വീണ്ടും തൃപ്തി ദേശായി എത്തുന്നു.പ്രതിഷേധക്കാരെ ഭയന്നല്ല മടങ്ങുന്നതെന്നും പോകുന്നതിൽ ദുഃഖമുണ്ടെന്നും അവർ ഇന്നലെ പറഞ്ഞിരുന്നു.

മുംബൈ വിമാനത്താവളത്തിലും തൃപ്തിക്ക് പ്രതിഷേധം നേരിടേണ്ടിവന്നു. ....
അമ്പത് വയസ് കഴിയാതെ തൃപ്തി ദേശായിയും സംഘവും ശബരിമലയില്‍ പോകേണ്ടെന്നാണ് പ്രതിഷേധക്കാര്‍ മാധ്യമങ്ങളോട് പറഞ്ഞത്. തൃപ്തിയെയും കൂട്ടരെയും വിമാനത്താവളത്തിന് പുറത്തെത്തിക്കാൻ മുംബൈ പോലീസ് ഏറെ പണിപ്പെട്ടു. കനത്ത സുരക്ഷാവലയത്തിലാണ് തൃപ്തിയെ പുറത്തെത്തിച്ചത്.

പോലീസ് അകമ്പടിയിലാണ് ഇവര്‍ വീട്ടിലെത്തിയത്. അതിനുശേഷമാണ് എന്തുവന്നാലും ശബരിമലയിൽ പോകുമെന്ന് മാധ്യമങ്ങളോട് വ്യക്തമാക്കിയത്. ആക്രമണത്തെ ഭയപ്പെടുന്നില്ലെന്നും തൃപ്തി പറഞ്ഞു.

പ്രതികരിച്ചത് ഭക്തരല്ല ,ഗുണ്ടകളാണ് ..സ്ത്രീകളുടെ അവകാശമാണ് പ്രധാനം. അയ്യപ്പ ഭക്തിയുടെ പേരില്‍ ഇത്തരം വൃത്തിക്കെട്ട പെരുമാറ്റത്തെ ന്യായീകരിക്കാന്‍ സാധിക്കില്ലെന്നും തൃപ്തി ദേശായി പറഞ്ഞു.

അടുത്ത തവണ ആരോടും പറയാതെയാണ് ശബരിമലയിലേക്ക് എത്തുക, ഗറില്ലാ തന്ത്രങ്ങള്‍ പ്രയോഗിക്കും. ആരുടെയും സംരക്ഷണം ചോദിക്കുകയുമില്ല എന്നും തൃപ്തി പറഞ്ഞു. അതേസമയം അടുത്തതവണ ശബരിമലയിൽ എത്തുമ്പോൾ എല്ലാ സുരക്ഷയും സഹായവും നൽകാമെന്ന് പോലീസ് സമ്മതിച്ചിട്ടുണ്ടെന്നും തൃപ്തി വ്യക്തമാക്കി.

. ഇത്തവണ സര്‍ക്കാരിനും പോലീസിനും കേന്ദ്രസര്‍ക്കാരിനും തൃപ്തി പ്രത്യേക കത്തയച്ചിരുന്നു. തുടര്‍ന്നാണ് കൊച്ചിയിലെത്തിയത്. ഇതാണ് തന്റെ ദൗത്യം നടക്കാതെ പോകാൻ കാരണമെന്ന് തൃപ്തി വിശ്വസിക്കുന്നു. ഈ മണ്ഡല കാലത്തുതന്നെ പോലീസിന്റെ സഹായത്തോടെ ഗറില്ലാ തന്ത്രങ്ങൾ ഉപയോഗിച്ച് ശബരിമലയിലെത്തും എന്ന് തറപ്പിച്ചു പറയുന്നു