ശശികലയെ അറസ്റ്റ് ചെയ്തു വെട്ടിലായി പോലീസ് . അക്ഷരാർത്ഥത്തിൽ ഒരു പകൽ മുഴുവൻ കേരളം പോലീസിനെ ശശികല ടീച്ചർ വട്ടംകറക്കി. ഇന്നലെ രാത്രി പത്തുമണിയോടെ ശശികല ടീച്ചറെ അറസ്റ്റ് ചെയ്തു റാന്നി പോലീസ് സ്റ്റേഷനിൽ എത്തിക്കുമ്പോൾ പോലീസ് ഇത്രയൊന്നും പ്രതീക്ഷിച്ചിട്ടുണ്ടാവില്ല . രാവിലെ ആയപ്പോഴേക്കും റാന്നി പോലീസ് സ്റ്റേഷൻ നാമജപക്കാരായ ഭക്തർ പൂർണമായും കയ്യടക്കി എന്ന് തന്നെ പറയാം .

ശശികല ടീച്ചറെ ശബരിമലയിലേക്ക് കടത്തിവിടില്ല എന്ന നിലപാടാണ് പോലീസ് എടുത്തിരുന്നത്. പ്രതിഷേധങ്ങള്‍ ശക്തമായതോടെ പോലീസ് തീരുമാനം മയപ്പെടുത്തി. സ്റ്റേഷന്‍ ജാമ്യം നല്‍കി വിട്ടയക്കാമെന്നായിരുന്നു പോലീസിന്‍റെ ആദ്യ നിലപാട്. എന്നാല്‍ തന്നെ അറസ്റ്റ് ചെയ്തിടത്തുകൊണ്ടു വിടാമെങ്കില്‍ മാത്രം മതി. അല്ലെങ്കില്‍ ഉപവാസ സമരവുമായി മുന്നോട്ട് പോകുമെന്നു ടീച്ചര്‍ പറഞ്ഞതോടെ പുലിവാല് പിടിച്ചത് പോലീസ്.

ജാമ്യമെടുത്താല്‍ ശബരിമലയ്ക്ക് പോകാമെന്ന് പൊലീസ് അറിയിച്ചെങ്കിലും അവര്‍ തയ്യറായില്ല. തുടര്‍ന്നാണ് തിരുവല്ല ആര്‍.ഡി.ഒയ്ക്ക് മുന്നില്‍ ഹാജരാക്കാൻ തീരുമാനമായത് . കേസെടുക്കാദി പറഞ്ഞയക്കാൻ പറ്റാത്തത് കൊണ്ട് നിസ്സാര വകുപ്പുകൾ മാത്രം ചുമത്തി ശശികളക്ക് ജാമ്യം അനുവദിക്കേണ്ട ഗതികേടിലായി കേരള പോലീസ് . കോടതിയില്‍ നിന്നും ജാമ്യമെടുത്ത് ശശികലയ്ക്ക് ശബരിമലയിലേക്ക് പോകാമെന്നും പൊലീസ് അറിയിച്ചു

ഹിന്ദു ഐക്യവേദിയുടെയും ശബരിമല കര്‍മ സമിതിയുടെയും ആയിര കണക്കിനു പ്രവര്‍ത്തകരാണ് പോലീസ് സ്റ്റേഷനു മുന്നില്‍ നാമജപ പ്രതിഷേധം നടത്തിയത്. ശശികല ടീച്ചറെ അറസ്റ്റ് ചെയ്തതില്‍ പ്രതിഷേധിച്ച്‌ ഹിന്ദു ഐക്യവേദിയും ശബരിമല കര്‍മ സമിതിയും ആഹ്വാനം ചെയ്ത ഹര്‍ത്താല്‍ പുരോഗമിക്കുകയാണ്. ഓർക്കാപ്പുറത്തുണ്ടായ ഹർത്താലിൽ പാവം ജനങ്ങൾക്കുണ്ടായ ബുദ്ധിമുട്ട് മാത്രമാണ് ഈ അറസ്റ്റിന്റെ ബാക്കി പത്രമായി അവശേഷിക്കുന്നത്