സംസ്ഥാനത്ത് ഇന്ന് ശക്തമായ മഴയ്ക്കു സാധ്യതയെന്ന് കാലാവസ്ഥാ നിരീക്ഷണകേന്ദ്രം
തെക്കുപടിഞ്ഞാറന് ബംഗാള് ഉള്ക്കടലിലും ഇന്ത്യന് മഹാസമുദ്രത്തില് ഭൂമധ്യരേഖയ്ക്കടുത്തും രൂപംകൊണ്ട ന്യൂനമര്ദത്തിന്റെ ഫലമായി ഇന്നു സംസ്ഥാനത്തു ശക്തമായ മഴയ്ക്കു സാധ്യതയുണ്ടെന്നു കാലാവസ്ഥാ നിരീക്ഷണകേന്ദ്രം.
ചെന്നൈ തീരത്തിനു സമീപമാണു ന്യൂനമര്ദം രൂപമെടുത്തിരിക്കുന്നത്. ഇതിന്റെ ഫലമായി സംസ്ഥാനത്ത് പരക്കെ മഴയ്ക്ക് സാധ്യതയുണ്ട്. ഇടുക്കി, പത്തനംതിട്ട, കോട്ടയം ജില്ലകളില് യെല്ലോ അലെര്ട്ടും പ്രഖ്യാപിച്ചിട്ടുണ്ട്. രണ്ട് സെന്റീമീറ്റര് വരെ മഴയാണു പ്രവചിച്ചിരിക്കുന്നത്. തെക്കന് ജില്ലകളിലാണു മഴ ശക്തിപ്രാപിക്കാന് സാധ്യതയേറെയും. വടക്കന് ജില്ലകളുടെ തീരദേശങ്ങളിലും മഴയ്ക്കു സാധ്യതയുണ്ട്.
കഴിഞ്ഞ ഏതാനും ദിവസമായി സംസ്ഥാനത്ത് തുലാവര്ഷം ശക്തമാണ്. തമിഴ്നാടിന്റെ തെക്കുപടിഞ്ഞാറായി രൂപം കൊണ്ടിരുന്ന ഗജ ചുഴലിക്കാറ്റിന്റെ ഫലമായിട്ടായിരുന്നു കേരളത്തില് ശക്തമായ മഴ പെയ്തത്. തെക്കന് കേരളത്തിലായിരുന്നു കാറ്റും മഴയും.
ഗജ ദുര്ബലമായെങ്കിലും അതിന്റെ ഫലമായി അറബിക്കടലിലും മറ്റൊരു ചുഴലിക്കാറ്റ് രൂപമെടുത്തത് മഴ തുടരാന് കാരണമായി. ഇതിനു പിന്നാലെയാണ് തെക്കുപടിഞ്ഞാറന് ബംഗാള് ഉള്ക്കടലിലും ഇന്ത്യന് മഹാസമുദ്രത്തിലും ന്യൂനമര്ദം രൂപമെടുത്തത്. ബംഗാള് ഉള്ക്കടലില് കടല് പ്രക്ഷുബ്ദമാകും. മണിക്കൂറില് 40 മുതല് 50 കിലോമീറ്റര് വേഗത്തില് കാറ്റടിക്കാന് സാധ്യതയുണ്ട്
https://www.facebook.com/Malayalivartha
