്, മകന് ഗൗരിനാഥ്.
കിരണ് ടിവി സംപ്രേക്ഷണം ചെയ്ത് ഷോയായ ലൗ ആന്റ് ലോസ്റ്റ് എന്ന പരിപാടിയിലൂടെയാണ് ദുര്ഗ പ്രേക്ഷകര്ക്ക് സുപരിചിതയായത്. മികച്ച പ്രേക്ഷക സ്വീകാര്യത ലഭിച്ച ഒരു ഷോയായിരുന്നു അത്. പിന്നീട് നിരവധി പരിപാടിയിലൂടെ ദുര്ഗ പ്രേക്ഷകരുടെ മുന്നില് എത്തിയിരുന്നു. എങ്കിലും ഏറ്റവും കൂടുതല് ശ്രദ്ധിക്കപ്പെട്ടത് കിരണ് ടിവി അവതരിപ്പിച്ച ലൗ ആന്റ് ലോസ്റ്റ് ആയിരുന്നു.
https://www.facebook.com/Malayalivartha